MOONLIGHT IX (മാലാഖയുടെ കാമുകൻ ) 722

അയാൾക്ക് ഒരു അനക്കം പോലും ഇല്ല. പെട്ടെന്ന് ഒന്ന് പിടച്ച ശേഷം അയാൾ ജീവൻ വെടിഞ്ഞപ്പോൾ ചുവന്ന മനുഷ്യർ എല്ലാം വല്ലാത്തൊരു ശബ്ദത്തോടെ നിന്നു..

പെട്ടെന്ന് ഇലവനുകൾ കൂട്ടത്തോടെ ആർത്തു വിളിച്ചു.. വല്ലാത്ത ബഹളം..

ജെയിംസും കൂട്ടരും തിരിഞ്ഞു നോക്കി.. അവരുടെ കണ്ണുകൾ വിടർന്നു..

കയ്യിൽ നീളൻ ഉടവാളും ആയി അല്പം ദൂരെ നിൽക്കുന്ന എൽവിഷ് ക്വീൻ വയലിൻ..

•••

വെയിലാ അവളുടെ കയ്യിൽ ഇരുന്ന തണ്ടർബോൾറ്റ് സ്പിയർ മുൻപിലേക്ക് നീട്ടി..

അതിന്റെ ശക്തി അപാരം ആയിരുന്നു.. അത് അവളുടെ കയ്യിൽ ഇരുന്ന് വിറച്ചുകൊണ്ടിരുന്നു.. അവൾ സിംഹസനത്തിലേക്ക് നോക്കി നിന്നു..

“ഞാൻ ഒരുപാട് ആഗ്രഹിച്ച സ്വപ്നം.. അത് സത്യം ആകുന്നു.. എൽവിഷ് ലോകത്തെ ക്വീൻ വെയിലാ.. ഹഹഹ..”

അവൾക്ക് സന്തോഷം അടക്കാൻ ആയില്ല..

നിലത്ത് വീണു കിടന്ന ജൂഹി ആ ചിരി കേട്ടപ്പോൾ ഒന്ന് അനങ്ങി.. അവൾ കൈ കുത്തി എഴുന്നേറ്റ് ഇരുന്നു..

എവിടെയോ ഇടിച്ചു പൊട്ടിയ അവളുടെ മൂക്കിൽ നിന്നും ചുണ്ടിൽ നിന്നും ഒഴുകിയ ചോര അവളുടെ ഉള്ളം കയ്യിലേക്ക് ആണ് വീണത്..

അവളുടെ കൂട്ടി പിടിച്ച കൈകളിൽ നിന്നും ചൂട് ചോര താഴെ കിടന്ന ദേവതയുടെ പൊട്ടിയ മുഖത്തിന്റെ കണ്ണുകളിലേക്ക് വീണു..

ജൂഹി ദേവതയുടെ പ്രതിമയിൽ ഉണ്ടായിരുന്ന തുണി കീറി മൂക്ക് തുടച്ചു കൊണ്ട് വെയിലായെ നോക്കി.. അവളുടെ കണ്ണുകൾ അപ്പോഴും സിംഹസനത്തിൽ ആണ്..

പതിയെ എഴുന്നേറ്റ ജൂഹിക്ക് കൈകളിൽ പതിവ് ഇല്ലാത്ത ഒരു ഭാരം അനുഭവപ്പെട്ടു.. നല്ല ഭാരം.. അവൾ കൈകളിലേക്ക് നോക്കി.. ഒന്നും കാണാൻ ഇല്ല പക്ഷെ നല്ല ഭാരം.. കൈകൾ നീങ്ങുമ്പോൾ ഒപ്പം എന്തോ നീങ്ങുന്നത് പോലെ..