MOONLIGHT IX (മാലാഖയുടെ കാമുകൻ ) 722

പിസ്റ്റൾ വെടിയുണ്ട തീർന്നപ്പോൾ അത് മാറ്റാൻ പോലും മെറിനു കഴിഞ്ഞില്ല. അവളുടെ കഴുത്തിൽ കുന്തമുന തട്ടി നിന്നപ്പോൾ അവൾ ലിസയെ നോക്കി..

ലിസ വെട്ടി തിരിഞ്ഞപ്പോഴേക്കും അവളുടെ കഴുത്തിൽ കുന്തത്തിന്റെ മുന തട്ടി നിന്നു.. അവർ മാത്രം അല്ല.. ജൂഹിയും അപ്പോൾ കുന്ത മുനയിൽ ആയിരുന്നു..

അപ്പുറം മൂൺലൈറ്റും വെയിലായും തമ്മിൽ ശക്തമായ യുദ്ധത്തിൽ ആയിരുന്നു.. മൂൺലൈറ്റ് ക്ഷീണിച്ചു ക്ഷീണിച്ചു വന്നു..

•••

മുൻപിൽ വന്ന ആർമിയുടെ മുൻപിലേക്ക് തന്നെ നിന്ന് ജെയിംസും കൂട്ടരും മിനി ഗൺ പ്രവർത്തിപ്പിച്ചു..

ഈയാം പാറ്റ വീഴും പോലെ ആണ് ആളുകൾ വീണത്… അത് എല്ലാവരിലും ഒരു ആവേശം നിറച്ചു..

ഒരു അസ്ത്രം പാഞ്ഞു വന്ന് ഒലിവറിന്റെ കയ്യിൽ കയറിയപ്പോൾ അയാളുടെ കയ്യിൽ നിന്നും ഗൺ താഴേക്ക് വീണു.. ആ നിമിഷം ആണ് ഇലവനുകൾ മുൻപിലേക്ക് ഓടി കയറിയത്… വന്ന ആർമിയും അവരും തമ്മിൽ വലിയ യുദ്ധം ഉണ്ടായി..

അലറികരച്ചിലുകളും ചോരയും ആകെ കൂടെ ബഹളമയം..

അതിനിടയിൽ നിന്നും ജെയിംസും കൂട്ടരും വശത്തേക്ക് മാറി നിന്നു..

അവർക്ക് നേരെ ഒരു കൂട്ടം പാഞ്ഞു വന്നപ്പോൾ അവർ ഏതാനും വാളുകൾ വലിച്ച് എടുത്തു നിന്നു.. അവരുടെ തോക്കുകൾ വീണു പോയിരുന്നു.. എമ്മയും ആലിസും അരയിൽ ഉണ്ടായിരുന്ന പിസ്റ്റൾ വച്ചു ഷൂട്ട്‌ ചെയ്തുകൊണ്ടിരുന്നു..

•••

മൂൺലൈറ്റിനെ വീണ്ടും കൈകളുടെ ശക്തി കൊണ്ട് എടുത്ത് അടിച്ച ശേഷം വെയിലാ അവർക്ക് നേരെ തിരിഞ്ഞു.. മെറിനും ലിസയും ജൂഹിയും കുന്തമുനയിൽ ആയിരുന്നു അപ്പോഴും..

“ആരും ജീവനോടെ വേണ്ട.. കൊല്ല് അവരെ..”

വെയിലാ അത് പറഞ്ഞതും വാതിൽ വലിയ ശബ്ദത്തോടെ പൊളിഞ്ഞു വീണു.. അവിടേക്ക് നോക്കാൻ പോലും ആർക്കും സമയം കിട്ടിയില്ല.. അതിന് മുൻപേ അവിടെ നിന്നും ശക്തമായ ഗൺ ഫയറിങ് അടിച്ചു.. ചെവി അടപ്പിക്കുന്ന സ്വരം…