MOONLIGHT IX (മാലാഖയുടെ കാമുകൻ ) 722

രണ്ടുപേരും ഒരു അനക്കവും ഇല്ലാതെ വീണു.. എല്ലാവരും ഞെട്ടി.. ഇതൊക്കെ ഒരു നിമിഷം കൊണ്ടാണ് കഴിഞ്ഞത്..

“നീ കൊള്ളാം..”

മന്ത്രി കസേരയിൽ കാല് കയറ്റി വച്ചിരുന്ന എലനോർ അത്ഭുധത്തോടെ ആണ് മെറിനെ നോക്കിയത്..

“കൊല്ല് അവളെ…!!!!”

നിലത്ത് നിന്നും എഴുന്നേറ്റ വെയിലാ ദേഷ്യം കൊണ്ട് അലറിയപ്പോൾ ആർമി ഒരുമിച്ച് മുൻപോട്ട് വന്നു.. അതെ സമയം ലിസയും മുൻപോട്ട് കയറി..

പട പട വെടികൾ പൊട്ടി… ആളുകൾ മരിച്ചു വീണപ്പോൾ ജൂഹി പകച്ചു നിന്നു.. ആർമി അവരുടെ ചുറ്റും കൂടി.. കുന്തങ്ങൾ അവരുടെ നേരെ നീണ്ടു നീണ്ടു വന്നു.. രണ്ടോ മൂന്നോ കുത്ത് കൊണ്ടു എങ്കിലും കൃതിരിൻ വേഷം ഇട്ടിരുന്നത് കൊണ്ട് അത് അകത്തേക്ക് കയറിയില്ല..

“ആാാാാ…”

ഇതെല്ലാം കണ്ട മൂൺലൈറ്റ് നിലത്തേക്ക് ഇരുകൈകൾ നിവർത്തി ആഞ്ഞു ഒരു അടി അടിച്ചു.. അവളുടെ കയ്യിൽ നിന്നും കൊടും കാറ്റ് പോലെയൊരു ശക്തി പാഞ്ഞു പോയി അവരുടെ ചുവടുകൾ ഇളക്കി അവർ എല്ലാവരും നിലത്തേക്ക് വീണു..

ചാടി എഴുന്നേറ്റ മെറിനും ലിസയും തോളോട് തോൾ ചേർന്ന് നിന്ന് ആക്രമിച്ചു..

വീണ്ടും പൊരുതാൻ എഴുന്നേറ്റ മൂൺലൈറ്റ് ഒരു അലർച്ചയോടെ തെറിച്ചു പോയപ്പോൾ അവരുടെ ശ്രദ്ധ ഒന്ന് മാറി..

വെയിലാ കൈ നീട്ടി നിൽക്കുന്നു.. അവൾ അലറിക്കൊണ്ട് ചാടി ചെന്ന് മൂൺലൈറ്റിനെ അവളുടെ കയ്യിൽ ഇരുന്ന ദണ്ട് കൊണ്ട് അടിച്ചു തെറിപ്പിച്ചു.. അവൾ ദൂരേക്ക് തെറിച്ചുപോയി ഒരു തൂണിൽ അടിച്ചു നിന്നു..

ജൂഹി വേവലാതിയോടെ കൈ നീട്ടി നോക്കി.. ഇല്ല ഒരു അനക്കവും ഇല്ല.. അവൾക്ക് നിലവിൽ ഒരു ശക്തിയും ഇല്ലെന്ന് അവൾക്ക് മനസ്സിലായി.. അവൾ നിരാശയോടെ ചുറ്റും നോക്കി..

ഒന്ന് പതറി പോയിരുന്ന ആർമി അവരുടെ ചുറ്റിനും വന്നു..