MOONLIGHT IX (മാലാഖയുടെ കാമുകൻ ) 721

അതോടൊപ്പം അയാൾ വല്ലാത്ത ആവേശത്തോടെ മുൻപോട്ട് ഓടിയിരുന്നു.. അതെ ആവേശത്തോടെ അലർച്ചയോടെ ഇലവനുകൾ അവർക്ക് പിന്നെ കുതിച്ചു പാഞ്ഞു ചെന്നു..

•••

“എന്നെ മുട്ട് കുത്തി വണങ്ങുക.. ഞാൻ ഇനി ഒരിക്കൽ കൂടെ ഇത് പറയില്ല..”

വെയിലാ അത് പറഞ്ഞ ശേഷം മുൻപോട്ട് വന്നപ്പോൾ മൂൺലൈറ്റ് ഒന്നും മിണ്ടിയില്ല.. അവളുടെ ചിന്ത എന്താണ് എന്ന് മെറിനും ജൂഹിക്കും ലിസക്കും മനസ്സിലായി..

“ശരി.. ഞാൻ ആദ്യം..”

മെറിൻ തോക്കുകൾ അരയിൽ വച്ച ശേഷം നേരെ വെയിലായുടെ മുൻപിൽ ചെന്നപ്പോൾ അവൾ കൗതുക പൂർവ്വം നോക്കി..

“നിന്റെ തലവന്റെ കഴുത്ത് റോഷൻ വെട്ടി മുറിച്ചത് അറിഞ്ഞിരുന്നോ നീ..? ആർമെഡയെ ഡാർക്ക്‌ എയ്ഞ്ചൽ വലിച്ച് കീറിയതും നീ അറിഞ്ഞിരിക്കില്ല.. എങ്ങനെ അറിയാൻ ആണ്.. നിന്റെ കണ്ണുകൾ അതിൽ അല്ലെ..?”

മെറിൻ സിംഹാസനം മുഖം കൊണ്ട് കാണിച്ചു അത് പറഞ്ഞതും അവളുടെ മുഖം വിളറി.. അവൾ മൂൺലൈറ്റിനെ നോക്കി.. അവൾ അപ്പോഴും ആലോചനയിൽ ആണ്..

“ഇല്ല.. റോഷനു അതിനുള്ള കഴിവ് ഇല്ല..”

അവൾ വാദിച്ചു…

“അപ്പോൾ അവരുടെ തടവിൽ ആയിരുന്ന മൂൺലൈറ്റ് എങ്ങനെ ഇവിടെ എത്തി..?” അത് പോട്ടെ…

നിനക്ക് ഇവിടുത്തെ റാണി ആകണം എന്നല്ലേ പറഞ്ഞത്..? ടെക് ഇറ്റ്…”

നിലത്തേക്ക് ഒന്ന് കുനിഞ്ഞ മെറിൻ എഴുന്നേറ്റത് ശക്തമായ ഒരു ഇടി അവളുടെ താടിയിൽ തന്നെ കൊടുത്തുകൊണ്ടാണ്..

ഇടി കിട്ടി വെയിലാ പുറകോട്ട് മലച്ചപ്പോൾ മെറിൻ ചാടി ഉയർന്നു ഒരു റൗണ്ട് കിക്ക് കൂടെ കൊടുത്തു.. അവൾ തെറിച്ചു പോയപ്പോൾ മെറിൻ പൂച്ചയെ പോലെ നിലത്ത് ഇരുന്ന ശേഷം അരയിൽ നിന്നും പിസ്റ്റൽ വലിച്ചെടുത്ത് മുൻപിൽ നിന്ന രണ്ടുപേരുടെ നെറ്റി നോക്കി വെടി വച്ചതും ഒരുമിച്ചു ആയിരുന്നു..