MOONLIGHT IX

മാലാഖയുടെ കാമുകൻ

Previous Part 

Moonlight

“നല്ല മരണം… ഞാൻ വിചാരിച്ച പോലെ തന്നെ..”

അവൾ സ്വയം അത് പറഞ്ഞപ്പോൾ അവരെ തന്നെ നോക്കി നിന്ന രണ്ട് ചുവന്ന മനുഷ്യർ അലർച്ചയോടെ അവർക്ക് നേരെ കുതിച്ചു ചെന്നു..

അതെ സമയം അപ്പുറത്തെ ഭാഗത്ത് നിന്നിരുന്ന ഡൈനോസർ പോലെയുള്ള വലിയ ജീവിയും അവർക്ക് നേരെ കുതിച്ചിരുന്നു..

മരണത്തിനെ മുൻപിൽ കണ്ട് എമ്മ കണ്ണുകൾ ഇറുക്കി അടച്ചു.. അലർച്ചകൾ അടുത്ത് വന്നു..

എന്നാൽ അവർക്ക് നേരെ കുതിച്ചു വന്ന ഡൈനോസർ പോലെയുള്ള ജീവിയെ രണ്ട് ചുവന്ന മനുഷ്യർ ഒരുമിച്ച് ചവിട്ടി ദിശ മാറ്റി വിട്ടു.. അവർ രണ്ടുപേരും ആ ജീവിയെ നോക്കി അലറി….

ഈ മനുഷ്യരുടെ ഇറച്ചി ഞങ്ങൾക്ക് ഉള്ളത് ആണെന്ന് ഉള്ള അർത്ഥത്തിൽ തന്നെ…

പിന്തിരിയാൻ മനസ്സ് ഇല്ലാതെ ആ ജീവി തിരിഞ്ഞു അവരെ തല കൊണ്ട് ആഞ്ഞു അടിച്ചപ്പോൾ ഇരുവരും തെറിച്ചു വീണു.. നിലത്ത് വീണ അവരെ നോക്കി അത് ശക്തമായി അലറി..

അതോടെ യുദ്ധം അവർ തമ്മിൽ ആയി.. ചാടി എഴുന്നേറ്റ രണ്ട് ചുവന്ന മനുഷ്യർ ടി റെക്സ് പോലെയുള്ള ആ ജീവിയെ ആക്രമിച്ചു..

കണ്ണ് തുറന്ന് നോക്കിയ എമ്മ എങ്ങനെ എങ്കിലും രക്ഷപെടാൻ ഒരു വഴി ഉണ്ടോ എന്ന് നോക്കി.. എല്ലാവരും കിടന്ന് പിടക്കുക ആണ്.. വള്ളികൾ മുറുകി ഒരു തരി അനങ്ങാൻ പറ്റാത്ത അവസ്ഥയിൽ ആണ് ഇപ്പോൾ..

വലിയ അലർച്ച കേട്ടപ്പോൾ അവൾ അവിടേക്ക് നോക്കി..

ടി റെക്സ് ജീവി അവരിൽ ഒരാളുടെ കാലിന് കടിച്ചിരിക്കുന്നു. അയാൾ വേദനിച്ച് ചെവി പൊട്ടുന്ന സ്വരത്തിൽ അലറി കരയുന്നു.. അതിനെ അവർ ഇരുവരും അടിക്കുന്നുണ്ട് എന്നാലും അത് കടി വിടുന്നില്ല..

അടുത്ത് നിന്ന ചുവന്ന മനുഷ്യൻ അതിനെ ശക്തമായി ഒന്ന് അടിച്ചു നോക്കി എങ്കിലും അതിന് ഒരു അനക്കവും ഉണ്ടായില്ല..