MOONLIGHT CLIMAX (മാലാഖയുടെ കാമുകൻ ) 857

 

അത് കേട്ടപ്പോൾ എല്ലാവരും പുഞ്ചിരിച്ചു.. ജെയിംസും കൂട്ടരും നല്ല ക്ഷീണത്തിൽ ആയിരുന്നു.. എമ്മ ആലിസിന്റെ തോളിൽ ചാരി കിടന്നു.. 

 

“ഇതാരാണ്..?”

 

മീനാക്ഷി എലനോറിനെ നോക്കി ചോദിച്ചു..

 

“എന്റെ സഹോദരി തന്നെയാണ്.. എലനോർ..”

 

വയലിൻ മറുപടി കൊടുത്തപ്പോൾ മീനാക്ഷിയും അർച്ചനയും അവളെ പരിചയപ്പെട്ടു.. അർച്ചന മൂൺലൈറ്റിനെയും കണ്ടിരുന്നില്ല.. അവരും പരസ്പരം പരിചയപ്പെട്ടു.. ജൂഹി അർച്ചനയുടെ ഒപ്പം അവർക്ക് കുടിക്കാൻ ഉള്ളത് എടുക്കാൻ വേണ്ടി അടുക്കളയിലേക്ക് ചെന്നു..

 

ഹാളിൽ എല്ലാവരും സംസാരിച്ചു ഇരിക്കുക ആയിരുന്നു..

 

പെട്ടെന്ന് ഒരു ചിറകടി ശബ്ദം മീനാക്ഷി കേട്ടു.. എന്താണ് എന്ന് നോക്കും മുൻപേ ഡിസംബർ റൂമിലേക്ക് ഒഴുകി വന്നു.. അവൾ ആകെ എന്തോ ഒരു ഭാവത്തിൽ ആയിരുന്നു… 

 

“ക്വീൻ വയലിൻ.. ബുദ്ധിമുട്ടിക്കുന്നതിൽ ക്ഷമിക്കണം.. പക്ഷെ ഡാർക്ക്‌ വേൾഡിൽ വലിയ യുദ്ധം നടക്കുന്നു എന്ന് അറിവ് കിട്ടി..

 

ആരോ ശക്തമായ മായാജാലം അഴിച്ചു വിട്ടിരിക്കുന്നു.. ഒപ്പം വലിയ ഒരു ആർമിയും.. മായാജാലം അറിയുന്ന ഇലവനുകൾക്ക് അല്ലാതെ മറ്റാർക്കും അവിടേക്ക് കടക്കാൻ ആകില്ല..

 

ആരാണെങ്കിലും അവർ ഡാർക്ക്‌ വേൾഡ് കയ്യടക്കിയാൽ അത് ഭൂമിക്ക് മോശം ആയി വരും..”

 

ഡിസംബർ അത് വന്ന് പറഞ്ഞപ്പോൾ വയലിൻ ചാടി എഴുന്നേറ്റു..

 

“നമ്മുടെ യുദ്ധത്തിന്റെ ബാക്കി ആണോ ഇത്..? ഞാൻ വരാം ഡിസംബർ.. പോകാൻ തയാറാകാം..”

 

അവൾ അവളുടെ വാൾ പുറകിൽ നിന്നും വലിച്ചെടുത്തപ്പോൾ അടുത്ത യുദ്ധം ആണോ ഇത് എന്ന് മറ്റുള്ളവർ സംശയിച്ചു.. ഒന്ന് കഴിഞ്ഞതേ ഉള്ളു..

 

“ഇല്ല..”

 

പെട്ടെന്ന് മൂൺലൈറ്റ് എഴുന്നേറ്റ് അത് പറഞ്ഞപ്പോൾ എല്ലാവരും അവളെ അതിശയത്തോടെ നോക്കി.. അർച്ചനയും ജൂഹിയും അടുക്കളയിൽ നിന്നും വന്ന് നിന്നിരുന്നു.

 

“റാണിക്ക് ഇനി ഒരു യുദ്ധം ചെയ്യാൻ ഉള്ള ശക്തി ഇല്ല.. ഒരുപാട് ക്ഷീണിത ആണ് എന്റെ സഹോദരി..”

 

ഡിസംബറിന് മൂൺലൈറ്റ് പറഞ്ഞത് ബോധ്യം ആയി..

 

“അത് സാരമില്ല സഹോദരി…”