MOONLIGHT CLIMAX (മാലാഖയുടെ കാമുകൻ ) 838

 

അർച്ചന അത് പറഞ്ഞപ്പോൾ അവർ തലയാട്ടി.. അവരെ ലിസയുടെ ഫ്ലാറ്റിൽ ആക്കി അവർ തിരിച്ചു വന്നു..

 

“എന്നാലും എനിക്ക് എന്തോ പോലെ തോന്നുന്നു.. എന്തോ ഒരു വലിയ ആപത്ത് പോലെ..”

 

മീനാക്ഷി അത് പറഞ്ഞപ്പോൾ അവർ സംശയത്തോടെ അവളെ നോക്കി.. അവൾക്ക് അത് എന്താണ് എന്ന് അറിയുന്നില്ലായിരുന്നു.. 

 

• ••

 

വല്ലാത്ത പാറകെട്ടുകളും കുറച്ചു മരങ്ങളും ഉള്ള ഒരു ഇടത്താണ് ഡിസംബറും വയലിനും മൂൺലൈറ്റും ജൂഹിയും എലനോറും എത്തി ചേർന്നത്.. അവർ ചുറ്റും നോക്കി.. 

 

“ഇവിടെ യുദ്ധത്തിന്റെ ലക്ഷണങ്ങൾ ഒന്നും ഇല്ലല്ലോ..”

 

വയലിൻ സംശയത്തോടെ അത് പറഞ്ഞപ്പോൾ വല്ലാത്ത ഒരു കാറ്റ് അടിച്ചു.. വരണ്ട കാറ്റ്.. ആ കാറ്റിൽ നല്ല ചൂട് ഉണ്ടായിരുന്നു..

 

“എന്തോ ഒരു കുഴപ്പം ഉണ്ട്.. ആരെയും കാണുന്നില്ല…”

 

വയലിൻ ചുറ്റും നോക്കിയപ്പോൾ ആണ് കുറച്ചു ആളുകൾ ഓടി പോകുന്നത് അവർ കണ്ടത്..

 

“ഹേയ്… ഓടി പൊയ്ക്കോ.. ആ ജീവി എല്ലാവരെയും കൊല്ലുന്നു.. ഓടിക്കോ..”

 

അതിൽ ഒരാൾ അലറി വിളിച്ചു കൊണ്ട് അത് പറഞ്ഞ ശേഷം ഓടി പോയപ്പോൾ അവർ ഒന്ന് പകച്ചു..

 

“ഡിസംബർ നിനക്ക് തെറ്റിയോ.. എന്ത് ജീവിയാണ് ഇവിടെ ഉള്ളത്..? യുദ്ധം നടക്കുന്നുണ്ട് എന്നല്ലേ പറഞ്ഞത്..?”

 

വയലിൻ ചോദിച്ചതിന് അവൾ മറുപടി പറയും മുൻപേ ശക്തമായ ചിറകുകൾ അടിക്കുന്ന ശബ്ദം കേട്ടു..

 

ഒപ്പം ചെവി പൊട്ടുന്ന ശബ്ദത്തിൽ വല്ലാത്ത ഒരു അലർച്ചയും..

 

അവർ കണ്ണടച്ചു തുറക്കും മുൻപേ മുൻപിൽ ഉള്ള ചില മരങ്ങൾ കത്തി കരിഞ്ഞു വീണു.. ശക്തമായ ചൂട് അടിച്ചു.. 

 

“ഒരു വ്യാളി അല്ലെ അത്..???”

 

എലനോർ പുറകോട്ട് പോയിക്കൊണ്ടാണ് അത് ചോദിച്ചത്..