MOONLIGHT CLIMAX (മാലാഖയുടെ കാമുകൻ ) 857

 

ആ മരം കത്തും മുൻപേ തന്നെ അവൾ അടുത്തുള്ള അരുവിയിലേക്ക് കൈ നീട്ടി മരത്തിലേക്ക് ജലം തെറിപ്പിച്ചു ആ തീ കെടുത്തി..

 

“സഹോദരി..!”

 

എലനോർ ഓടി വന്ന് അവളെ മുറുക്കെ കെട്ടിപിടിച്ചു ചുംബിച്ചു..

 

“നിന്റെ പരിശീലനം അവസാനിച്ചിരിക്കുന്നു.. നീയിപ്പോൾ തികഞ്ഞ ഒരു എൽഫ് ആണ്.. മായാജാലം കൊണ്ട് സ്വർഗം തീർക്കുന്ന ഒരു എൽഫ്..”

 

അവൾ അത് പറഞ്ഞപ്പോൾ ജൂഹിയുടെ കണ്ണ് നിറഞ്ഞു..

 

“ഒരുപാട് നന്ദി എന്നെ ക്ഷമയോടെ പഠിപ്പിച്ചു തന്നതിന്..!”

 

അവൾ അത് പറഞ്ഞതും ശക്തമായ ഒരു അടി കിട്ടി ജൂഹി അലർച്ചയോടെ തെറിച്ചു ദൂരേക്ക് വീണു..

 

അവൾ ഒരു നിമിഷം അങ്ങനെ കിടന്നു എങ്കിലും ചാടി എഴുന്നേറ്റ് നോക്കി… എലനോർ അവിടെ ഇല്ല.. പകരം മറ്റൊരാൾ..

 

കൃതിരിൻ ആണ്.. മറ്റുള്ളവരിൽ നിന്നും നല്ല വലിപ്പവും വ്യത്യാസവും ഉണ്ട്.. സ്വർണ നിറമുള്ള വേഷം.. കയ്യിൽ വലിയ സ്വർണ നിറമുള്ള രാജദണ്ട്..

 

അവൾക്ക് പെട്ടെന്ന് ആളെ മനസ്സിലായി..

 

“ക്വീൻ മെർസാനിയാത്തി..”

 

അവൾ മുട്ട് മടക്കി വണങ്ങിയപ്പോൾ ക്വീൻ ചിരിച്ചു..

 

“നിന്റെ പരിശീലനം അവസാനിച്ചിട്ടില്ല ജൂഹി.. ഇനി ഇവൾ ആയിരിക്കും നിന്നെ പഠിപ്പിക്കുക..”

 

ക്വീൻ അത് പറഞ്ഞപ്പോൾ പുറകിൽ നിന്നും ഒരു പെൺകുട്ടി മുൻപോട്ട് വന്നു.. ജൂഹി അവളെ നോക്കി.. നല്ല സുന്ദരി ആണ്.. ഇടത്തരം പ്രായം.. ഫ്രോക്ക് ആണ് വേഷം..

 

“ഹലോ ജൂഹി.. ഞാൻ ജൂൺ.. പ്രിൻസസ്സ് ഓഫ് വണ്ടർലാൻഡ്.. ഈ നിമിഷം മുതൽ നിന്നെ പരിശീലിപ്പിക്കുന്നത് ഞാൻ ആണ്..”

 

അവൾ പുഞ്ചിരിയോടെ മുൻപോട്ട് വന്നപ്പോൾ ജൂഹി അതിശയിച്ചു നിന്നു.. മെയ് വൂൺ ക്വീൻ പുഞ്ചിരിയോടെ അത് നോക്കി നിന്നു..

 

അതെ സമയം.. ലിഡിയയുടെ പുറത്ത് ഇരുന്ന് മൂൺലൈറ്റ് ആകാശത്തിൽ കൂടെ കുതിക്കുക ആയിരുന്നു..

 

മലക്കം മറിഞ്ഞു പറക്കുന്ന ലിഡിയയെ അവൾ ആവേശത്തോടെ പ്രോത്സാഹിച്ചപ്പോൾ അവൾ മിന്നൽ വേഗതയിൽ പറന്നു..

 

ആരും എത്താത്ത ഉയരങ്ങളിലെക്ക് ലിഡിയ അവളെയും കൊണ്ട് പറക്കുന്നത് കണ്ണുകൾ അടച്ചു ഇരുന്ന് മനകണ്ണിൽ ക്വീൻ വയലിൻ കാണുന്നുണ്ടായിരുന്നു..