MOONLIGHT CLIMAX (മാലാഖയുടെ കാമുകൻ ) 855

 

അവൻ ചിരിയോടെ ചെന്ന് ആദ്യം ജെയിംസിനെ ഒന്ന് പുണർന്നു..

 

“ജെയിംസ്.. പറയാൻ വാക്കുകൾ ഇല്ല.. പക്ഷെ നിങ്ങളെപ്പോലെ മനുഷ്യർ ഇവിടെ ഉള്ളത് ആണ് ഏറ്റവും വലിയ ഭാഗ്യം..”

 

അവൻ എല്ലാവരെയും ഒന്ന് പുണർന്നപ്പോൾ അവർ വേറെ ഒരു ലോകത്ത് ആയിരുന്നു..

 

അവന്റെ യഥാർത്ഥ രൂപം അവർ എല്ലാവരും കണ്ടത് ആണ്.. എന്നാൽ ഇപ്പോൾ അവൻ ഒരു സാധാരണ മനുഷ്യന്റെ രൂപത്തിൽ ആണ്..

 

“ഞങ്ങളെ യാത്ര അയക്കാൻ വന്നത് ആണോ..?”

 

എമ്മ സംശയത്തോടെ ആണ് ചോദിച്ചത്..

 

“അതെ എമ്മ.. മനുഷ്യരുടെ ഇടയിൽ പറയാൻ പറ്റില്ല പക്ഷെ നിങ്ങൾ ഓരോ ആളുകളും ഹീറോസ് ആണ്..”

 

അവൻ അത് പറഞ്ഞപ്പോൾ അവർക്ക് അഭിമാനം കൊണ്ട് തല ഉയർന്നു നിന്നു..

 

“വിശ്വസിക്കാൻ ആകുന്നില്ല ഞങ്ങൾക്ക്..”

 

“ഇനിയും നിങ്ങളുടെ സഹായം ഞങ്ങൾക്ക് വേണ്ടി വരും ജെയിംസ്.. നമുക്ക് വീണ്ടും കാണാം.. നിങ്ങൾക്ക് ഉള്ള ചില സമ്മാനങ്ങൾ ഞാൻ കൊടുത്തു വിടുന്നുണ്ട്..”

 

റോഷൻ കൈ നീട്ടി.. ജെയിംസ് ആ കയ്യിൽ പിടിച്ചു..

 

“എന്നും ഓർമയിൽ ഉണ്ടാകും ജെയിംസ്..”

 

ഡിസംബർ എല്ലാവരോടും യാത്ര പറഞ്ഞു.. സ്കാർലറ്റും..

 

ജെയിംസും കൂട്ടരും എയർപോർട്ടിന്റെ ഉള്ളിലേക്ക് കയറിയപ്പോൾ റോഷൻ അവരെ നോക്കി..

 

“എന്താ പരിപാടി..? ഒരുപാട് നാൾ ആയില്ലേ കൂടിയിട്ട്..?”

 

“ശരിയാ ഏട്ടനെ കൈയ്യിൽ കിട്ടുന്നില്ല..”

 

മീനാക്ഷി അത് പറഞ്ഞപ്പോൾ അവർ ചിരിച്ചു..

 

“ഇത് നിങ്ങൾക്ക് ഉള്ളത് ആണ്.. നിങ്ങൾ ശോഭയിൽ നിന്നും മാറുന്നത് അല്ലെ നല്ലത്.. ഇനി കാവൽ വേണം. ഇവർക്ക് കുട്ടികൾ ഒക്കെ ഉണ്ടാകാൻ ഉള്ളത് അല്ലെ..?”

 

സ്കാർലെറ്റ് അത് പറഞ്ഞു ഒരു കൊച്ച് ലെദർ ബാഗ് അവന്റെ കയ്യിൽ കൊടുത്തപ്പോൾ അവൻ അത് വാങ്ങി തുറന്ന് നോക്കി. ഒരു വീടിന്റെ ചാവി ആയിരുന്നു അത്..

 

“അപ്പോൾ മാറണം എന്നാണോ..?”

 

“അതെ റോഷൻ.. അതാണ് നല്ലത്..”

 

ഡിസംബർ കൂടെ അത് പറഞ്ഞപ്പോൾ റോഷൻ അർച്ചനയെയും മീനാക്ഷിയെയും നോക്കി..