MOONLIGHT CLIMAX (മാലാഖയുടെ കാമുകൻ ) 857

 

അത് കേട്ടപ്പോൾ ആദ്രീന ചിരിച്ചു.. ഡിസംബർ മൂൺലൈറ്റിനെ നോക്കി.. അവളുടെ മുഖ ഭാവം വെക്തം അല്ല.. ജൂഹിയും എലനോറും വല്ലാതെ തളർന്ന അവസ്ഥയിലും ആണ്..

 

“സമ്മതം.. എന്നെ അഴിച്ചു വിട്..”

 

മൂൺലൈറ്റ് അത് പറഞ്ഞപ്പോൾ അവൾ ചിരിച്ചു..

 

“ശരി..”

 

ആദ്രീന പുറകോട്ട് മാറിയ ശേഷം കൈ ഒന്ന് തിരിച്ചപ്പോൾ മൂൺലൈറ്റ് സ്വാതന്ത്ര്യയായി..

 

അവൾ വയലിനെ ഒന്ന് നോക്കി.. വയലിൻ അവളോട് കണ്ണുകൾ കൊണ്ട് എന്തോ കാണിച്ചു.. മൂൺലൈറ്റ് അവളുടെ വേഷം ഒന്ന് ശരിയാക്കി..

 

“നിനക്ക് ആയുധം വേണോ..?”

 

ആദ്രീന അവളെ നോക്കി ചോദിച്ചു.. അവൾ വേണ്ട എന്ന് മുഖം കൊണ്ട് കാണിച്ചപ്പോൾ ആദ്രീന പുഞ്ചിരിച്ചു..

 

പുഞ്ചിരിച്ചതും അവൾ കൈ ഉയർത്തി പ്രഹരിച്ചതും ഒരുമിച്ച് ആയിരുന്നു.. കൂടം കൊണ്ട് അടി കിട്ടിയത് പോലെയാണ് മൂൺലൈറ്റിനു തോന്നിയത്..

 

അതിന്റെ പതർച്ച മാറും മുൻപേ കുതിച്ചു വരുന്ന ആദ്രീനയെ കണ്ടു. ഒഴിഞ്ഞു മാറാൻ ആയില്ല.. ആദ്രീന അവളെ എടുത്തു പൊക്കി എറിഞ്ഞപ്പോൾ അവൾ നിലത്തേക്ക് അടിച്ചു വീണു..

 

അവളെ വലിച്ചു പൊക്കി ആദ്രീന അവളുടെ വയറിൽ കൈ വിരലുകൾ വച്ചു ആഞ്ഞു കുത്തി..

 

“ആാാാാ..”

 

മൂൺലൈറ്റിന്റെ കരച്ചിൽ അവിടെ മുഴങ്ങി.. ബാക്കി എല്ലാവരും പകച്ചു പോയിരുന്നു.  ഡിസംബർ ഒന്ന് കൂടെ കുതറി നോക്കി.. ഇല്ല ഒരു അനക്കവും ഇല്ല.. ശക്തമായ മായാജാലം ആണ് അവളുടെ..

 

വയലിനും എലനോറും ജൂഹിയും അതെ അവസ്ഥയിൽ തന്നെ ആയിരുന്നു..

 

“തിരിച്ച് അടിക്ക്..”

 

അത് പറഞ്ഞു അലറിയ ആദ്രീന അവളുടെ നെഞ്ചിൽ കൈ നിവർത്തി ആഞ്ഞു അടിച്ചു കൊണ്ട് അവളെ എടുത്ത് വലിച്ച് എറിഞ്ഞു.. മൂൺലൈറ്റ് നിലത്ത് വീണു തെറിച്ചു പോയി ഒരു പാറയിൽ തട്ടി നിന്നു.