MOONLIGHT CLIMAX (മാലാഖയുടെ കാമുകൻ ) 854

 

വയലിൻ അത് പറഞ്ഞപ്പോൾ എലനോർ തല കുലുക്കി പുറകോട്ട് നിന്നു..

 

തനിക്ക് നേരെ വന്ന ശക്തമായ വെട്ട് തടുത്തു കൊണ്ട് ഡിസംബർ അവളെ നോക്കി.. അവളുടെ മുഖത്തു ചിരിയാണ്..

 

ഡിസംബർ ചിറക് വീശി ആഞ്ഞൊരു അടി അടിച്ചപ്പോൾ അവൾ തെറിച്ചു പോയി. എന്നാൽ അതെ വേഗതയിൽ തന്നെ അവൾ തിരികെ വന്ന് ഡിസംബറിന്റെ ചിറകിൽ പിടിച്ചു വലിച്ച് എറിഞ്ഞു.  തെറിച്ചു പോയ ഡിസംബർ പറന്ന് നിന്നപ്പോൾ ആണ് ആ വ്യാളി അവളെ വാല് വച്ചു ആഞ്ഞൊരു അടി അടിച്ചത്..

 

അവൾ തെറിച്ചു വീണു.. ശക്തമായ ഒരു അടി ആയിരുന്നു അത്..

 

“ചതിക്കുന്നോ..?”

 

വയലിൻ അവളുടെ നേർക്ക് അലറി..

 

“മൃഗത്തിന് സ്ഥാനം ഉണ്ട്.. അതിന് ഇടപെടാം..”

 

അവൾ നിസ്സാര മട്ടിൽ അത് പറഞ്ഞ ശേഷം വാൾ നിലത്ത് കുത്തി വച്ചു.. 

 

“ഡിസംബർ..?”

 

വയലിൻ അവളെ ഉറക്കെ വിളിച്ചു തിരിയും മുൻപേ വ്യാളി വയലിനെ കൂടെ അടിച്ചു തെറുപ്പിച്ചിരുന്നു..

 

“സഹോദരി..??”

 

മൂൺലൈറ്റ് അലറി വിളിച്ചു അവളുടെ അടുത്തെക്ക് ഓടി എങ്കിലും ആദ്രീന പെട്ടെന്ന് ആ വാൾ വലിച്ചു എടുത്ത ശേഷം അത് തിരിച്ചു മൂൺലൈറ്റിന്റെ തലക്ക് ആഞ്ഞു ഇടിച്ചു..

 

ഇടി കൊണ്ടപ്പോൾ അവൾ ബോധം മറഞ്ഞു താഴേക്ക് വീണു..

 

എലനോറും ജൂഹിയും പകച്ചുപോയി..

 

“നീ നിയമങ്ങൾ തെറ്റിച്ചു..!”

 

എലനോർ അത് പറഞ്ഞ ഉടനെ മിന്നൽ പോലെ ആദ്രീനയുടെ പുറകിൽ എത്തി അവളെ വലിച്ച് പൊക്കി ആഞ്ഞു നിലത്തേക്ക് അടിച്ചു…

 

അവൾക്ക് അനങ്ങാൻ സമയം കിട്ടും മുൻപേ തന്നെ എലനോർ അവളുടെ തന്നെ വാൾ എടുത്ത് ആഞ്ഞു വെട്ടി.. ആദ്രീന ഒഴിഞ്ഞു മാറി എങ്കിലും എലനോർ അവളുടെ കഴുത്തിൽ കുത്തി പിടിച്ചു വലിച്ച് പൊക്കി വാൾ അവളുടെ കഴുത്തിൽ വച്ചു..

 

അത് അമർത്തും മുൻപേ അവൾ ഒരു കൈ കൊണ്ട് എലനോറിനെ അടിച്ചു തെറുപ്പിച്ചിരുന്നു.. അവളുടെ കയ്യിൽ നിന്നും തെറിച്ച വാൾ വച്ച് അവൾ ആഞ്ഞു എറിഞ്ഞു..