MOONLIGHT CLIMAX (മാലാഖയുടെ കാമുകൻ ) 855

 

അവർ മുകളിലേക്ക് നോക്കും മുൻപേ മുകളിൽ നിന്നും മിന്നൽ വേഗതയിൽ വലിയ ഒരു വ്യാളി കുതിച്ചു വന്നു നിലത്തേക്ക് ചിറകുകൾ വിരിച്ചു ഇരുന്നു.. പൂർണ വളർച്ച എത്തിയ ഒരു വ്യാളി.. 

 

അത് നിലത്ത് ഇറങ്ങിയപ്പോൾ അവിടം ആകെ ഒന്ന് കുലുങ്ങി.. എല്ലാവരും ഒന്ന് പകച്ചു പോയി.. ആദ്യമായിട്ടാണ് അവർ ഒരു വ്യാളിയെ കാണുന്നത്..

 

പച്ച കണ്ണുകളും ചുവന്ന നിറവും കൂർത്ത പല്ലുകളും വലിയ ചിറകും നീളൻ വാലും..

അത് ഒന്ന് അലറിയപ്പോൾ അവിടം ആകെ കുലുങ്ങിയത് പോലെ തോന്നി.. ജൂഹി ചെവി പൊത്തി പിടിച്ച് അതിനെ പേടിയോടെ നോക്കി നിന്നു.. 

 

വ്യാളി വാ തുറന്ന് ഒരാളെ അവർക്ക് മുൻപിലേക്ക് തുപ്പിയപ്പോൾ അവർ രണ്ടടി പുറകോട്ട് മാറി.. ചോരയിൽ കുളിച്ച ഒരു യുവതി..

 

“എന്നോട് ക്ഷമിക്കണം… ഡിസംബർ… എന്നെ.. അപായപ്പെടുത്തി.. എനിക്ക്..”

 

താഴെ വീണു കിടന്ന യുവതി പകുതി ജീവനോടെ അത് പറഞ്ഞപ്പോൾ അപ്പോഴാണ് അതൊരു കെണി ആയിരുന്നു എന്ന് ഡിസംബറിന് മനസ്സിലായത്….

 

ഡാർക്ക്‌ വേൾഡ് മെസ്സഞ്ചർ ആണ് ആ യുവതി.. അവൾ പറഞ്ഞത് വിശ്വസിച്ചാണ് ഡിസംബർ അവരെയും കൂട്ടി വന്നത്.. 

 

വയലിനും കാര്യം മനസ്സിലായി..

 

“ആത് എ ആ…”

 

ക്വീൻ വയലിൻ വീണു കിടന്നവൾക്ക് നേരെ കൈ നിവർത്തി അത് പറഞ്ഞപ്പോൾ അവളുടെ കയ്യിൽ നിന്നും പുക പോലെ ഒന്ന് അവളുടെ മുറിവുകൾ മായിച്ചു….

 

“ഓടിക്കോളൂ..”

 

അവൾ ആ യുവതിയോട് പറഞ്ഞതും അവൾ എഴുന്നേറ്റ് ഓടി..

 

ഡിസംബർ മുൻപിൽ അവരെ നോക്കി നിന്ന വ്യാളിയെ നോക്കി.. അപ്പോഴാണ് അവർ മറ്റൊരു കാഴ്ച കണ്ടത്.. വ്യാളിയുടെ പുറത്ത് ഒരു യുവതി ഉണ്ട്..

 

“ആരാണ് അത്..?”

 

മൂൺലൈറ്റ് അതിശയത്തോടെ അവളെ നോക്കി..