?മയൂരി? [The Conclusion][ഖല്‍ബിന്‍റെ പോരാളി ?] 1361

ഒരുപാട്‌ നാളുകള്‍ക്ക് ശേഷമാണ് അവൾ ഇങ്ങനെ ചിരിക്കുന്നത് അവർ കാണുന്നത്. പ്രസവത്തിന് 7-ാം മാസം അവളുടെ വീട്ടില്‍ പോയ അവൾ കുഞ്ഞിന്റെ 90 എല്ലാം കഴിഞ്ഞിട്ടാണ് തിരിച്ച് വരുന്നത്. അവളൊന്നു ഇണങ്ങി വന്നപ്പോഴേക്കും കിച്ചുവിന്റെ അപ്രതീക്ഷിത മരണവും എത്തി.
അമ്മയുടെയും ചെറിയച്ഛന്റെയും സംസാരവും ചിരിയും നോക്കി കാളിയുടെ കൈയിൽ ഇരിപ്പാണ് കുഞ്ചുസ്. അവന്‍ സംസാരിക്കുന്ന രണ്ട് പേരെയും മാറി മാറി നോക്കുന്നുണ്ട്. ഇടക്ക് അവനും അവന്റെ ഭാഷയില്‍ എന്തൊക്കെയോ പറയാന്‍ നോക്കുന്നുണ്ട്.

മരുമകളുടെ ചിരിയും പ്രസന്ന ഭാവങ്ങളും കണ്ട് ദാസനും സിന്ധുവും പരസ്പരം നോക്കി. ഇരുവരുടെയും മുഖത്ത് ഒരു പുഞ്ചിരി ഉണ്ടായിരുന്നു.

““എന്താ ഇവിടെ…”” ദാസന്‍ അല്പം ഗൗരവം കാണിച്ച് ചോദിച്ചു.

പെട്ടെന്ന് ഹാളില്‍ ഇരുന്ന രണ്ട് പേരും വാതിലിലേക്ക് നോക്കി. അച്ഛനെയും അമ്മയെയും കണ്ട് രണ്ട് പേരും ചിരി ഒതുക്കി എണീറ്റു.

““അമ്മയും അച്ഛനും എന്താ നേരത്തെ…”” മയൂരി അപ്രതീക്ഷിതമായി കണ്ടതിനാൽ വന്നവരോട് ചോദിച്ചു.

““നേരത്തേയോ… സമയം നാലരയായി…”” സിന്ധു പറഞ്ഞു…

““അയ്യോ… ഈ ചെക്കനോട് സംസാരിച്ച് നിന്ന് സമയം പോയത് അറിഞ്ഞില്ല. ചായ ഇപ്പൊ എടുക്കാവേ…”” മയൂരി നേരെ അടുക്കളയിലേക്ക് വെച്ച് പിടിച്ചു.

““നിയെന്ത് മറിമായമാടാ അവളില്‍ ചെയ്തത്… രണ്ടു ദിവസമായി അവളില്‍ ആകെ മാറ്റം ഉണ്ടല്ലോ…”” നടന്ന് പോകുന്ന മായുവേ നോക്കി സിന്ധു കാളിയോട് ചോദിച്ചു.

““അതൊക്കെ രഹസ്യമാണ്. പുറത്ത്‌ പറഞ്ഞാൽ ഫലം പോവും…”” കാളി ഒരു ചിരിയോടെ മറുപടി നല്‍കി. സിന്ധു അവനെ നോക്കി ഒന്ന് ചിരിച്ചു. പിന്നെ അവനരികിലേക്ക് ചെന്നു. കാളിയുടെ കൈയിൽ ഇരിക്കുന്ന കുഞ്ചുസിന് നേരെ സിന്ധു കൈ നീട്ടി..

““മുത്തശ്ശിയുടെ തക്കുടു വാ…”” സിന്ധു കുഞ്ഞിനെ വിളിച്ചു. പക്ഷേ കുഞ്ഞ് കാളിയുടെ നെഞ്ചിലേക്ക് മുഖം പൊത്തി അതിന്‌ എതിര്‍പ്പ് പ്രകടിപ്പിച്ചു.

““നീ ഇവനും ആ മറിമായം കൊടുത്തോ…”” സിന്ധു കാളിയെ നോക്കി ചിരിയോടെ ചോദിച്ചു. അതിന്‌ ഒരു പുഞ്ചിരിയാണ് മറുപടി നല്‍കിയത്.

പിന്നിടുള്ള ദിവസങ്ങൾ സന്തോഷം ആ വീട്ടില്‍ തിരിച്ച് വന്നു. പരസ്പരം സംസാരിച്ച് കാളിക്കും മായുവിനും ഇടയില്‍ അവർ കരുതിയ വെറുപ്പ് ഇല്ല എന്ന സത്യം മനസ്സിലായതോടെ ഇരുവരും നല്ല കൂട്ടായി. അവന്റെ സംസാരത്തിൽ വിഷമങ്ങൾ കൊഴിഞ്ഞു പോവുന്നത് പോലെ അവള്‍ക്ക് തോന്നി. മായുവിന്റെ ചിരിക്കുന്ന മുഖവും കാളിയില്‍ പഴയ സ്കൂൾ ചിന്തകൾ കൊണ്ട്‌ വന്നു. എന്നാലും അത് പുറത്ത്‌ കാണിക്കാതെ അവന്‍ നടന്നു.

ദിനങ്ങള്‍ കൊഴിഞ്ഞ് പോയികൊണ്ടിരുന്നു. പകല്‍ സമയത്ത്‌ കാളിയും മായുവും കുഞ്ചുസും ഒന്നിച്ചാവും. ഇടക്ക് രണ്ട് മൂന്ന് തവണ അവർ ചെറിയ ഷോപ്പിങിനും മറ്റുമായി പുറത്തൊക്കെ പോയി. മായു സന്തോഷത്തോടെ ഇരിക്കുന്നത് അച്ഛനും അമ്മയ്ക്കും സന്തോഷം നല്‍കിയിരുന്നു.