??മൗനം സാക്ഷി ?? [Jeevan] 284

അനന്തുവും അവന്തികയും തമ്മിൽ സംസാരിക്കുന്ന സാഹചര്യം പോലും കുറഞ്ഞു. അവൻ ഓഫീസിൽ പോയി തുടങ്ങിയിരുന്നത് കൊണ്ട് അവർ ഒന്നിച്ചുള്ള സമയവും കുറഞ്ഞിരുന്നു. പരസ്പരം മുഖം കൊടുക്കാതെയിരിക്കാൻ ആകുമ്പോൾ എല്ലാം അവർ ശ്രമിച്ചു.

ഇതൊക്കെ ആണെങ്കിലും അവന്തികക്കും അനന്തുവിനും പരസ്പരം കാണാതിരിക്കാൻ ആകില്ലായിരുന്നു. ഒരേ വീട്ടിൽ കഴിയുന്ന ഭാര്യ ഭർത്താക്കന്മാർ തമ്മിൽ കാണാൻ ഒളിഞ്ഞു നോക്കിക്കൊണ്ടിരുന്നു.

അനന്തു ഓഫീസിൽ പോയാൽ അവന്തിക റൂമിൽ കയറി അനന്തു കിടന്ന ബെഡിൽ കിടക്കും. അനന്തുവിന്റെ വസ്ത്രങ്ങളെടുത്തു അവന്റെ ഗന്ധം ആസ്വദിക്കും. അവന്റെ സാധങ്ങളോട് കാര്യം പറയും, ഉമ്മ വക്കും. റൂം വൃത്തിയാക്കിയിടും, അവന്റെ ഡ്രെസ്സ് അലക്കി ഇസ്തിരി ഇട്ടു വക്കും. അമ്മയിൽ നിന്നും അവന്റെ ഇഷ്ട വിഭവങ്ങൾ മനസ്സിലാക്കിയത് എല്ലാം പഠിച്ചു ഉണ്ടാക്കിവെക്കും.

ഓഫീസിൽ ഇരിക്കുമ്പോൾ അവന്തികയെ അനന്തുവിനും വല്ലാതെ മിസ്സ്‌ ചെയ്യും. കയ്യിലുള്ള അവരുടെ വിവാഹ ഫോട്ടോ എടുത്തു അവളോട് വർത്തമാനം പറയും, ഉമ്മ വക്കും, ഇടക് ഇടയ്ക്കു ഓരോന്ന് പറഞ്ഞു ഫോൺ വിളിക്കും വീട്ടിലേക്ക്. മിക്കപ്പോഴും അവന്തിക ആകും  മറുതലക്കൽ, എന്തേലും വേഗം പറഞ്ഞു ഫോൺ വക്കുമെങ്കിലും ഓരോ തവണയും അവളുടെ ശബ്ദം കേൾക്കാൻ വേണ്ടി മാത്രമാണ് അവൻ വിളിച്ചിരുന്നത്. അവളും അവന്റെ ശബ്ദം കേട്ടാൽ ഓടി വന്നു ഫോൺ എടുത്തിരുന്നു. അതെ പോലെ വൈകുന്നേരങ്ങളിൽ ഓഫീസിൽ നിന്നു വരുമ്പോൾ അവളുടെ പ്രിയപ്പെട്ട ആഹാരം അവൻ പതിവായി വാങ്ങി വന്നിരുന്നു.

മൗനം അവരെ അകത്തി നിർത്തുമ്പോളും അതെ മൗനത്തെ സാക്ഷിയാക്കി അവന്തികയും അനന്തുവും പ്രണയിച്ചു കൊണ്ടേയിരുന്നു.

<<<<•••>>>>

അനന്തുവിന്റെയും അവന്തികയുടേം ഇടയിൽ കാര്യങ്ങൾ നന്നായിയല്ല നീങ്ങുന്നേയില്ല എന്ന് അച്ഛനും അമ്മയ്ക്കും മനസ്സിലായിരുന്നു. അവർക്ക് അത് വലിയൊരു മനപ്രയാസമായിരുന്നു, എങ്കിലും അവന്തികയുടെയും അനന്തുവിന്റെയും പ്രവർത്തികളിൽ  നിന്നും അവരുടെയുള്ളിൽ പ്രണയം പൂത്തുലഞ്ഞു നിൽക്കുന്നത് അവർക്ക്  ആശ്വാസം നൽകി.

അങ്ങനെയിരിക്കുമ്പോളാണ് അമ്മക്കു ഒരു ദിവസം നെഞ്ച് വേദനയും ശർദിയും അനുഭവപെട്ടത്. വേഗം തന്നെ ഹോസ്പിറ്റലിൽ എത്തിയപ്പോൾ അറിയാൻ സാധിച്ചതു ബ്ലോക് ഉണ്ടായിരുന്നു, അത് കാരണം ഹൃദയാഘാതമുണ്ടായത് ആണെന്ന്.