മടക്കയാത്ര [ജ്വാല] 1400

ഉല്‍പ്പാദനത്തില്‍ കടുത്ത മാന്ദ്യവും പ്രകടമായി..
വകുപ്പില്‍ പടര്‍ന്നുപിടിച്ചിരിക്കുന്ന അസംതൃപ്തിയും, അനാരോഗ്യകരമായ പിരിമുറുക്കവും എന്തുകൊണ്ടാണെന്ന് കണ്ടെത്താന്‍ ഒരു ‘പരിസ്ഥിതി പഠനം’ ആവശ്യമാണന്ന് വകുപ്പദ്ധ്യക്ഷന്‍ ചീവിട് സിംഹത്തെ അറിയിച്ചു..

തുടര്‍ന്ന് ‘ബോസ്’ ഫാക്ടറി സന്ദര്‍ശിച്ചു.

കണക്കുകളും, റിപ്പോര്‍ട്ടുകളും, ഗോഡൗണുകളും പരിശോധിച്ചു.. മുമ്പത്തെക്കാള്‍ വളരെ കുറവാണ് ഉല്‍പ്പാദനമെന്നദ്ദേഹം ഞെട്ടലോടെ മനസ്സിലാക്കി…

വ്യവസായത്തിന്‍റെ പ്രശ്നങ്ങളെല്ലാം പഠിച്ചും കണക്കുകള്‍ വിശകലനം ചെയ്തും പ്രതിവിധി നിര്‍ണ്ണയിക്കുന്നതിനായി, ബഹുമാന്യനായ ചാര്‍ട്ടേര്‍ഡ് അക്വൗണ്ടന്‍റും, സാമ്പത്തിക വിദഗ്ധനുമായ മൂങ്ങയെ നിയമിച്ചുകൊണ്ട് സിംഹരാജാവ് ഉത്തരവിട്ടു..

മൂന്നുമാസത്തെ പഠനത്തിനുശേഷം മൂങ്ങയുടെ വിദഗ്ധ റിപ്പോര്‍ട്ട് സിംഹത്തിന് സമര്‍പ്പിക്കപ്പെട്ടു..

വകുപ്പില്‍ ജോലിക്കാരുടെ എണ്ണം വളരെകൂടുതലാണന്നായിരുന്നു മൂങ്ങയുടെ റിപ്പോര്‍ട്ട് കണ്ടെത്തിയ പ്രധാന നിഗമനം..
റിപ്പോര്‍ട്ട് വായിച്ച രാജാവ്, ഉടന്‍തന്നെ, വ്യവസായത്തെരക്ഷിക്കാനുള്ള നിര്‍ണ്ണായക ഉത്തരവിട്ടു..

“ഉല്‍പ്പാദനക്ഷമതകുറഞ്ഞ കുഞ്ഞനുറുമ്പിനെ പിരിച്ചുവിടുക…”

“ഉല്‍സാഹശേഷിയും, കാര്യപ്രാപ്തിയുമില്ലാത്ത കുഞ്ഞനുറുമ്പിന്‍റെ കഴിവില്ലായ്മകൊണ്ട് ഫാക്ടറി നശിക്കരുതെന്ന് കമ്പനിയുടമക്ക് നിര്‍ബന്ധമുണ്ടന്ന്” സിംഹത്തിന്‍റെ ഉത്തരവില്‍ എടുത്തുപറഞ്ഞിട്ടുണ്ടായിരുന്നു.

ഇപ്പോൾ തനിക്ക് മനസ്സിലായോ എന്ത് കൊണ്ടാണ് നഷ്ടം ഉണ്ടാകുന്നത് എന്ന്.
ഒരു തമാശയായി ശിവേട്ടൻ പറഞ്ഞത് എങ്കിലും എത്രമാത്രം അർത്ഥവത്താണ്.

ഒരു മാസം കൊണ്ട് കമ്പനിയുടെ ലാഭനഷ്ട കണക്കുകളുടെ വിവരങ്ങൾ തയ്യാറാക്കി.
മാനേജ്‌മെന്റ് പലർക്കും ടെറിമിനേഷൻ പേപ്പർ കൊടുത്തു തുടങ്ങി.
മലയാളികളിൽ അലീക്കായ്ക്കും, ജോസഫേട്ടനും ആണ് ആദ്യം പേപ്പർ കിട്ടിയത്.
ഒരു മോളെക്കൂടി നിക്കാഹ് ചെയ്ത് വിടാനുണ്ട്, ഇനി ഒരു തിരിച്ചു വരവ് ഉണ്ടാകില്ല മോനേ, എന്തെങ്കിലും വഴി പടച്ചവൻ കണ്ടിട്ടുണ്ടാകും,
അലീക്കാ യാത്ര പറഞ്ഞു പോവുമ്പോൾ ആ കണ്ണിൽ നിന്ന് ഇറ്റു വീണ തുള്ളികൾ ടിഷ്യൂ പേപ്പർ കൊണ്ട് തുടച്ച് എന്നെ നോക്കി വിഷാദം കലർന്ന ഒരു പുഞ്ചിരി നൽകി കടന്നു പോയി.

ജോസഫേട്ടൻ ഇപ്പോൾ കിട്ടുന്ന ശമ്പളത്തിലും കുറഞ്ഞ ഒരു ജോലി കണ്ടിട്ടുണ്ട്, അവിടെ കയറണം എന്ന് പറഞ്ഞു. നാട്ടിൽ കാലുകുത്താൻ കഴിയില്ല കുട്ടി അതാ ഞാൻ….

പ്രാരാബ്ദം നിറഞ്ഞ ഒരു കുടുംബത്തിന്റെ നെടുംതൂൺ, ഒപ്പം ഒരു മകൾക്ക് എന്തോ കാര്യമായ അസുഖവും ആണ് എല്ലാം ഇവിടെ നിന്നു കിട്ടുന്ന ശമ്പളത്തിൽ ആണ് തരണം ചെയ്തത് ഇനി…

ഓരോരുത്തരുടെയും പ്രാരാബ്ദങ്ങൾ കേട്ട് കേട്ട് തന്റെ പ്രശ്നങ്ങൾ ഒന്നും അത്ര വലുതല്ലെന്ന് അവനു തോന്നി തുടങ്ങി.

ഉറക്കമില്ലാത്ത രാവുകളിൽ അവൻ സ്വയം ആലോചിച്ചു എന്നിട്ട് സ്വയം വിലയിരുത്തി ഗൾഫിലേക്ക് വന്നത് കൊണ്ട് നഷ്ടങ്ങൾ ഉണ്ടായത് തനിക്ക് മാത്രമാണ്.

ഒരു അദ്ധ്യാപകൻ ആവാനുള്ള ആഗ്രഹം ആയിരുന്നു. ചെറിയ കുടുംബം എല്ലാരും സന്തോഷത്തോടെ ഉള്ള ഒരു ജീവിതം ഇതൊക്കെ തകിടം മറിയാൻ ഒറ്റ നിമിഷമേ വേണ്ടി വന്നുള്ളൂ. ബാപ്പയുടെ മരണം പിന്നെ സഹോദരിമാരെയും, ഉമ്മായെയും സംരക്ഷിക്കേണ്ട ചുമതല ഇതെല്ലാം ആയപ്പോൾ ഞാനും പ്രവാസിയായി.