😈 Guardian Ghost 😈 ༆ കർണൻ(rahul)༆ 317

അയ്യോ എന്റെ കൊച്ച് നീ ഒരുമിനിട്ട് നിക്ക് ഞാനും വരുന്നു അപ്പച്ചൻ ( ക്ലീറ്റസ്) അതും പറഞ്ഞ് ഷർട്ട് എടുത്തിടാനായി ഉള്ളിലേക്ക് പോയി.

ഞങ്ങളും വരുന്നു അമ്മച്ചിയും ഷെറിനും ഒരുമിച്ചു പറഞ്ഞു.

എല്ലാവരും പെട്ടെന്ന് തന്നെ സിറ്റി ഹോസ്പിറ്റലിലേക്ക് തിരിച്ചു. അവിടെ എത്തി അവളെ കണ്ടാലല്ലാതെ അവരുടെ മനസ്സുകൾ ശാന്തമാകില്ല എന്നത് പരസ്പരം അവർക്കെല്ലാവർക്കും ധാരണ ഉള്ള കാര്യം തന്നെയാണ്.

വണ്ടി കൊണ്ട് സിറ്റി ഹോസ്പിറ്റലിൽ നിർത്തിയതും അവർ നാലുപേരും ഇറങ്ങി ഓടുകയായിരുന്നു അവളെ കാണാൻ അവൾക്ക് എന്താണ് പറ്റിയതെന്ന് അറിയാൻ.

ആ ഓട്ടം ചെന്ന് അവസാനിച്ചത് ICU വിനു മുന്നിലാണ്. അവിടെ അവൾ ഉണ്ടായിരുന്നു അവർക്കെല്ലാവർക്കും ഒരുപോലെ പ്രീയപ്പെട്ടവൾ.

അവർ കുറച്ചു നേരം അവിടെ നിന്നപ്പോൾ ഡോക്ടർ എയ്ഞ്ചൽ അവിടുന്ന് ഇറങ്ങി വന്നു.

ഡി എയ്ഞ്ചലെ എന്റെ കൊച്ചിന് എന്താ പറ്റിയത്. ICU വിൽ നിന്ന് ഇറങ്ങി വന്ന അവളെ കണ്ടതും ജോൺ ചോദിച്ചു.

പറയാം നമുക്കൊന്ന് റൂമിലേക്ക് ഇരുന്നാലോ? അവൾ അവരോട് ചോദിച്ചു.

അവൾക്ക് പിന്നാലെ അവർ നാലുപേരും അവളുടെ കൻസൾട്ടിങ് റൂമിലേക്ക് പോയി.

എന്താ എന്റെ കൊച്ചിന് പറ്റിയത് ?
അപ്പച്ചൻ ചോദിച്ചു.

അവൾ….she was brutally raped.
എയ്ഞ്ചൽ പറഞ്ഞു.

അതു കേട്ടതും അവരെല്ലാവരും നടുങ്ങി പോയി. അമ്മച്ചി വാ പൊത്തി കരഞ്ഞു.
ഷെറിൻ വിറങ്ങലിച്ച് ഇരുന്നുപോയി അവളുടെ കണ്ണുകൾ നിറഞ്ഞൊഴുകുകയായിരുന്നു.

ഡി എയ്ഞ്ചലേ നീ…നീ ഇതെന്തൊക്കെയാ പറയുന്നെ? എന്റെ…എന്റെ കൊച്ച് ….?
അത് പറയുമ്പോ ജോണിന്റെ തൊണ്ട ഇടറി വാക്കുകൾ പകുതി വഴിക്ക് മുറിഞ്ഞു പോയി.