? ഗൗരീശങ്കരം 3 ? [Sai] 1870

ഗ്രൗണ്ട് മുഴുവൻ സ്കാൻ ചെയ്തു. പ്രതീക്ഷിച്ച ആളെ കാണുന്നില്ലല്ലോ…… ഇനിയിപ്പോ വേദന മാറാത്തോണ്ട് വന്നില്ലേ…… വന്നത് വെറുതേ ആവോ?

“കളിക്കാൻ വന്നിട്ട് സ്വപ്നം കാണുവാന്നോ?”

“ങേ……”

മനുവേട്ടനാണ്. ഞാൻ ഇരുന്നതിൻ്റെ പുറകിൽ ഒരു ബെഞ്ചിൽ ഇരിപ്പുണ്ട് പുള്ളി.

“ഞാൻ കളിക്കാൻ അല്ലലോ കളി കാണാൻ വന്നതല്ലേ…… ”

“എന്നിട്ട് കളിയായിട്ട് അല്ലലോ കാര്യായിട്ട് എന്തോ ആലോചനയിലായിരുന്നല്ലോ?”

“ഞാൻ മനുവേട്ടനെ കണ്ടില്ലല്ലോ എന്ന് ആലോചിക്കുവായിരുന്നു.”

“കണ്ടിട്ട് എന്തിനാ? എൻ്റെ മൂക്ക് ബാക്കി കൂടി പൊളിക്കാനാണോ?”

“മനുവേട്ടൻ എന്തു വേണേലും പറഞ്ഞോ… ഞാൻ കേട്ടോളാം….. മനപ്പൂർവ്വം അല്ലെങ്കിലും തെറ്റ് എൻറെ ഭാഗത്താണ്.

ഞാന് ഒരു സോറി പറയാൻ വേണ്ടിയിട്ട്….”

“എന്താടോ അമ്മൂസേ…… ഞാൻ വെറുതെ തമാശ പറഞ്ഞത് അല്ലേ…… സോറി ഒന്നും വേണ്ട മനപ്പൂർവ്വം അല്ലല്ലോ….”

“തമാശ അല്ലാത്ത കുറച്ചു കാര്യങ്ങൾ പറഞ്ഞോട്ടെ മനുവേട്ടാ….. കേൾക്കുമോ?”