? ഗൗരീശങ്കരം 3 ? [Sai] 1869

“അല്ല….. കളി കാണാൻ.”

“അവിടെ നല്ല വെയിൽ ആയിരിക്കും.”

“അതൊന്നും ഇല്ല…….”

“കാറ്റടിച്ചാൽ ജലദോഷം വരും.”

“എന്നെ കൊണ്ട് പോവാൻ പറ്റോ ഇല്ലയോ…..?”

“ഇല്ല എന്ന് പറഞ്ഞാൽ ചത്തുകളയും എന്ന് പറയാനല്ലേ…. കൊണ്ടുപോകാമേ……”

ഇതാണ് ഇപ്പളത്തെ അവസ്ഥ. ഇന്നലെത്തെ ടെൻഷനിൽ എന്തക്കയോ വിളിച്ചു പറയുന്നതിൻ്റെ കൂട്ടത്തിൽ അറിയാതെ പറഞ്ഞതാ…….. ഇപ്പോ ഞാൻ എന്നും പറഞ്ഞാലും ഇതും പറഞ്ഞ് കളിയാക്കുവാ…….

മുൻപ് എൻ്റെ മ്യാരക പെർഫോർമൻസിന് മുന്നിൽ മറുത്ത് ഒരക്ഷരം പോലും പറയാതിരുന്ന അമ്മ പോലും എന്നെ ഇപ്പോ ട്രോളാൻ തുടങ്ങി. ഈ ഒറ്റ ഡയലോഗ് കൊണ്ട്.

***********************

ഞങ്ങള് ചെല്ലുമ്പോഴേക്കും കളി തുടങ്ങിയിരുന്നു.

“എവിടെ പോയി കിടക്കുവായിരുന്നടാ മൈ……. ”

അപ്പോഴാണ് അവര് എന്നെ കാണുന്നത്. അതു കൊണ്ട് മുഴുമിപ്പിച്ചില്ല.

അച്ചുവേട്ടൻ കളിക്കാൻ ഇറങ്ങി. ഞാൻ അവിടെ ഒരു മരച്ചുവട്ടിൽ ഇരുന്നു.