? ഗൗരീശങ്കരം 2 ? [Sai] 1927

ദേഷ്യം തീർത്ത് വാതിൽ വലിച്ചടച്ച് അമ്മു റൂമിലേക്ക് പോയി. പണി നൈസായിട്ട് പാളി എന്ന് മനസ്സിലായ മനു കതകിൽ മുട്ടിയെങ്കിലും അമ്മു വാതിൽ തുറന്നില്ല.

വെറുതെ തട്ടി കൈ കളയണ്ട മനു, ഒരു കാര്യവുമില്ല. ഇനി അത് തുറക്കണമെങ്കിൽ ഒരുപാട് സമയമെടുക്കും.  നീ കൊടുത്ത പണി നല്ല പോലെ ഏറ്റിട്ടുണ്ട്.

നീ പോയി ഫ്രഷ് ആയിട്ട് വാ എന്നിട്ട് ഭക്ഷണം കഴിക്ക്. ഇത് നമ്മക്ക് നോക്കാം. പിന്നേ….. ഇതിൻ്റെ ബാക്കി അവൾടേന്ന് കിട്ടുമ്പോ ഷെയർ ചെയ്യാൻ വിളിക്കരുത് ട്ടാ……

മനു ഫ്രഷായി അമ്മ ഉണ്ടാക്കിയ ചൂട് പുട്ടും കടലയും വയറുനിറയെ കേറ്റി. അജുനെ അവിടെ കാണാത്തതുകൊണ്ട്  പുറത്തേക്കിറങ്ങി. മനുവിനെയും കാത്ത് അമ്മു നിൽപ്പുണ്ടായിരുന്നു.

അമ്മൂ….. സോറി ഡി……. രാവിലെ ഞാൻ ചുമ്മാ ഒരു തമാശയ്ക്ക് പറഞ്ഞതാ…… സോറി…..

മ്മ്…. സാരമില്ല…… പെട്ടെന്ന് കണ്ടപ്പോൾ ദേഷ്യം വന്നു അതാ……

അജു എവിടെ?

പുറത്ത് ആരോടോ ഫോണിൽ സംസാരിക്കുന്നുണ്ട്. കുറേ നേരമായ്.

എന്നാൽ ഞാൻ അങ്ങോട്ട് പോട്ടേ…..

അമ്മുവിൻറെ മുഖത്ത് പഴയ ദേഷ്യം  കാണാത്തത് മനുവിന് ആശ്വാസമായി.

എന്നാലും എങ്ങനെ ഇത്ര പെട്ടെന്ന് ദേഷ്യം മാറി എന്നാലോചിച്ച് നടന്നു പോകുന്ന മനുവിനെ നോക്കി അമ്മു ഒന്ന് ചിരിച്ചു, പണി  വരുന്നുണ്ട് അവറാച്ചാ……

പടക്കം പൊട്ടുന്ന സൗണ്ട് കേട്ട് തിരിഞ്ഞു നോക്കിയ മനുവിന് തൻ്റെ  പുറം പൊളിഞ്ഞതാണെന്ന് പിന്നെയാണ് മനസ്സിലായത്. അവന് പ്രതികരിക്കാൻ കഴിയുന്നതിനു മുന്നേ കൈയിൽ കരുതിയിരുന്ന ഷാൾ കൊണ്ട് അമ്മു മനുവിൻ്റെ കെെകൾ അവൻ്റെ ദേഹത്തോട് ചേർത്തുകെട്ടി. മനുവിനെ താഴേക്ക് തള്ളിയിട്ട് അവൻറെ നെഞ്ചിൽ  കയറിയിരുന്ന് അമ്മു ദേഷ്യം മുഴുവൻ തീർത്തു.

ശബ്ദം കേട്ട് വന്നു നോക്കിയ അമ്മ കാണുന്നത് മനുവിൻ്റ നെഞ്ചിൽ കയറി ഇരുന്നു അവനെ തല്ലുന്ന അമ്മുവിനെയാണ്.