? ഗൗരീശങ്കരം 5 ? [Sai] 1872

“നിൽക്കെടാ അവിടെ…… ”

 

“എന്താ അമ്മാ………”

 

“ഇന്നലെ രാത്രി എത്തും എന്ന് പറഞ്ഞിട്ട് നീ ഇത്ര നേരം എവിടെ ആയിരുന്നു?”

 

“അത്….. ബൈക്ക് ബ്രേക്ക് ഡൗൺ ആയിപ്പോയി.”

 

“എങ്കിൽ ഒന്ന് വിളിച്ച് പറഞ്ഞൂടെ? വെറുതേ ബാക്കി ഉള്ളോരെ തീ തീറ്റിക്കണോ?”

 

“ഫോൺ കംപ്ലയിൻ്റ് ആണ്.”

 

“ഫോണും ബൈക്കും ഒന്നിച്ച് കംപ്ലയിൻ്റ് ആയോ?.? നിൻ്റെ ഫോൺ കാണിച്ചേ……..”

 

“ഞാൻ ഫോൺ എടുത്ത് അമ്മേടെ കയ്യിൽ കൊടുത്തു. ഡിസ്പ്ലേ മുഴുവൻ പൊട്ടിപൊടിഞ്ഞു പോയിരുന്നു.”

 

“കുറച്ച് നേരം ഫോണിൽ നോക്കി നിന്നതിന് ശേഷം അമ്മ മുറ്റത്തേക്ക് ഇറങ്ങി എൻ്റെ ബൈക്കിന് ഒന്ന് വലം വെച്ചു. നേരെ എൻ്റെ അടുത്തേക്ക് വന്നു.”

 

 

 

“വീണിട്ട് എന്തേലും പറ്റിയോ??”

 

“വീ…. വീഴാനോ…. ഞാനോ?”

 

“ഒരൊറ്റൊന്ന് അങ്ങ് വെച്ച് തരും ഞാൻ….. സത്യം പറയെടാ……..”

 

“ഫോൺ പൊട്ടി…. പിന്നെ വണ്ടിക്കും കുറച്ച് ………”

 

“ഞാൻ നിനക്ക് എന്തേലും പറ്റിയോ എന്നാ ചോദിച്ചേ……”

 

“ചെറിയ ബോഡി പെയ്ൻ ഉണ്ട്…. വേറെ ഒന്നൂല്ല…… എന്നാലും അമ്മയ്ക്ക് എങ്ങനെ…..?”

 

“ഞാൻ നിൻ്റെ അമ്മയാ…. അങ്ങനെ മനസ്സിലായി.

ചെല്ല്…… പോയി ഫ്രഷ് ആയി വാ…..”

 

“ആദ്യം ഫുഡ്…. അത് കഴിഞ്ഞേ ബാക്കി എന്തും ഉള്ളൂ…….”

 

“കുളിക്കാതെ ഈ വീടിൻ്റെ പടി കയറാൻ ഞാൻ സമ്മതിക്കൂല……. കണ്ടയിടം നെരങ്ങി വന്നതും പോരാ…..”