⚔️ദേവാസുരൻ⚒️ 2 (Demon king) 2392

ഇന്ദ്രന്റെ ഇരട്ടി നീളവും ഇരട്ടി ബാലവുമുള്ള ഒരുത്തന്… ഒരുതരം ശക്തനായ നീഗ്രോയെ പോലെ…
അവൻ ഇന്ദ്രനെ നോക്കി ചിരിച്ചു…
ഇന്ദ്രൻ തിരിച്ചും….ഇരുവരുടെ കണ്ണിൽ ഭയമില്ല…
ഇന്ദ്രന്റെ അടികൊണ്ട് വീണ് കിടന്ന ഒരുത്തനെ വെറും കാലുകൊണ്ട് തോണ്ടി ദൂരെക്കെറിഞ്ഞുകൊണ്ട് അവൻ മുന്നോട്ട് വന്നു….

ഇങ്ങോട്ടൊരു ആക്രമണം വരുന്നതിന് മുന്നേ ഇന്ദ്രൻ അങ്ങോട്ട് ആക്രമിക്കാൻ തീരുമാനിച്ചു…. അവൻ ആ തടിയന്റെ നേരെ ഓടി….

എന്നിട്ട് ചാടി അവന്റെ നെഞ്ചു നോക്ക് ഒരു ചവിട്ട് കൊടുത്തു… എന്നാൽ അത് അവനെ ഒരു ചെറു കണിക പോലും അനക്കിയില്ല…. അവൻ നിന്ന നിൽപ്പിൽ തന്നെ നിലയുറപ്പിച്ചു… ചവിട്ടിയ ഇന്ദ്രനാവട്ടെ താഴേക്കും വീണു…

ഇന്ദ്രൻ ചാടി എഴുന്നേറ്റു… എന്നിട്ട് അവന്റെ മുഖത്തേക്ക് നോക്കി.. ആ മുഖത്ത് ഒരു ചിരി ഉണ്ടായിരുന്നു… പുച്ചത്താൽ വിരിഞ്ഞൊരു ചിരി.

ഇന്ദ്രന്റെ മുഖത്ത് ദേഷ്യം ഇരച്ചു കയറി…
അവന്റെ വിവേകം നഷ്ട്ടമായി….
വീണ്ടും അലറികൊണ്ട് ടോണിക്ക് നേരെ ഓടി…

എന്നാൽ ടോണി അവനെ നിഷ്പ്രയാസം കീഴ്പ്പെടുത്തി…. ഇന്ദ്രന്റെ കഴുത്തിൽ ബലമായി പിടിച്ച് മുകളിലേക്ക് ഉയർത്തി….അതും വളരെ നിഷ്പ്രയാസം…

റോഷന്റെ കൂട്ടുകാരിൽ വന്ന പേടി എവിടെയോ പോയ്‌ മറഞ്ഞു… അവരും അവനെ തല്ലുവാനായി കാത്തിരുന്നു…

ടോണിയുടെ കയ്യിൽ കിടന്ന് ശ്വാസം കിട്ടാതെ ഇന്ദ്രൻ പിടഞ്ഞു….

പാർവതിയെ കണ്ണിൽ നിന്നും കണ്ണുനീർ ഒഴുകി…
അവനെ രക്ഷിക്കുവാൻ നന്ദുവിനോട് പറഞ്ഞു…
പക്ഷെ അവൻ കേട്ട ഭാവം നടിച്ചില്ല… ഒപ്പം അവരെ അങ്ങോട്ട് പോവാനും സമ്മതിച്ചില്ല…

ടോണി ഇന്ദ്രനെ ദൂരേക്ക് വലിച്ചെറിഞ്ഞു…
താഴെ വീണതും ശ്വാസം കിട്ടാതെ അവൻ ചുമക്കാൻ തുടങ്ങി…

ഒപ്പം റോഷന്റെയും അവന്റെ കൂടെ ഉള്ളവരുടെയും ചുണ്ടിൽ അവനായുള്ള പരിഹാസ ചിരി ഉയർന്നു…

‘””” ഇന്ദ്രാ……….'””

നന്ദു ഉറക്കെ വിളിച്ചു… ഇന്ദ്രൻ വെട്ടി തിരിഞ്ഞ് പുറകോട്ട് നോക്കി…

നന്ദു തന്റെ ചൂണ്ടുവിരൽ ഉപയോഗിച്ച് നെറ്റിലിൽ അടിച്ചു….