⚔️ദേവാസുരൻ⚒️ 2 (Demon king) 2392

നന്ദു പറഞ്ഞു നിർത്തി…. പാറു അവന്റെ മുഖത്തേക്ക് നോക്കി…. ശരിയാണ്… അവനിപ്പോൾ ദേവനല്ല… അസുരനാണ്… ആ മുഖം ഇപ്പോൾ ഒരിക്കലും ഒരു ദേവന് ചേരില്ല….
മുടിക്ക് പിടിച്ചു പൊക്കിയ റോഷന്റെ മൂക്കിലേക്ക് ഇന്ദ്രൻ ശക്തിയിൽ അടിച്ചു….  ആദ്യമേ അവന്റെ പാലം പൊട്ടിയിരുന്നു… ഇപ്പോൾ അതിലൂടെ വരുന്ന ചോരയുടെ അളവ് കൂടി….എന്നിട്ടും ഇന്ദ്രന് കലി അടങ്ങിയില്ല… ആ മുഖത്തേക്ക് വീണ്ടും തുടരെ തുടരെ അവന്റെ കൈ വീണു…

റോഷൻ വികൃതമായി… ഒപ്പം അവശനും….
ഇന്ദ്രൻ അവന്റെ വലത്തെ കൈ പിടിച്ചു തിരിച്ചു…

‘”” പെണ്ണിനെ പിടിക്കാൻ ആണോടാ നിനക്കീ കൈ…. എന്നാ അതിനി നിനക്ക് വേണ്ടാ…… ‘””

അതും പറഞ്ഞ് ആ തിരിച്ച കയ്യിലേക്ക് ഇന്ദ്രൻ  മുട്ടുകാൽ ഉപയോടിച്ച് ശക്തിയിൽ അടിച്ചു… അവന്റെ കൈ ഒടിഞ്ഞു തൂങ്ങി… ഒപ്പം ഒരലർച്ചയും ഉയർന്നു…

‘””””””” ഇന്ദ്രാ……….””””””‘

ആ വിളി അവന്റെ ചെവിയിൽ മുഴങ്ങി…..
അവൻ തിരിഞ്ഞു നോക്കി….. പാറു കരഞ്ഞു തളർന്ന് നിൽക്കുന്നു… അവനിലെ തീ അടങ്ങുന്ന പോലെ തോന്നി…. അവൾ തനിക്ക് ആരൊക്കെയോ ആണെന്ന ഒരു തോന്നൽ അവനിൽ ഉയർന്നു…

‘”””‘ മതി ഇന്ദ്രാ…… ഇനി വേണ്ട…..'”””‘

അവൾ കരഞ്ഞുകൊണ്ട് വിളിച്ചു പറഞ്ഞു…. എന്തോ ആ വാക്കുകൾ കേൾക്കാൻ ആരോ അവന്റെ ഉള്ളിൽ നിന്നും പറഞ്ഞു… ഇന്ദ്രൻ അവൾക്ക് നേരെ നടന്നു… പാറുവിനെ മുഖത്ത് ആശ്വാസം നിറഞ്ഞു…

പെട്ടെന്ന് ഇന്ദ്രനത് ശ്രദ്ധിച്ചു… പാറുവിനെ കവിളിൽ ഒരു കൈപ്പാട്….. അവൻ്റെ ഉള്ളിൽ പാറുവിനെ തുണി പറിക്കാൻ പോകുന്ന റോഷന്റെ രൂപം ഓടിവന്നു… കെട്ടണങ്ങിയ തീ അതിലും ഇരട്ടിയായി കത്തി….

അവനിൽ വീണ്ടും അസുര പ്രവേശനം നടന്നു…. ആ കണ്ണുകൾ വീണ്ടും രക്തവർണ്ണമായി… അവൻ തിരിഞ്ഞ് റോഷന്റെ അടുക്കലേക്ക് തന്നെ നടന്നു…

പാറുവിനെ പോയ പേടി അതേപോലെ തിരിച്ചു വന്നു…

റോഷൻ ഒടിഞ്ഞ കൈ പൊത്തിപ്പിടിച്ച് കരയുകയാണ്… അവനെ രക്ഷിക്കാൻ ആരും മുന്നോട്ട് വരുന്നില്ല… ചുറ്റും അധ്യാപകരും കുട്ടികളും നിൽക്കുന്നുണ്ട്… ആരും പ്രതികരിക്കുന്നില്ല….

കഴിഞ്ഞ ദിവസം വരെ താൻ ചെയ്യുന്ന തെറ്റുകളും ഇവർ ഇങ്ങനെ കയ്യും കെട്ടിയാണ് കണ്ടിരുന്നത്….പിന്നെ ഇത് മാത്രം സീരിയസ് ആവുമോ….

വീണ്ടും ഇന്ദ്രന്റെ കൈ റോഷന്റെ മുടിയിൽ പിടിച്ചു…
അവനെ വലിച്ചിഴച്ച് അവൻ മുന്നോട്ട് പോയി…. അവസാനം സിമെന്റ് ഇട്ട വഴി എത്തിയപ്പോൾ അവന്റെ തല അതിലേക്ക് അമർത്തി വച്ചു… ശേഷം ഇന്ദ്രൻ അവനെ അതിലൂടെ തല ചേർത്ത് ഉരച്ച് മുന്നോട്ട് വലിച്ചു…. വേദനയാൽ അവൻ പുളഞ്ഞു…