⚔️ദേവാസുരൻ⚒️ 2 (Demon king) 2392

നിലത്ത് കിടക്കുന്ന പാർവതിയെ ഒരു പരിഹാസ ചിരിയോടെ റോഷൻ നോക്കി… അവൻ അവൾക്കരികിലേക്ക് വരുംതോറും അവൾ നിരങ്ങി പുറകോട്ട് നീങ്ങി…<
റോഷൻ : പിടിക്കട അവളെ…..
റോഷൻ അവന്റെ കൂട്ടുകാരോട് പറഞ്ഞു… അതിൽ രണ്ടുപേർ  മുന്നോട്ട് വന്നു… അവർ പാറുവിനെ പിടിക്കാൻ പോയപ്പോൾ അന്നയും ഫാത്തിമായും ഇടയിൽ കയറി… എന്നാൽ അവരെ നിഷ്പ്രയാസം തള്ളി താഴെ ഇട്ട് പാറുവിനെ പിടിച്ചു…അവളുടെ രണ്ട് സൈഡിൽ നിന്നും രണ്ട് കയ്യും അവർ ബലമായിപിടിച്ചു… അവൾക്ക് അനങ്ങനൊ ഓടാനോ പറ്റുന്നില്ല… പറ്റുന്നത് കരയാൻ മാത്രമാണ്… അപ്പോഴേക്കും റോഷൻ അവൾക്കരികിൽ എത്തിയിരുന്നു…

റോഷൻ: നീ എന്നെ തല്ലി ല്ലേ…. നിന്റെ ദേഹത്ത് കൈ വച്ചതിനല്ലേ തല്ലിയത്… എന്നാ ആ ശരീരം  ഇന്നേല്ലാരും കാണാൻ പോവാ…

റോഷൻ പറഞ്ഞു…

പാറു: പ്ലീസ്… എന്നെ ഒന്നും ചെയ്യരുത്…..

അവൾ തേങ്ങികൊണ്ട് അപേക്ഷിച്ചു….

റോഷൻ: നീ ഒന്ന് ചുറ്റും നോക്കിക്കേ…. എത്രപേരാ നോക്കുന്നെ….. പക്ഷെ ആരും നിന്നെ രക്ഷിക്കാനും ഇല്ല…. കാരണം എന്താ…. ഭയം…
എന്റടുത്ത് ഉള്ള ഭയം… അങ്ങനെ ഉള്ള ഒരാളെ തല്ലാൻ പാടുണ്ടോ…..

അവൻ ക്രൂരമായി പറഞ്ഞു… പാർവതിക്ക് കരായനല്ലാതെ ഒന്നിനും സാധിച്ചില്ല…

റോഷൻ: ഇന്ന് നിന്നെ ഒരു തുണ്ട് തുണി പോലും ഇല്ലാതെ എല്ലാരേം കാണിക്കാൻ പോവാ…. ആരാ തടയുന്നത് എന്ന് കാണാല്ലോ….

റോഷൻ ചിരിച്ചുകൊണ്ട് പറഞ്ഞു… പാർവതിയുടെ ഉള്ളിൽ കൂടുതലായി ഭയം ഇരച്ചു കയറി… തന്റെ മാറിന് നേരെ അവന്റെ കൈ വരുന്നത് അവൾ പേടിയോടെ നോക്കിക്കണ്ടു….

ചുറ്റിനും നോക്കി…
ആരും സഹായിക്കാൻ ഇല്ല… ഉള്ളവർ വെറും കാണികൾ മാത്രം… ചിലരുടെ മൊബൈൽ കണ്ണുകൾ അവളെ വീക്ഷിക്കുന്നു….

ആ രണ്ടുപേരുടെ കൈകളിൽ നിന്ന് കൂടുതൽ പിടയുവാൻ തുടങ്ങി… എന്നാൽ ആ പിടി അയക്കുവാൻ അവൾക്ക് സാധിച്ചില്ല…

റോഷൻ അവൾക്കടുത്തെത്തി…. തന്റെ ദേഹത്ത് അവന്റെ വൃത്തികെട്ട കൈ സ്പര്ശിക്കുവാൻ അതികം ദൂരം ഇല്ലെന്ന് അവൾ മനസ്സിലാക്കി…

പാർവതി കണ്ണുകൾ ഇറുക്കി അടച്ചു… ആ കണ്ണുകൾ അടയുമ്പോൾ നിറഞ്ഞുനിന്ന കണ്ണുനീർ തുള്ളികൾ പുറത്തേക്ക് ചാടിപ്പോയി….

‘””……..ആ……..'”””

പെട്ടെന്ന് ഒരു അലർച്ച അവളുടെ കാതിൽ വീണു… ഒപ്പം തന്നെ പിടിച്ചിരുന്നവരുടെ കായ്കൾ മോചിതമായി….

പാർവതി പതിയെ കണ്ണുകൾ തുറന്നു…

തന്റെ മുന്നിൽ നിന്നിരുന്ന റോഷൻ ഇപ്പോൾ അവടെ ഇല്ല… അവളെ പിടിച്ചവർ പിന്നാക്കം മാറി നിൽക്കുന്നു… അവരുടെ ശ്രദ്ധ വേറെ ഒരിടത്തായിരുന്നു… അവളും അങ്ങോട്ട് നോക്കി…