⚔️ദേവാസുരൻ⚒️ 2 (Demon king) 2393

10-15 ഓളം കല്ലുകൾ ഒരുമിച്ച് അവന് നേരെ വന്നു…
ഇന്ദ്രൻ പെട്ടെന്ന് തന്റെ കയ്യിലെ വടി വട്ടംകറക്കുവാൻ തുടങ്ങി…. അതും വളരെ സ്പീഡിൽ…
വളരെ പരിശീലനം ഉള്ളവർ ചെയ്യുന്ന പോലാണ് അവൻ അത് ചെറുത്തത്… അവൻ നേരെ വന്ന അത്രയും കല്ലുകൾ ആ വടിയിൽ കൊണ്ട് തെറിച്ചുപോയി….കണ്ടുനിന്നവരുടെ സർവ കിളിയും പോയി…
ഹരി, pv, പാറു, ഫാത്തിമ ,അന്നാ എന്നിവർ അത് വളരെ കൗതുകത്തോടെ നോക്കി നിന്നു….

റോഷന്റെ കൂട്ടുകാർ തുടരെ തുടരെ കല്ലുകൾ എറിഞ്ഞുകൊണ്ടിരുന്നു…പക്ഷെ ഒന്നും ദേഹത്ത് കൊണ്ടില്ല…. കാറ്റിന്റെ ഗതി മാറി…

അതിന്റെ ദിശ അവന്റെ കൈകളിൽ ആയി… കാറ്റ് ഒരു ചുഴലി പോലെ അവന് ചുറ്റും ചുറ്റി…. പലരുടെയും കാഴ്ച മങ്ങാൻ തുടങ്ങി…. അവിടം മുഴുവൻ പൊടി പടർന്നിരുന്നു…

കാഴ്ച മങ്ങിയതോടെ അവർക്ക് കല്ലെറിയുവാൻ സാധിക്കുന്നില്ലയിരുന്നു… റോഷന്റെ കണ്ണ് പാതി അടഞ്ഞു… ചുറ്റും എന്താണ് സംഭവിക്കുന്നത് എന്ന് മനസ്സിലാവുന്നില്ല…

അവൻ കഷ്ടപ്പെട്ട് വീണുകിടന്ന ഇടത്തുന്നിന്ന് എഴുന്നേറ്റു… പാറുന്ന പൊടി കണ്ണിൽ തട്ടാതിരിക്കാൻ അവൻ കൈ കൊണ്ട് കണ്ണ് മറച്ചു…

അതിനിടയിൽ അവ്യയക്തമായി ചിലരുടെ അലർച്ചയും കരച്ചിലും അവൻ കേട്ടു… പതിയെ അന്തരീക്ഷത്തിലെ പൊടിയുടെ അളവ്‌ കുറഞ്ഞു…

കാഴ്ച്ച കുറച്ചു കുറച്ചായി തെളിയാൻ തുടങ്ങി…
ഒരു നിഴല് പോലെ വടി കുത്തി നിൽക്കുന്ന ഒരാളെ അവ്യക്തമായി എല്ലാവരും കണ്ടു…. കാറ്റ് പൂർവ സ്ഥിതി ആവുന്നതിന് അനുസരിച്ച് അത് ഇന്ദ്രൻ ആണെന്ന് എല്ലാവർക്കും മനസ്സിലായി….

പോകെ പോകെ എല്ലാവരിലും അത്ഭുതം കൂടി വന്നു… ഇന്ദ്രനെ കല്ലെറിഞ്ഞവർ പലരും ഇപ്പോൾ മണ്ണിൽ സുഖ നിദ്രയിലാണ്… അതിന്റെ നടുക്ക് ഒരു യുദ്ധം ജയിച്ച പോരാളിയെ പോലെ ഇന്ദ്രനും…