ഡെറിക് എബ്രഹാം [അഹമ്മദ് ശഫീഖ് ചെറുകുന്ന്] 167

അതും പറഞ്ഞു ഡെറിക് തന്റെ വാച്ചിലെ ഒരു സ്വിച്ച് അമർത്തി… പെട്ടെന്ന് കറന്റ്‌ പോയി… അവിടം മുഴുവൻ ഇരുട്ടായി… ഒരു നിമിഷം പോലും പാഴാക്കാതെ തന്റെ മുന്നിൽ തന്നെയുള്ള സ്റ്റീഫനെ ആഞ്ഞു ചവിട്ടി…. അയാൾ ദൂരേക്ക് തെറിച്ചു വീണു…. പെട്ടെന്നാണ് ചുറ്റിൽ നിന്നും വെടിയൊച്ചകൾ കേട്ടത്….
നേരത്തേ ബന്ദികൾ നിൽക്കുന്ന സ്ഥലം ശ്രദ്ധിച്ചിട്ടുണ്ടായ ഡെറിക് അങ്ങേക്ക് പാഞ്ഞു, അവരെ സേഫ് ആക്കി നിർത്തി….

വെടിയൊച്ചകൾ കേട്ടത്, ഡെറിക്കിന്റെ പോലീസ് ടീമായിരുന്നു…. മുന്നേ ചെയ്ത പ്ലാനായിരുന്നു അത്… ഡെറിക് വന്നത് തനിച്ചാണെങ്കിലും അവന്റെ വാച്ചിൽ ലൊക്കേഷൻ ആക്റ്റീവ് ആയിരുന്നു…ആ പ്ലാനിങ്ങിൽ പോലീസുകാർ അവിടെയെത്തി.. മുമ്പ് തീരുമാനിച്ച പോലെ,ആ ഏരിയ അവരുടെ കൺട്രോളിലാവുന്നത് വരെ സ്റ്റീഫന്റെയും സംഘത്തിന്റെയും ശ്രദ്ധ പുറത്തേക്ക് പോകാതിരിക്കാൻ ഡെറിക് പ്രത്യേകിച്ച ശ്രദ്ധിച്ചിരുന്നു… ഏകദേശം, സമയമായപ്പോൾ വാച്ചിലെ റിമോട്ടിങ് ടെക്നിക് വെച്ചിട്ട് ടീമിന് സൂചന കൊടുത്തു..അതിൽ പ്രസ്സ് ചെയ്‌താൽ അവർക്ക് അലാറം അടിക്കുമായിരുന്നു…. അലാറമടിച്ചാൽ അപ്പോൾ പവർ കട്ടാക്കണമെന്നൊക്കെ ഇവരുടെ പ്ലാനിങ്ങിലുണ്ടായതായിരുന്നു….

കുറേ സമയത്തേക്ക് വെടിയൊച്ചകളുടെ പൂരമായിരുന്നു….സ്ഥിതി കൺട്രോളിൽ വന്നപ്പോൾ മെയിൻ സ്വിച്ച് ഓണാക്കി…. ബന്ദികളുടെ അടുത്തേക്ക് പാഞ്ഞു വരുന്നവരെയൊക്കെ ഡെറിക് തൽക്ഷണം നിലംപരിശാക്കി….

പെട്ടെന്നാണ് ഡെറിക് അത് ശ്രദ്ധിച്ചത്.. സ്റ്റീഫനെ കാണുന്നില്ല….സംഗതി വഷളായതോടെ താൻ പോലീസിന്റെ പിടിയിലകപ്പെടുമെന്ന് മനസ്സിലായപ്പോൾ അവൻ വിദഗ്ധമായി രക്ഷപ്പെട്ടിരിക്കുന്നു….
ബന്ധികളായ എല്ലാവരെയും , കൊണ്ട് വന്നിരിക്കുന്ന വാനിലേക്ക് മാറ്റാൻ വേണ്ടി പോലീസുകാരെ ഏല്പിച്ചിട്ട് ഡെറിക് എല്ലാ ഭാഗത്തേക്കും ഓടിപ്പോയി സ്റ്റീഫനെ തിരഞ്ഞു..പക്ഷേ, നിരാശ തന്നെയായിരുന്നു ഫലം…ഇത്രനാൾ കാത്തിരുന്നു മുന്നിൽ കിട്ടിയിട്ടും തനിക്കൊന്നും ചെയ്യാൻ കഴിഞ്ഞില്ലല്ലോ എന്നോർത്ത് തലയിൽ കയ്യും വെച്ചിരുന്നു…അപ്പോൾ അവന്റെ മൊബൈലിൽ നിന്നും ഒരു മെസ്സേജിന്റെ ശബ്ദം…ഡെറിക് തുറന്ന് നോക്കി…

” C u soon deric…Very soon”

( തുടരും )