ഡെറിക് എബ്രഹാം [അഹമ്മദ് ശഫീഖ് ചെറുകുന്ന്] 167

രണ്ട് ചെറിയ പെൺകുട്ടികൾ ഡെറിക്കിനരികിലേക്ക് ഓടിപ്പോയി… പക്ഷേ, സ്റ്റീഫന്റെ സംഘത്തിലെ രണ്ട് പേർ അവരെ പിടിച്ചു വലിച്ചു…അപ്പോഴേക്കും ബന്ധികളിൽ എല്ലാവരുടെയും അധരങ്ങൾ ചലിച്ചു തുടങ്ങിയിരുന്നു…. ആദി… ആദി… അവിടം മുഴുവൻ ആദിയെന്ന പേര് അലയടിച്ചു…
സ്റ്റീഫനും സംഘവും ഒന്നും മനസ്സിലാകാതെ ഡെറിക്കിനെയും ബന്ധികളെയും മാറി മാറി നോക്കി…

“വെൽകം മിസ്റ്റർ ഡെറിക് എബ്രഹാം കാട്ടൂക്കാരൻ… ഒരു നോക്ക് കാണുവാനായി കാത്തു നിൽക്കുകയായിരുന്നു ”

“നിന്നെക്കാൾ അതിന്റെ ആവശ്യക്കാരൻ ഞാനായിരുന്നു സ്റ്റീഫൻ… പക്ഷേ, ഇങ്ങനെയൊരു തരം താണ സീനിൽ ആകരുതായിരുന്നു ”

“ഡെറിക്…. ഡെറിക് എബ്രഹാം… പക്ഷേ,ഇവർക്കൊക്കെ ആദി…അതിന്റെ ഒരു ഗുട്ടൻസ് എന്താണ്? ”

“Its none of ur business….നീ അറിയേണ്ട കാര്യമല്ല… അതിന്റെ ആവശ്യമുണ്ടെന്ന് എനിക്കും തോന്നുന്നില്ല… ഞാൻ തന്നെയാണ് ഡെറിക് എന്നുള്ളതിന് ഇപ്പോഴും സംശയങ്ങൾ നിനക്ക് തടസ്സം നിൽക്കുന്നുണ്ടോ സ്റ്റീഫൻ? ”

“ഒരിക്കലുമില്ല… ഒന്നങ്ങോട്ട് തിരിഞ്ഞു നോക്കിയാൽ നിനക്ക് മനസ്സിലാകും… നിന്റെയിന്ന് വരെയുള്ള ബന്ധങ്ങളൊക്കെ അവിടെയുണ്ട്…”

ഡെറിക് അവിടേക്കൊന്ന് നോക്കി…തന്റെ ജീവനുകളായ കീർത്തിയും ജൂഹിയും.. അവരാണ് അവനെ കണ്ടപ്പോൾ തന്നെ ഓടി വന്നത്… ബന്ധുക്കളായ മീനമ്മ, ഗൗരി മേമ്മ, ശേഖരൻ മാമൻ, നാട്ടുകാരായ സേതുവേട്ടൻ, ലക്ഷ്മിയേച്ചി, തന്റെ പ്രിയ ഗുരു കുറുപ്പ് മാഷ് പോലുമുണ്ടതിൽ…. പെട്ടെന്ന് അവന്റെ കണ്ണുകൾ വേറൊരു കണ്ണുകളിൽ ഉടക്കി…. ചാന്ദ്നി….

ഒരു നിമിഷവൻ തരിച്ചു നിന്നു പോയി… ആരൊക്കെയോ ഉണ്ടാകുമെന്ന് കരുതിയിരുന്നെങ്കിലും ഈയൊരു മുഖം ഇവിടെ കാത്തു നിൽക്കുന്നുണ്ടാകുമെന്ന് അവൻ കരുതിയില്ല…പലയിടങ്ങളിലും കാണുമെന്നാഗ്രഹിച്ച മുഖമാണെങ്കിലും താനും മറഞ്ഞു നിൽക്കുകയായിരുന്നു അവളിൽ നിന്നും….

“ഡെറിക്…. ഞെട്ടിപ്പോയോ? ”

“എന്നെ ഞെട്ടിക്കണമെങ്കിൽ നീയിനിയും ജനിക്കണം സ്റ്റീഫാ,ഒരു നൂറ് ജന്മമെങ്കിലും ”

“ഹഹഹ…. തകർന്നു നിൽക്കുമ്പോഴും പോരാടാനുള്ള നിന്റെയീ വീര്യം നിറഞ്ഞുള്ള ആത്മവിശ്വാസം കൊള്ളാം ഡെറിക്…. അതെനിക്കിഷ്ടമായി… ചുമ്മാതല്ല… CM ന്റെ വിശ്വസ്തനായ കാവൽപട്ടിയായത് ”

“നിനക്ക് വേണ്ടത് എന്നെയല്ലേ… ഒന്ന് വിളിച്ചാൽ എവിടെക്കാണേലും ഞാൻ വരുമായിരുന്നല്ലോ… പിന്നെയെന്തിന് ഇങ്ങനെയൊരു പ്രഹസനം… അവരെയൊക്കെ വിട്ടേക്കൂ…കണക്ക് തീർക്കൽ നമ്മൾ തമ്മിലാകാം…”

” നിന്റെ ജീവനുകളല്ലേ അവരിൽ പലരും… പ്രത്യേകിച്ച് ആ പെൺകുട്ടികൾ…. അവർക്ക് നോവിച്ചാലല്ലേ നിനക്കും നോവിക്കൂ… ”

” ഹഹഹ.. സ്റ്റീഫൻ..നിന്നെ കുറിച്ച് ഞാൻ കേട്ടറിഞ്ഞ കഥകളൊക്കെ ചീട്ട് കൊട്ടാരം പോലെ തകരുകയാണല്ലോ… ഇത്ര ചീപ്പായ പഴഞ്ചൻ സിനിമ സ്റ്റൈൽ ഒന്ന് മാറ്റിപ്പിടിക്കെടോ സ്റ്റീഫാ…
പല സിനിമകളിലും കണ്ടു മടുത്തു ”

“പഴഞ്ചനാണെങ്കിലും അത് നിന്നെ എന്റെ മുന്നിലെത്തിച്ചില്ലേ ഡെറിക് ”

“അല്ലെങ്കിലും ഞാൻ നിന്റെ മുന്നിലേക്ക് വരുമായിരുന്നു സ്റ്റീഫൻ… പറഞ്ഞല്ലോ.. ഇത്തിരി നേരത്തേയായി എന്നേയുള്ളൂ…
നീ എന്റെ മക്കളിലേക്ക് നോക്ക് സ്റ്റീഫൻ…അവരുടെ കണ്ണുകളിൽ നീ കാണുന്നുണ്ടോ പേരിനെങ്കിലുമൊരു ഭയം..ചോര എന്റെതാണെടോ…
ഞാൻ വന്നത് അവർക്ക് വേണ്ടിയാണെന്ന് കരുതിയോ നീ സ്റ്റീഫാ…നിനക്ക് വേണ്ടി മാത്രമാണ്… അത് കൊണ്ട് നീ അവരെ വിട്ടേക്ക്..”