ഡെറിക് എബ്രഹാം [അഹമ്മദ് ശഫീഖ് ചെറുകുന്ന്] 167

സ്റ്റീഫന്റെ കേരളത്തിലെ എല്ലാ പ്ലാനുകളും തകർന്നു കൊണ്ടിരിക്കുന്നത് ഡെറിക്കിന്റെ ബുദ്ധി അതിന് പിന്നിലുള്ളത് കൊണ്ട് മാത്രമാണ്…അത് കൊണ്ട് ഡെറിക്കിനെ പൂട്ടുക എന്നതാണ് സ്റ്റീഫന്റെ ഇപ്പോഴത്തെ ലക്ഷ്യം… ഏറെ കഷ്ടപ്പെട്ടിട്ടാണെങ്കിലും ഡെറിക് ആരാണെന്ന് സ്റ്റീഫൻ കണ്ടു പിടിച്ചിരിക്കുന്നു…. ഡെറിക്കുമായി ബന്ധമുള്ള കുട്ടികളെയും അടുപ്പക്കാരേയും മുന്നിൽ വെച്ചാണ് ഇപ്പോൾ സ്റ്റീഫൻ CM നോട്‌ ഈ വിലപേശൽ നടത്തിക്കൊണ്ടിരിക്കുന്നത്….എന്നാൽ, ബന്ധനസ്ഥരായിട്ടുള്ള ആർക്കും ഡെറിക് ആരാണെന്ന് ഇത് വരെ പിടികിട്ടിയിട്ടില്ല… അവർ പരസ്പരം അന്തം വിട്ടത് പോലെ നോക്കി നിൽക്കുകയാണ്…

സ്റ്റീഫന്റെ വീഡിയോ സന്ദേശം കണ്ടതിന് ശേഷം CM രാജശേഖർ ആകെ പരിഭ്രാന്തനായി… കാരണം, ആ വാക്കുകളിലുണ്ട്, തന്റെ തുറുപ്പുചീട്ടായ ഡെറിക്കിന് വേണ്ടി അയാൾ ഏതറ്റം വരെയും പോകും… രണ്ടും കല്പിച്ചിട്ടാണ് സ്റ്റീഫൻ ഇറങ്ങിയിരിക്കുന്നത്…ഇത്തവണ അയാൾക്ക് ഒരേയൊരു ലക്ഷ്യമേയുള്ളൂ… ഡെറിക്…. അധികം വൈകരുത്… എന്തെങ്കിലും ഉടനെ ചെയ്യണം…

“ടോ… ഗുണശേഖരാ…ഒന്ന് എന്റെ ചെക്കനെ കണക്ട് ചെയ്തു തന്നേ”

“ഓക്കേ സാർ ”

പേർസണൽ അസിസ്റ്റന്റ് ആയ ഗുണശേഖരൻ ഫോണെടുത്ത് വിളിച്ചു…

“ടാ.. നീയൊന്ന് വരണം…. ഇവിടെ ചെറിയൊരു പണിയുണ്ട്…. ഗുണശേഖരൻ എല്ലാം വിശദീകരിച്ചു പറയും…. വൈകരുത്… വേറെ ഏത് സീരിയസ് വിഷയമുണ്ടെങ്കിലും അതൊക്കെ മാറ്റി വെച്ച്, ഈ സമയം മുതൽ ഇതാകണം നിന്റെ ജോലി… ”

“ഓക്കേ സാർ…ഞാൻ വൈകുന്നേരം ആകുമ്പോഴേക്കും അവിടെ എത്തിയേക്കാം ”

“എടുത്ത് പിടിച്ചു ഒന്നും ചെയ്യേണ്ട…. സ്റ്റീഫൻ നേരിട്ട് ഇറങ്ങിയിരിക്കുകയാണ്…. നിനക്കു വേണ്ടി മാത്രം… അതും നിനക്കു വേണ്ടപ്പെട്ടവരെ അവൻ തേടിപ്പിടിച്ചു അവന്റെ കസ്റ്റഡിയിൽ വെച്ചിട്ടുണ്ട് ”

“ഞാനറിഞ്ഞു സാർ..എനിക്ക് വിവരം കിട്ടിയിട്ടുണ്ട്…ഇപ്പോൾ തന്നെ ഇറങ്ങുകയാണ് ”

“എന്നാൽ വാ…പെട്ടെന്നാവട്ടെ ”

ഡെറിക് ഉടനെ ബാംഗ്ലൂരിൽ നിന്നും കേരളത്തിലേക്ക് പുറപ്പെട്ടു..
കേരളത്തിലെത്തിയ ഡെറിക് CM ന്റെ നിർദ്ദേശ പ്രകാരം നേരെ പുറപ്പെട്ടത് സ്റ്റീഫൻ ബന്ധനസ്ഥരാക്കിയവരുടെ അടുത്തേക്കാണ്..CM ന് കിട്ടിയ നിർദേശപ്രകാരം ഡെറിക് തനിച്ചാണ് പോയത്..

ഡെറിക് എത്തുന്നു എന്നറിഞ്ഞതോടെ സ്റ്റീഫനും കൂട്ടരും എന്തും നേരിടാനായി തയ്യാറായി നിന്നു..ഇത്രയും നാൾ തന്റെ മുന്നിലെ ഏറ്റവും വലിയ കരടായ ഡെറിക്കിനോട്‌ , എല്ലാ കണക്കും തീർക്കാനായുള്ള കാത്തിരിപ്പിലാണ് സ്റ്റീഫൻ..

ബന്ധികളെ ഒളിപ്പിച്ച ഫാക്ടറിയുടെ മുന്നിൽ ഒരു പജെറോ കുതിച്ചെത്തി…സ്റ്റീഫനും കൂട്ടരും, ബന്ധികളായ ഓരോരുത്തരും കണ്ണ് ചിമ്മാതെ അക്ഷമരായി നോക്കി നിന്നു…ആ വേഗതയിൽ നിന്നും പൊങ്ങി വന്ന പൊടിപടലങ്ങൾക്കിടയിൽ നിന്നും അവൻ പുറത്തേക്കിറങ്ങി വന്നു…

പൊടിപടലങ്ങൾക്കിടയിൽ നിന്നും നടന്നു വരുന്നവനിലാണ് എല്ലാ കണ്ണുകളും…. ബന്ധികൾക്ക് പോലും ആകാംക്ഷയാണ്… നമ്മളിൽ പെട്ടവനാണെന്ന് പറഞ്ഞു കേൾക്കുന്നു… പക്ഷേ, ആ പേര് ഇത് വരെ കേട്ടിട്ടുമില്ല… ഡെറിക് പതിയെ അവരുടെ അടുത്തെത്തിക്കഴിഞ്ഞു…. സ്റ്റീഫനും സംഘവും അവന് നേരെ തോക്കും ചൂണ്ടി നിൽക്കുകയാണ്… അധികം വൈകാതെ തന്നെ ഡെറിക്കിന്റെ മുഖം തെളിഞ്ഞു വന്നു…

“ആദീ….”