ഡെറിക് എബ്രഹാം [അഹമ്മദ് ശഫീഖ് ചെറുകുന്ന്] 167

പ്രിയ സുഹൃത്തുക്കളെ,

ഞാൻ അഹമ്മദ് ശഫീഖ്.. കണ്ണൂരിലെ ചെറുകുന്ന് എന്ന ഗ്രാമത്തി നിന്നും വരുന്നു….

ഞാൻ ഈ ഗ്രൂപ്പിൽ ആദ്യമായിട്ടാണ്.. എന്റെ പ്രിയ സുഹൃത്ത് ഷാന പറഞ്ഞിട്ടാണ് ഇങ്ങനെയൊരു ഗ്രൂപ്പിനെ കുറിച്ച് അറിയുന്നത്..

ഞാൻ ആദ്യമായി എഴുതുന്ന തുടർക്കഥയാണ്…..
ആദ്യ പരീക്ഷണമായതിനാൽ തെറ്റുകളുണ്ടാകും…ചൂണ്ടിക്കാണിക്കുമെന്ന് പ്രതീക്ഷിക്കുന്നു…

എല്ലാവരുടെയും സപ്പോർട്ട് പ്രതീക്ഷിക്കുന്നു…

============================

ഡെറിക് എബ്രഹാം
( In the Name of COLLECTOR )

~~~~~~~~~~~~~~~~~~~~~~~~~~

✒️ അഹമ്മദ് ശഫീഖ് ചെറുകുന്ന്

PART 1

“മിസ്റ്റർ CM….
ഞങ്ങൾക്ക് ഡെറിക്കിനെ വേണം… ഞങ്ങളുടെ ലക്ഷ്യം അവനാണ്…. അല്ലാതെ ഇവരല്ല..
അവൻ ഇവിടെ വരണം….
ഡെറിക് എബ്രഹാം കാട്ടൂക്കാരൻ ”

ഇടിമുഴക്കം പോലെയുള്ള ആ ഭീഷണിസ്വരം കേട്ടവരൊക്കെ ഞെട്ടി…സ്റ്റീഫൻ രാഘവ്…പെൺകുട്ടികളെ മറ്റു രാജ്യങ്ങളിലേക്ക് കയറ്റുമതി ചെയ്യുന്ന പെൺവാണിഭ സംഘങ്ങളുടെ നിയന്ത്രണം മുഴുവൻ സ്റ്റീഫന്റെ കുടക്കീഴിലാണ്.ഇത് വരെ ഒരാളുടെ മുന്നിലും വരാത്ത സ്റ്റീഫൻ, ഇതാദ്യമായാണ് നേരിട്ടിറങ്ങുന്നത്….

ഡെറിക്… ഡെറിക് എബ്രഹാം കാട്ടൂക്കാരൻ IPS…. എൻകൗണ്ടർ സ്പെഷ്യലിസ്റ്റ് , ഷാഡോ പോലീസ് എന്നൊക്കെ പറയാം…പെൺകുട്ടികളേയും കുട്ടികളെയും തട്ടിക്കൊണ്ടു പോയി അവരുടെ അവയവങ്ങൾ വിറ്റു കോടികളുടെ ബിസിനസ്‌ ചെയ്യുന്ന വൻ മാഫിയയിൽ നിന്നും കേരളത്തെ മോചിപ്പിക്കാൻ മുന്നിൽ നിന്നും നയിക്കുന്നവൻ….പക്ഷേ, മറയിൽ നിന്നും ഇത് വരെ വെളിച്ചത്തിലേക്ക് വന്നിട്ടില്ല…ഒരു മീഡിയയ്ക്ക് മുന്നിലും ഇത് വരെ പ്രത്യക്ഷപ്പെട്ടിട്ടുമില്ല..CM ന്റെ പേർസണൽ ടീമിന് മാത്രമേ അറിയൂ.. ആരാണ് ഡെറിക് എന്നും എവിടെയാണെന്നും…. ബാക്കിയുള്ള എല്ലാവർക്കും നാമമാത്ര പരിചയം മാത്രം…