?ചെമ്പനീർപ്പൂവ് 4 [കുട്ടപ്പൻ]? 1445

” ഫോൺ സൈലന്റ് ആയിരുന്നു ഇന്ദൂസേ…. അല്ലാതെ അമ്മാവിളിച്ചാ ഞാൻ എടുക്കണ്ടിരിക്കോ… എന്റെ പഞ്ചാരയമ്മയല്ലേ”…

ഞാൻ അമ്മയെ കെട്ടിപ്പിടിച്ച് കവിളിൽ ഒരു ഉമ്മ കൊടുത്തു.

” ഓ എന്തോരു ച്നേഹം…… ഒരു അമ്മേം മോനും വന്നേക്കുന്നു….” അമ്മുവാണ്

” അല്ല അമ്മേ….  ഈ അസൂയക്കും മണ്ടത്തരത്തിനും മരുന്നില്ല എന്ന് പറയുന്നത് സത്യമാണല്ലേ…” ഞാൻ അമ്മുവിനെ നോക്കി അമ്മയോടായി പറഞ്ഞു.

“അസൂയക്കും കഷണ്ടിക്കും അല്ലേടാ ചെക്കാ…..” അമ്മയുടെ സംശയം.

” ഇവളുടെ കാര്യം ആവുമ്പോ മണ്ടത്തരം ആണല്ലോ മെയിൻ…. അതെങ്ങനാ അമ്മേടെ അല്ലേ മോള് കണ്ടില്ലേ ഒരു കൌണ്ടർ പോലും മനസിലാക്കാൻ കഴിവില്ല”

ഞാൻ രണ്ടുപേരെയും നോക്കി ചിരിച്ചു.

“ആഹാ ഞാൻ മണ്ടി അല്ലേ…  നിനക്ക് തരാടാ പട്ടിയേട്ടാ…”

എന്ന് പറഞ്ഞ് ഓടി വന്നു കയ്യിൽ അടിച്ച് അതെ സ്പീഡിൽ തിരിച്ചോടി

ആ മുറിവിന് മുകളിൽ ആയിരുന്നു അത് കൊണ്ടത്. അതിന്റെ വേദനയിൽ ഞാൻ ഒന്ന് ഞരങ്ങി. അത് അമ്മ വ്യക്തമായി കാണുകയും ചെയ്തു

” അജു എന്തടാ കയ്യിനെന്ത് പറ്റി” അമ്മ കൈ എടുത്തു പരിശോധിക്കാൻ തുടങ്ങി.

മുറിവിന് ഇളക്കം തട്ടിയത് കൊണ്ട് അതിൽ നിന്ന് വീണ്ടും ചോര വരാൻ തുടങ്ങി. അത് ഷർട്ടിൽ ഒക്കെ പടരാൻ തുടങ്ങി. ഇതൊക്കെ കണ്ട് അമ്മ നല്ലപോലെ പേടിച്ചു.

“ഒന്നുമില്ല അമ്മേ ഞാൻ ഒന്ന് തട്ടിവീണു.. അപ്പോ എന്തോ കമ്പോ മറ്റോ കൊണ്ടതാ.. കാര്യായിട്ട് ഒന്നൂല്ല.. “.

ഞാൻ ആദ്യം ഒന്ന് പതറിയെങ്കിലും പറഞ്ഞൊപ്പിച്ചു.