?ചെമ്പനീർപ്പൂവ് 4 [കുട്ടപ്പൻ]? 1444

“സോറി ഡീ… എനിക്ക് എന്നെത്തന്നെ നിയന്ത്രിക്കാൻ പറ്റണില്ലഡാ… കണ്ണൊക്കെ നിറഞ്ഞുവരുവാ. സങ്കടം സഹിക്കാൻ പറ്റണില്ല… നീയൊന്ന് അഭിയേട്ടനോട് പറ.അജുവേട്ടൻ എന്നോട് പിണക്കവായിരിക്കും.. കാലുപിടിച്ചിട്ടാണേലും ഇന്നെന്റെ ഇഷ്ടം  ഞാൻ തുറന്ന് പറയും. എനിക്ക് വേണം ന്റെ ഏട്ടനെ..”

ചിന്നു പറഞ്ഞു.

 

“ആ ശെരി ഞാൻ അഭിയേട്ടനെ വിളിച്ചിട്ട് നിന്നെ വിളിച്ചോളാം…. അപ്പൊ ശെരി ചിന്നൂസേ…. ഞാൻ വെക്കുവാണുട്ടോ ”

 

രാഗേന്ദു ഫോൺ കട്ട്‌ ചെയ്തു

 

കണ്ണിൽ നിന്നു അടർന്നുവീണ രണ്ട് നീർതുള്ളികളെ പുറംകൈകൊണ്ട് തുടച്ചുകളയുമ്പോൾ ചിന്നുവിന്റെ ചുണ്ടിൽ ഒരു നാണത്തിൽ കലർന്ന പുഞ്ചിരിയുണ്ടായിരുന്നു…. ഇന്ന് ഇഷ്ടം പറഞ്ഞുകഴിഞ്ഞാൽ അജുവേട്ടൻ അവളുടെതാകും എന്നോർത്തുള്ള പുഞ്ചിരി.

 

“അജുവേട്ട….. അജുവേട്ടൻ എന്റെമാത്ര…. ന്റെ ജീവനാണ്… ഏട്ടൻ ഇല്ലെങ്കി ഞാൻ മരിച്ചുപോകും. അത്രയ്ക് ഇഷ്ടാ ന്റെ ഏട്ടനെ. അന്ന് വിഷമിപ്പിച്ചതിന്റെ പരിഭവൊക്കെ സ്നേഹംകൊണ്ട് ഞാൻ അകറ്റിക്കോളാം…… ”

 

അവൾ തലയണയെ ഇറുക്കി കെട്ടിപ്പിടിച്ചുകൊണ്ട് പറഞ്ഞു.

 

************

 

വൃന്ദവനത്തിന്റെ ഗേറ്റ് കടന്ന് അജുവിന്റെ ജീപ്പ് കോംപസ് അകത്ത് കയറിയപ്പോൾ തന്നെ അവൻ കണ്ടു മുറ്റത്ത് അക്ഷമയായി നിൽക്കുന്ന ഇന്ദിരയെ.

 

“എന്താ ഇന്ദൂസേ മുറ്റത്ത് നിക്കുന്നെ”

എന്നും ചോദിച്ചുകൊണ്ട് ഞാൻ അമ്മയുടെ അടുത്തേക് പുഞ്ചിരിച്ചുകൊണ്ട് നടന്നു.

 

“നിനക്ക് ഫോൺ എടുത്താൽ എന്താ അജു… ബാക്കിയുള്ളവരെ പേടിപ്പിക്കാനായിട്ട്… എന്തോരം വിളിച്ചു എന്നറിയോ നിനക്ക്. നിനക്ക് എന്തോ ആപത്ത് വരുന്നപോലെ തോന്നി ഒരു സ്വസ്ഥത ഇല്ലാഞ്ഞിട്ടാ വിളിക്കണേ അപ്പൊ അവന് ഫോൺ എടുക്കാൻ പറ്റില്ല… ഇപ്പോഴാ ന്റെ ശ്വാസം നേരെ വീണേ”

ഇന്ദൂസ് പരിഭവം പറഞ്ഞു.