?ചെമ്പനീർപ്പൂവ് 4 [കുട്ടപ്പൻ]? 1444

” എന്താ പുറത്ത് നിന്നുകളഞ്ഞേ അകത്തോട്ടു വാ. ”

ഞാൻ പറഞ്ഞു.

” വേണ്ട ഏട്ടാ.. ഞങ്ങൾ പെട്ടന്ന് പോകും.”രാഗേന്ദു പറഞ്ഞു.

” ഓ… എന്താ സംസാരിക്കാൻ ഉണ്ടെന്ന് പറഞ്ഞെ? ”

ഞാൻ ചിന്നുവിനോടായി ചോദിച്ചു.

” അത്… അജുവേട്ട.. അന്ന്.. ഞാൻ വേണം എന്ന് കരുതിയല്ല. ഞാൻ.. എനിക്ക്”

അവൾ വിക്കി വിക്കിയാണ് പറഞ്ഞത്

അതുകണ്ടപ്പോ എനിക്കെന്തോ സഹതാപം തോന്നി.

“ഏയ് അതൊന്നും പ്രശ്നമില്ല. അന്ന് ഞാൻ തന്നെ കണ്ടില്ലായിരുന്നെങ്കിലും ചിലപ്പോ ആ ആക്‌സിഡന്റ് നടന്നേനെ. അതുകൊണ്ട് അത് ആലോചിച്ചു സങ്കടപ്പെടുകയൊന്നും വേണ്ട.”

ഞാൻ പറഞ്ഞു.

ചിന്നു ഒന്നും മിണ്ടാതെ തലകുനിച്ചുനിൽക്കുക മാത്രം ചെയ്തു.

” ഏട്ടാ ഇവൾക്ക് ഏട്ടനെ ഇഷ്ടമാണ്. അന്ന് ഇവൾ ചുമ്മാ കളിപ്പിക്കാൻ പറഞ്ഞതാ”

ചിന്നു മിണ്ടാണ്ടിരിക്കുന്ന കണ്ട് രാഗേന്ദു പറഞ്ഞു.

“ചിന്നു….. ഓഹ് സോറി… അമേയ… താൻ കാരണമാണ് എനിക്കന്ന് ആ ആക്‌സിഡന്റ് പറ്റിയത് എന്നോർത്തുള്ള സഹതാപം ആണോ ഇപ്പൊ ഇങ്ങനെ തോന്നാൻ. എങ്കിൽ ഞാൻ പറഞ്ഞു അന്നത്തെ ആ ഇൻസിഡന്റിന് കാരണം താനല്ല. ഇനി അങ്ങനെ അല്ലെങ്കിൽ ഞാൻ ഇപ്പൊ അങ്ങനെയൊരു മാനസികാവസ്ഥയിലല്ല.

കുറച്ചുനാൾ മുന്നേവരെ ഞാൻ കേൾക്കാൻ കൊതിച്ച കാര്യമാണ് രാഗേന്ദു ഇപ്പൊ പറഞ്ഞത്. പക്ഷെ ഇപ്പൊ… ഇപ്പൊ എനിക്ക് ഇതിലും പ്രധാനപ്പെട്ട കുറേ കാര്യങ്ങൾ ചെയ്ത് തീർക്കാനുണ്ട്.

ശെരി… കാണാം. ”

ഞാൻ പറഞ്ഞു.

ഒരിക്കലും നിറയാൻ പാടില്ല എന്ന് ഞാൻ കരുതിയ ആ പേടമാൻ മിഴികൾ…. ഇന്ന് ഞാൻ കാരണം തന്നെ നിറഞ്ഞിരിക്കുന്നു.