അത്തച്ചമയം [ആൽബി] 1145

ക്ഷേത്രത്തിൽ നിന്ന്‌ കൊണ്ടുവരുന്ന ഓണപതാക ഉയർത്തുന്നതോടെയാണ്‌ ഔദ്യോഗിക തുടക്കം. ചമയഘോഷയാത്രയും അതിനോടനുബന്ധിച്ചു നടത്തുന്ന മത്സരങ്ങളുമാണ്‌ ഇപ്പോൾ അത്തച്ചമയത്തിൽ കാണുന്നത്‌. സർക്കാർ വക ബോയ്സ്‌ ഹൈസ്ക്കൂൾ അങ്കണത്തിലാണ്‌ ഘോഷയാത്രയുടെ തുടക്കം. നാടൻകലാരൂപങ്ങളും പഞ്ചവാദ്യം, പെരുമ്പറ വാദ്യം‌, താലപ്പൊലി, ഉത്‌പ്ലവന കലാദൃശ്യങ്ങൾ ഇരുചക്ര
വാഹനത്തിലെ പ്രച്‌ഛന്ന വേഷക്കാർ തുടങ്ങിയവയും ഘോഷയാത്രയിലെ പ്രധാന ഇനങ്ങളാണ്‌. മികച്ച പ്രദർശനത്തിനു സമ്മാനങ്ങളും നൽകിവരുന്നു.”വലിയൊരു ചരിത്രം തന്നെയുണ്ടല്ലെ ഭയ്യ.”

“നീയെന്താ കരുതിയത്.കേരളത്തിൽ ഒട്ടുമിക്ക ആചാരാനുഷ്ടാനങ്ങൾക്കും വലിയ ചരിത്രം തന്നെ പറയാനുണ്ടാവും.
പിന്നെ ഇതൊക്കെ അമ്മ പറഞ്ഞുള്ള അറിവ്.കഥ കേൾക്കണം എന്ന് പറയുമ്പോൾ അതിൽ കൂടെ ഇങ്ങനെ ചിലതും പറഞ്ഞു തരും”

അവർ സംസാരിച്ചുകൊണ്ട് കാഴ്ച്ചകൾ കണ്ടുനടന്നു.ഓണപ്പാട്ട് മൈക്കിലൂടെ ഉയർന്നുകേൾക്കുന്നു.
അപ്പോഴേക്കും പാതക ഉയർത്തലിന്റെ അറിയിപ്പ് കോളാമ്പി
വഴി അവരുടെ കാതുകളിലെത്തി.

സ്ഥലം എം എൽ എയും സാംസ്കാരിക വകുപ്പ് മന്ത്രിയുമായ എം സുകേഷ് തൃക്കാക്കരയിൽ നിന്ന് കൊണ്ട് വന്ന പാതക ഉയർത്തി ഘോഷയാത്രക്ക്‌ തുടക്കം കുറച്ചു.

വഴിയോര കച്ചവടത്തിന്റെ കാഴ്ച്ചയും ഓരോ കലാ പ്രകടനങ്ങളും ടാബ്ലോയും,ബൈക്കിൽ പ്രശ്‌ചന്ന വേഷം കെട്ടി തിരക്കിനിടയിലൂടെ ഊളിയിട്ട് നടക്കുന്നവരെയും ഒക്കെ കണ്ട് ആ ഘോഷയാത്രയിലേക്ക് അവർ ഇഴുകിച്ചേർന്നു.

പുളിക്കളി കണ്ട് ത്രില്ലടിച്ച റീന പിന്നീട് അവർക്കൊപ്പമായിരുന്നു.
പുലിക്കൂട്ടത്തിലെ പെൺകുട്ടിയെ കണ്ട് കൗതുകം തോന്നിയ വിദേശികൾ ഉൾപ്പെടെയുള്ളവർ ഫോട്ടോയുമെടുക്കുന്നുണ്ട്.

ആ പെൺകുട്ടിയുടെ ചിരികളിയിൽ പുലികൾ പോലും ശൗര്യം വെടിഞ്ഞു അവൾക്കൊപ്പം ആസ്വദിക്കുന്നത് പോലെ.

അവന്റെ നല്ലൊരു ഓണക്കാലത്തിന് തുടക്കമായിരുന്നു അവിടെ,കൂടെ അതിന് പ്രകാശം പകരാൻ റീനയും.

ഘോഷയാത്രക്ക്‌ ശേഷം പുലിക്കൂട്ടത്തിന് നടുവിലിരുന്ന് ഫോട്ടോ എടുപ്പിക്കുകയാണ് റീന.
പല ഭവങ്ങളിൽ അതൊക്കെയെടുത്ത് റിനോഷും വലഞ്ഞു.വെട്ടക്കാരനൊപ്പം അയാളുടെ തോക്കും പിടിച്ചു പുലിക്കൂട്ടത്തിനൊപ്പം നിന്ന് സ്റ്റിൽ എടുക്കുബോൾ സമ്മാനദാനം നടക്കുകയാണ്.

മൈക്കിൽ പുലികളിക്ക്‌ തങ്ങൾക്ക്‌ ഒന്നാം സമ്മാനം കിട്ടിയ വാർത്ത കേട്ട് പുലികൾ റീനയെ എടുത്തുയർത്തിയാണ് സ്റ്റേജിലേക്ക് നടന്നത്.അവരുടെ കൂട്ടത്തിലെ ആ പെൺകുട്ടിയുടെ പ്രസന്നത അവർക്ക് ഒന്നാം സമ്മാനം നേടിക്കൊടുത്തപ്പോൾ അത് ഏറ്റു വാങ്ങിയതും അവളാണ്.

ഒത്തിരി സന്തോഷത്തോടെ ഓണം ആശംസിച്ചുകൊണ്ട് അവരൊട് പിരിഞ്ഞു.തിരികെ വീട്ടിലെത്തിയപ്പോഴും അവൾക്ക് അതുവരെ കിട്ടാത്ത കാഴ്ച്ചയുടെ ആഘോഷത്തിന്റെ സന്തോഷം അന്ന് കിട്ടിയതിന്റെ ത്രില്ലിൽ ആയിരുന്നു.പക്ഷെ നല്ലൊരു ഓണക്കാലത്തിന്റെ,വരുവാനുള്ള ആഘോഷങ്ങളുടെ തുടക്കം മാത്രമാണതെന്ന് അറിയാതെ ആ രാത്രിയുടെ മടിയിലേക്ക് അവൾ തല ചായ്ക്കുന്നതും കണ്ട് അവനും
രാത്രിയോട് കൂട്ടുകൂടാൻ തന്റെ മുറിയിലേക്ക് നടന്നു.

[ആൽബി]