അത്തച്ചമയം [ആൽബി] 1145

പുല്ലിൽ തീർത്ത വസ്ത്രങ്ങളണിഞ്ഞു
കവുങ്ങിൻ പാളയിൽ തീർത്ത നല്ല ഭംഗിയുള്ള മുഖം മൂടിയും ധരിച്ച്
വാദ്യമേള കലാകാരൻമാർക്കൊപ്പം നിൽക്കുന്ന കുമ്മാട്ടിയെയും(അതിൽ ഹനുമാൻ,സുഗ്രീവൻ,ബാലി,ഗരുഡൻ തുടങ്ങി പല വേഷങ്ങളുമുണ്ട്)ചെണ്ട മേളത്തിന്റെ കൊഴുപ്പിൽ കളിക്കാൻ തയ്യാറെടുക്കുന്ന പുലിക്കൂട്ടത്തെയും അവയെ പിടിക്കാനായി നിൽക്കുന്ന ശിക്കാരിയെയും അവൾക്ക് കൂടുതൽ ഇഷ്ട്ടമായി.അതിൽ തന്നെ പെൺപുലിക്കൂട്ടം പോലുമുണ്ട്.

അവയൊക്കെ ആസ്വദിച്ചു നിന്ന റീനയോട് അവൻ അത്തച്ചമയം എന്തെന്ന് പറഞ്ഞുതുടങ്ങി.

എടി,ഇത് ചുമ്മാ ഒരു ഘോഷയാത്ര ഒന്നുമല്ല.ഓണത്തോടനുബന്ധിച്ച് ചിങ്ങമാസത്തിലെ അത്തം നാളിൽ നടത്തുന്ന ഒരു ആഘോഷമാണ്‌ “അത്തച്ചമയം.”

പിന്നെ ഇത് ഇന്നും ഇന്നലെയും തുടങ്ങിയ ഏർപ്പാടൊന്നുമല്ല.1947 വരെ കൊച്ചി ഭരിച്ചിരുന്ന മഹാരാജാക്കൻമാരുടെ ആസ്ഥാനമായിരുന്ന തൃപ്പൂണിത്തുറയിൽ
രാജവാഴ്ച്ചയുമായി ബന്ധപ്പെട്ട ചടങ്ങായിരുന്നു അത്തച്ചമയം.

1949 ആയപ്പോഴെക്കും നാട്ടു രാജ്യങ്ങളായ തിരുവിതാംകൂറും കൊച്ചിയും സംയോജിക്കുകയും മഹാരാജാവ് പങ്കെടുത്തുകൊണ്ടുള്ള രാജകീയമായ അത്തച്ചമയം നിർത്തലാക്കുകയും ചെയ്തു.

പിന്നീട്‌ 1956 നവംബറിൽ കേരളം രൂപീകൃതമാവുകയും 1961-ൽ കേരളാ ഗവൺമെന്റ്‌ ഓണം സംസ്ഥാനോത്സവമാക്കിയതോടെ ജനകീയ പങ്കാളിത്തമുള്ള ബഹുജനാഘോഷമായി അത്തച്ചമയം രൂപാന്തരപ്പെടുകയും ചെയ്തു.

എടീ മഹാരാജാവിന്റെ എഴുന്നള്ളത്ത്‌ മാത്രം കേന്ദ്രബിന്ദുവാക്കിയുള്ള രാജകീയ അത്തച്ചമയത്തിന്‌ മഹാരാജാവ് രാമവർമ്മ പരീക്ഷിത്ത്‌ ആണ്‌ ഏറ്റവുമൊടുവിൽ ദർശനം നൽകിയത്‌.അന്നത്തെ അത്തച്ചമയ
ക്രമം ചിട്ടപ്പെടുത്തിക്കൊണ്ട്‌ കൊച്ചി സർക്കാർ ഹുജൂർ സെക്രട്ടറിയേറ്റിൽ നിന്ന്‌ വിജ്ഞാപനം പുറപ്പെടുവിച്ചിരുന്നു.1947 ഓഗസ്റ്റ്‌ 20-ന്‌ നടന്ന അത്തച്ചമയ ഘോഷയാത്രയിൽ 24 ഇനങ്ങളാണുണ്ടായിരുന്നത്‌.

രാജകീയ അത്തച്ചമയത്തിന്‌ മൂന്നു ദിവസംമുൻപ്‌ ആനപ്പുറത്ത്‌ നഗര കൊട്ടി കാഹളം മുഴക്കി ഒരു ദിവസം ഒരു കോട്ടവാതിൽ വീതം മൂന്നു കോട്ടവാതിൽക്കലും ചെന്ന്‌ സർക്കാർ അറിയിപ്പ്‌ വിളംബരപ്പെടുത്തുന്നു. ഇതിന്‌ “ദേശം അറിയിക്കൽ” എന്നാണ്‌ പറയുന്നത്‌. നാലാം ദിവസം അത്തം നാൾ നാടുവാഴികൾ, പ്രഭുക്കൾ, കർത്താക്കൻമാർ, തണ്ടാൻ, അരയൻ, കത്തനാർ തുടങ്ങിയവർ എത്തിച്ചേരണമെന്നാണ്‌ കൽപ്പന. കരിങ്ങാച്ചിറ കത്തനാരും ചെമ്പിൽ അരയനും നെട്ടൂർ തങ്ങളും വരാതെ അത്തച്ചമയം നടത്തില്ലെന്നാണ്‌ വയ്പ്‌.