അറിയാതെ പറയാതെ 2 [ജെയ്സൻ] 159

അരമണിക്കൂർ കഴിഞ്ഞു എനിക്ക് അവന്റെ വിളിയെത്തി.
ഞാൻ എടുത്തപ്പോൾ

“ഡാ, ഞാൻ ഡോക്ടർക്കു കൊടുക്കാം, നീ സംസാരിച്ചോ”
“ഹലോ ഡോക്ടർ, ഞാൻ ജെയ്സൻ, രാജന്റെ മകൻ”
“അറിയാം, പറ ജെയ്സാ”
“എനിക്കു ഒന്നു വിശദമായി ഒന്നുപറഞ്ഞു തരുമോ?”
“നിങ്ങളുടെ അച്ഛന്റെ ഹൃദയത്തിനു 3 ബ്ലോക്കാണ് ഉള്ളത് ഇനിയും ഉണ്ടാവാനും സാധ്യതയുണ്ട്. ഇപ്പോൾ ഇതു മാറ്റാൻ ആൻജിയോപ്ലാസ്റ്റി ആണ് മാർഗ്ഗം..”
“അപ്പോൾ ഇതു ചെയ്താൽ?”
“ചെയ്തു കഴിഞ്ഞാൽ കട്ടിയുള്ള പണികൾ എടുക്കാൻ പാടില്ല മരുന്ന് മുടങ്ങാതെ കഴിക്കണം…”
“ഡോക്ടർ ഒരു സംശയം ഇതിനെ ചികിൽസിക്കുന്ന ഒരു ഡോക്ടർ എറണാകുളത്തു ഉണ്ടെന്നു കേട്ടിട്ടുണ്ട് അതിനെ പറ്റി ഡോക്ടർക്ക് അറിയാമോ?”
“ഞാനും കേട്ടിട്ടുണ്ട്, എന്നാൽ മരുന്നു കഴിക്കേണ്ടി വരും..”
“ഓക്കെ ഡോക്ടർ ഞാൻ ആലോചിച്ചിട്ട് പറയാം.”
“Okay”
“Thank you ഡോക്ടർ”
“You are Welcome”

കുറച്ചു കഴിഞ്ഞു
ഞാൻ സണ്ണിയെ വീണ്ടും വിളിച്ചു ചോദിച്ചു… “എന്താണ് എല്ലാവരുടെയും അഭിപ്രായം??”
മയക്കത്തിൽ നിന്നും എഴുന്നേറ്റ അപ്പൻ പറഞ്ഞു

“മോനെ എനിക്കു വയ്യ ഇതൊന്നും ചെയ്യാൻ, എനിക്ക് മരുന്ന് മതി, നമ്മുടെ തെക്കേലെ വറീത് ഇതുപോലെ ആയിട്ട് എറണാകുളത്തു അല്ലേ ചികിത്സക്കു പോകുന്നത്‌? എനിക്ക് അതു മതി.”
ഞങ്ങൾ പലരും നിർബന്ധിച്ചുവെങ്കിലും അപ്പൻ സമ്മതിച്ചില്ല
ഒടുവിൽ തീരുമാനിച്ചു മരുന്നു ചികിത്സ മതിയെന്ന്.
5 ദിവസത്തെ ആശുപത്രിവാസം കഴിഞ്ഞു അവർ വീട്ടിൽ തിരിച്ചെത്തി.

പിന്നീട് എറണാകുളത്തുള്ള ഒരു ഡോക്ടറുടെ അടുത്തേക്ക് ചികിത്സ മാറ്റി . അവിടുത്തെ ഭക്ഷണ ശൈലിയും മരുന്നുകളുടെ വീര്യവുമാണ് അപ്പന്റെ ഇപ്പോഴത്തെ ക്ഷീണത്തിന്റെ കാരണം.

*************************