അറിയാതെ പറയാതെ 2 [ജെയ്സൻ] 159

ഇന്നാണ് ആൻജിയോഗ്രാം ചെയ്യേണ്ടുന്ന ദിവസം.

രാവിലെ 9നു തന്നെ അപ്പനെ തീയറ്ററിൽ കയറ്റി….
ആൻജിയോഗ്രാം തുടങ്ങി,
പുറത്ത് എല്ലാവരും മൂകരായി ഇരുന്നു….
ഏകദേശം ഒന്നര മണിക്കൂർ കൊണ്ട് അത് കഴിഞ്ഞു, അപ്പനെ തിരിച്ചു ICCU വിൽ കൊണ്ടുവന്നിട്ടു ഡോക്ടർ വിളിപ്പിച്ചു.
Mr. Sunny അദ്ദേഹത്തിന്റെ ഹൃദയത്തിന്റെ വാൽവിൽ 3 ബ്ലോക്കുകൾ ഉണ്ട് …
“അപ്പോൾ?”
“ആൻജിയോപ്ലാസ്റ്റി ചെയ്യണം…..”
“ഡോക്ടർ അത് എനിക്കു മോനോട് ഒന്നു ചോദിക്കണം…” എന്നു അമ്മ മറുപടി കൊടുത്തു…
“മതി ആലോചിച്ചു മതി….”
“ഡോക്ടർ, അദ്ദേഹത്തെ കാണാൻ….”
“പേടിക്കാനൊന്നുമില്ല, വൈകുന്നേരം റൂമിൽ കൊണ്ടുവരും…”
5മണി കഴിഞ്ഞു, അപ്പനെ റൂമിൽ കൊണ്ടുവന്നു.. അപ്പൻ നല്ല മയക്കത്തിൽ ആയിരുന്നു..

കുറച്ചു കഴിഞ്ഞു അമ്മ എന്നെ വിളിച്ചു, ഈ കഴിഞ്ഞ 3 ദിവസത്തെ ഈ സംഭവവികാസങ്ങൾ ഒന്നും തന്നെ എന്നെ അറിയിച്ചിരുന്നില്ല….
ഒന്നും അറിയാത്ത ഞാൻ പതിവു പോലെ സംസാരിച്ചു , അമ്മ ഒന്നും പറയാതെ ഇരുന്നപ്പോൾ സണ്ണി ഫോൺ മേടിച്ചു കാര്യം പറഞ്ഞു…
ഞാൻ അവനോടു സങ്കടത്തോടെയും ദേഷ്യത്തോടെയും ചോദിച്ചു…
“ഇത്രേം ഉണ്ടായിട്ടു നീയും എന്നോട് മറച്ചു വെച്ചില്ലേടാ?”
“അത് നീ വിഷമിക്കേണ്ട എന്നു വിചാരിച്ചു..”
“എന്നാലും…”
“ഡാ ഇപ്പോളത്തെ കാര്യം അതൊന്നും അല്ല ആൻജിയോപ്ലാസ്റ്റി ചെയ്യണം എന്നാണ് ഡോക്ടർ പറയുന്നത്,നീ പറ എന്താണ് ചെയ്യേണ്ടത്‌?”
“ഡാ സണ്ണി എനിക്ക് ആ ഡോക്ടറോട് ഒന്നു സംസാരിക്കണം..”
“ശെരി ഞാൻ കുറച്ചു കഴിഞ്ഞു വിളിക്കാം”