അറിയാതെ പറയാതെ 2 [ജെയ്സൻ] 159

അപ്പോഴേക്കും നേരം പരപര വെളുത്തിരുന്നു……
അവൻ വീട്ടിൽ എത്തിയപ്പോൾ തന്നെ പോയി കുളിച്ചു ഡ്രെസ്സൊക്കെ മാറി, പുറത്തുപോയി ചായക്കടയിൽ നിന്നും ആഹാരം കഴിച്ചു, ഒരു പാർസൽ കൂടി മേടിച്ചു, നേരെ എന്റെ വീട്ടിൽ ചെന്ന് ജിമ്മിക്കു ആഹാരം കൂട്ടിൽ ഇട്ടു കൊടുത്തു കൊടുത്തു, അതിനു നന്ദി സൂചകമായി മുൻകാലുകൾ പൊക്കി കാട്ടി നിന്നു… അതിനു ശേഷം വീടെല്ലാം പൂട്ടിയെന്നു ഉറപ്പാക്കി, അവന്റെ വീട്ടിൽ ചെന്ന് അത്യാവശ്യം ഡ്രെസ്സുകൾ എടുത്തു ഒരു ബാഗിൽ ആക്കി atm കാർഡും പാസ്‍ബുക്കുമൊക്കെ എടുത്തു വെച്ചതിനുശേഷം തിരികെ ഹോസ്പിറ്റലിൽ എത്തി..
അവിടെ അപ്പോൾ ബന്ധുക്കളും അയൽവാസികളും പിന്നെ പള്ളിയിലെ ചില വിശ്വാസികളും എത്തിയിരുന്നു…
അവൻ നോക്കിയപ്പോൾ അമ്മയുടെ മുഖത്തു കുറച്ചു തെളിച്ചം കണ്ടു….

അന്ന് വൈകുന്നേരം 5നു അമ്മ അകത്തു കയറി അപ്പനെ കണ്ടു വന്നു, പുള്ളിക്കാരൻ ഹാപ്പിയായി ഇരിക്കുന്നതു കണ്ട അമ്മയും സന്തോഷവതിയാണ്…
കുറച്ചു കഴിഞ്ഞു ഡോക്ടർ സണ്ണിയെ വിളിപ്പിച്ചു, അവൻ അമ്മയെയും കൂട്ടി ചെന്നു…
“നാളെ കഴിഞ്ഞു രാവിലെ നമുക്ക് ആൻജിയോഗ്രാം ചെയ്യാം, ഇതാ ഇതിൽ ഒന്ന് അമ്മ ഒപ്പിട്ടു തരണം….”
നീട്ടിയ പേപ്പറിൽ പറഞ്ഞിടത്തെല്ലാം ഒപ്പിട്ടു കൊടുത്തു അമ്മ..
അങ്ങനെ ആ ദിവസവും അതിന്റെ അടുത്ത ദിവസവും കടന്നുപോയി, മറ്റു പ്രശ്നങ്ങൾ ഒന്നുമില്ലാതെ……
**********************