അറിയാതെ പറയാതെ 2 [ജെയ്സൻ] 159

ഒരു 30 മിനിറ്റ് കഴിഞ്ഞു
“രാജന്റെ ആരാ ഉള്ളത്‌?”
വിളികേട്ട് ഭാഗത്തേക്ക്  അവൻ  ചെന്നു..
“സിസ്റ്റർ രാജൻ?”
“ഡോക്ടർ കാണണമെന്ന് പറഞ്ഞു, അകത്തേക്ക് ചെല്ലു.”
അകത്ത് ഡോക്ടറുടെ അടുത്തേക്ക്‌ ചെന്നു അമ്മയെയും കൂട്ടികൊണ്ട്, ഡ്യൂട്ടി ഡോക്ടർ ഇരിക്കുനിടത്തേക്കു ചെന്നു… ഫയൽ നോക്കിക്കൊണ്ടിരുന്ന അദ്ദേഹത്തോട്…

“ഡോക്ടർ, രാജൻ….”
“രാജന്റെ ആരാണ്?”
“ഞാൻ അദ്ദേഹത്തിന്റെ മകന്റെ കൂട്ടുകാരനാണ് ഞാൻ ,ഇതു അദ്ദേഹത്തിന്റെ ഭാര്യ…”
“ഓക്കെ ഇരിക്കു, നേരത്തെ അറ്റാക്ക് വന്നിട്ടുണ്ടോ?”
“ഉണ്ടോ അമ്മേ?” സണ്ണി തിരിഞ്ഞു അമ്മയോട് ചോദിച്ചു…
“ഇല്ല”
“എന്റെ അറിവിൽ, ബിപിയും ഷുഗറും ഉണ്ട്, അതിനു ഞാനാണ് മരുന്നു മേടിച്ചു കൊടുക്കുന്നത്” സണ്ണി ഡോക്ടറോട് പറഞ്ഞപ്പോൾ..
“ECG എടുത്തിരുന്നു, രാജന് സൈലന്റ് അറ്റാക്ക് ആയിരുന്നു.”
“ഡോക്ടർ അപ്പോൾ?” അമ്മ സങ്കടത്തോടെ ചോദിച്ചു…
“ഇനി ആൻജിയോഗ്രാം ചെയ്യണം, അതിനു പെർമിഷൻ വേണം താങ്കളുടെ അല്ലെങ്കിൽ മക്കളുടെ… “
“എവിടെ വേണമെങ്കിലും ഒപ്പിട്ടു തരാം അച്ചായന് ഒന്നും വരാതെ ഇരുന്നാൽ മതി…”
“രാജനു ഡയബറ്റിസ് ഉള്ളതുകൊണ്ടു ഇന്ന് വേണ്ട നാളെ മതി”
“പിന്നെ അതുവരെ ICCUവിൽ തന്നെ നിരീക്ഷണത്തിൽ കിടക്കട്ടെ. നിങ്ങൾ റൂം എടുത്തോ?”
“ഇല്ല “
“എന്നാൽ പോയി റൂം എടുത്തു റെസ്റ്റ് ചെയ്യൂ, അദ്ദേഹം ഇപ്പൊ സുഖമായി ഉറങ്ങുകയാണ്…”
സണ്ണി പോയി റൂം എടുത്തിട്ട്, അമ്മയെ റൂമിൽ ആക്കി, ഇതിന്റെ ഇടയിൽ സണ്ണിയുടെ അമ്മയും അനിയത്തിയും അമ്മയുടെ ഡ്രെസ്സും മറ്റുമായി എത്തിയിരുന്നു..
അവർ എത്തിയപ്പോൾ അവനും ഗിരീഷേട്ടനും കൂടി വീട്ടിൽ പോയി….