Anupama 1 [️SRPN] 77

അവളുടെ കരച്ചിൽ വർധിക്കുന്നതല്ലാതെ
അവൾ അവന്റെ ചോദ്യത്തിനൊന്നും മറുപടി നൽകിയില്ല……..
 

2

മഴ നനഞ്ഞു വന്നതിനാൽ നന്നായി തണുത്തു വിറക്കുന്നത് അവന്റെ ശ്രേദ്ധയിൽപെട്ടു. വേഗംതന്നെ കുറച്ച് ചൂട് കാപ്പിയും,
തണുപ്പിനെ ശമിപ്പിക്കാൻ ഒരു പുതപ്പും അവൻ അവൾക്ക് നൽകി.

നല്ല വിറയലോടെയാണ് അവൾ ആ കാപ്പി വാങ്ങിയത്.
പുറത്ത് പെയ്ത മഴപോലെ തോരാത്ത കണ്ണീർ അവളുടെ കണ്ണുകളിൽ നിന്നും ഒഴുകികൊണ്ടേയിരുന്നു.
മെല്ലെ തല ഉയർത്തി, കണ്ണീർ തോരാത്ത ആ കണ്ണുകൾ തുടച്ചുകൊണ്ട് മെല്ലെ അവൾ ചുറ്റും ഒന്ന് നോക്കി.   വളരെ ആകർഷകവും, ചിലത് അവളുടെ ജീവിതവുമായി സാമ്യപ്പെടുന്നതും, മനസ്സിനെ വേദനിപ്പിക്കുന്നതുമായ ചിത്രങ്ങൾ ആണ് അവളുടെ കണ്ണുകളിൽ തങ്ങിയത്.
അവൾ നോക്കുന്നത് കണ്ട് അവൻ പറഞ്ഞു
“ഞാൻ ഒരു ചിത്രകാരനാണ്”

ചില ചിത്രങ്ങൾ അവൾ കുറെ നേരം  നിരീക്ഷിച്ചു, കൂടെ കൂടെ കണ്ണുകൾ നിറഞ്ഞൊഴുകി. അവൻ വീണ്ടും അവൾക്ക് നേരെ അവന്റെ ചോദ്യങ്ങൾ ആവർത്തിച്ചു.
അവളുടെ തേങ്ങൽ അവളെ ഒന്നും പറയാൻ പറ്റാത്തവിധം മുറുക്കി.

അവനോട് എന്തോ പറയാൻ ശ്രമിക്കുന്നതിന്റെ
സൂചനപോലെ അവളുടെ ചുണ്ടുകൾ എന്തൊക്കയോ മന്ത്രിക്കുന്നത് അവന്റെ ശ്രേദ്ധയിൽ പെട്ടു. അവൻ പിന്നെയും കുറേ  ചോദ്യങ്ങൾ ആവർത്തിച്ചു. ചോദ്യങ്ങൾക്കൊന്നുംതന്നെ മറുപടി ഇല്ലാ എന്ന് മനസിലാക്കി അവൻ മെല്ലെ എഴുനേറ്റ് റൂമിലേക്ക്‌ നടന്നു.
ആ സമയം ഒരു ഇടറിയ, പതുങ്ങിയ ശബ്ദത്തോടെ അവൾ പറഞ്ഞു
“അനു, അനുപമ”