Alastor the avenger??? 3 [Captain Steve Rogers] 166

ഇതേ സമയം അബ്രഹാം ഓഫീസിൽ നിന്നും ഇറങ്ങി പുറത്തേക്കു നടന്നു തുടങ്ങി.. പുറത്തേക്ക് ഇറങ്ങി നടന്നു തുടങ്ങിയ അബ്രഹാമിനെ നോക്കി കൊണ്ട് എന്ന വണ്ണം ഒരു കറുത്ത പട്ടി അവിടെ മാറി നിൽപ്പുണ്ടായിരുന്നു… മുരണ്ടു കൊണ്ട് നിന്നിരുന്ന ആ പട്ടി ദുഷ്ട്ട ശക്തികളെ വഹിക്കുന്ന ഒന്നു തന്നെ ആയിരുന്നു…. ഇതൊന്നും അറിയാതെ തന്നെ അബ്രഹാം മുന്നോട്ടു നടന്നു….. കുറച്ചു സമയത്തിനു ശേഷം അബ്രഹാം ഒരു ബോർഡ് കണ്ടു ഒരു നിമിഷം നിന്നു…. വിശുദ്ധ മിഖായേലിന്റെ നാമത്തിൽ ഉള്ള ഒരു അനാഥാലയം ആയിരുന്നു അത്…. അവിടേക്കു നോക്കിയ സമയം അബ്രഹാമിന്റെ കണ്ണിൽ നിന്നും ഒരു തുള്ളി കണ്ണീർ പുറത്തേക്ക് വന്നു….. ഒന്നു മടിച്ചു നിന്നതിനു ശേഷം അബ്രഹാം ആ മുറ്റത്തേക്ക് കാലു കുത്തി…… അതേ സമയം തന്നെ  ആ അനാഥലയത്തിനുള്ളിലെ ചാപ്പലിൽ കത്തിച്ചു വച്ചിരുന്ന മെഴുകുതിരികൾ ഓരോന്നായി അണഞ്ഞു….  ആ സമയം തന്നെ ഒരു പരുന്ത് അതിലെ വട്ടമിട്ടു പറക്കാൻ തുടങ്ങി..
**********************************************
ഇതേ സമയം അശ്വതി തന്റെ തറവാട്ടിൽ ഇരുന്നു കൊണ്ട് കേസിനെ കുറിച്ചു വിശദമായി പഠിക്കുകയായിരുന്നു…. ആ സമയം അവളുടെ  കമ്പ്യൂട്ടറിൽ ഒരു മെയിൽ വന്നു…. അതു വായിച്ചു നോക്കിയ അവൾ ഒന്നു ഞെട്ടി…. ആ മെയിലിൽ ഇതായിരുന്നു.
“ചെയ്തു പോയ പാപങ്ങൾക്കു ഉള്ള ശിക്ഷ ആയി ദൈവപുത്രൻ ക്രൂശിതനായി…. പാപങ്ങൾ വീണ്ടും ആവർത്തിക്കപ്പെട്ടു….പാപികൾ വീണ്ടും പാപത്തിലേക്കു തിരിഞ്ഞു….. വിധിക്കുന്നവന്റെ വിധിവാചകത്തിൽ ദൈവത്തിന്റെ ശബ്ദവും നിശബ്ദമായി….. ദൈവത്തിന്റെ കാലം അവസാനിച്ചിരിക്കുന്നു…. ഇതു ദൈവത്താൽ ഉപേക്ഷിക്കപ്പെട്ട ദൈവപുത്രന്റെ കാലം….  ദേവാംശം ഉള്ളിൽ അടങ്ങിയ അസുരന്റെ കാലം….”alastor

ഇതായിരുന്നു ആ മെയിലിൽ ഉണ്ടായിരുന്ന വാക്യം…. ഒരു നിമിഷം പകച്ചു നിന്ന അശ്വതി ആ മെയിൽ വീണ്ടും വായിക്കാൻ തുടങ്ങിയപ്പോൾ തന്നെ അവളുടെ മെയിൽ മുഴുവൻ തനിയെ ഇല്ലാതാവൻ തുടങ്ങി…. ആ സമയം തന്നെ അവളുടെ മൊബൈലിലേക്ക് ഒരു കോൾ വന്നു….
******************************************