Alastor the avenger??? 3 [Captain Steve Rogers] 166

കളരിക്കൽ തറവാട്ടിൽ നിന്നും പറന്നുയറന്ന ആ പരുന്ത് നേരെ ചെന്നിരുന്നത് അകലെ ഉള്ള ഒരു  വനക്ഷേത്രത്തിനു സമീപം ആയിരുന്നു .ആയിരത്തി അഞ്ഞൂറിൽ അധികം വർഷം പഴക്കമുള്ള ആ വനക്ഷേത്രത്തിനു സമീപം ആയി തന്നെ കുറച്ചു കുടിലുകളും ഉണ്ടായിരുന്നു….. അവിടെ താമസിച്ചിരുന്നത് മല ആരവർ എന്നു പറഞ്ഞ ഒരു തരം വിഭാഗത്തിൽ പെട്ടവർ ആയിരുന്നു…. പുറം ലോകത്തിനു ഇന്നും അന്യമായ വളരെ അമൂല്യമായ പല മരുന്നുകളും അതുപോലെ തന്നെ മന്ത്ര വിദ്യകളും അവർക്കു പരിചിതമാണ്…. പെട്ടെന്ന് തന്നെ അവരുടെ ഗോത്രത്തിന്റെ അപ്പോഴത്തെ തലവൻ ആയ ബാലവർ അങ്ങോട്ടു വന്നു. അതിനു ശേഷം ആ വനക്ഷേത്രത്തെ ഒന്നു വലം വച്ചതിനു ശേഷം  തന്റെ കണ്ണുകളടച്ചു ദുർഗ്ഗ ദേവി സ്തോത്രം ഉരുവിട്ടു….
“ജ്ഞാനിനാമപി ചേതാംസി ദേവീ ഭഗവതി ഹി സാ ബലാദാകൃഷ്യ മോഹായ മഹാമായാ പ്രയച്ഛതി”.
അതിനു ശേഷം അദ്ദേഹം അവിടെ  കൂടിയിരുന്നവരുടെ  അരികിലേക്കു ചെന്നു. എന്നിട്ടു പറഞ്ഞു.  കുമാരി ഇന്ദ്രസേനയുടെ പുനർജന്മം ഈ മണ്ണിൽ കാലുകുത്തിയിരിക്കുന്നു. അധികം വൈകാതെ തന്നെ അവളിലെ ശക്തി വിശേഷം അവൾ തന്നെ തിരിച്ചറിയും.. അതോടെ അവളെ ചുറ്റിയിരിക്കുന്ന മരണവും അവളിലേക്ക് കൂടുതൽ അടുക്കും.  പക്ഷേ മരണവും അവളെ തൊടാൻ ഒന്നു ഭയക്കും…. എന്നിരുന്നാലും നാം ഇനിയും കൂടുതൽ ശക്തയിൽ പൂജയും പ്രാർത്ഥനയും മുന്നോട്ടു കൊണ്ടുപോവണം…ആ കുമാരിയോടൊപ്പം ഹിരണ്യകേസരിയും പുനർജനിക്കപ്പെട്ടിട്ടുണ്ട്.. കൂടാതെ വിഗാഡഘൻ കൂടുതൽ ശക്തി ആർജ്ജിച്ചു കഴിഞ്ഞിരിക്കുന്നു….. ഇനി എന്തേലും ഒക്കെ സംഭവിക്കണം എങ്കിൽ ആ യോദ്ധാവിന്റെ പുനർജന്മം എവിടെയെന്ന് വെളിപ്പെടേണ്ടിയിരിക്കുന്നു…. നമ്മുടെ മന്ത്രശക്തികൾക്കു മുന്നിൽ പോലും അവ വെളിപ്പെടുന്നില്ല….. ഒരു പക്ഷേ ഇനിയും ഇനിയും ആ യുവാവ് ഇവിടെ എത്തിയില്ലെങ്കിൽ ചരിത്രത്തിലെ ചതികൾ വീണ്ടും സംഭവിക്കാം….  അതു കേട്ടു നിന്ന എല്ലാവരും ഒരു നിമിഷം ശങ്കയോടെ നിന്നു…. അതേ നിമിഷം തന്നെ  കളരിക്കൽ തറവാട്ടിൽ നിന്നും പറന്നുയർന്നു അവിടെ വന്ന പരുന്ത് ഉടനെ ശബ്ദം പുറപ്പെടുവിക്കാൻ തുടങ്ങി. ഇത് കേട്ടു നിന്ന ബാലവരുടെ മുഖത്തു ഉള്ളിൽ അതേ സമയം തന്നെ ഒരു  മഴയുള്ള രാത്രിയുടെ ചിത്രം തെളിഞ്ഞു വന്നു….. അതെ സമയം തന്നെ  ബാലവർ ആ പരുന്തിന്റെ മുന്നിൽ മുട്ടുകുത്തി വണങ്ങി. ആ പരുന്ത് ഒരിക്കൽ കൂടെ ചിലച്ചു കൊണ്ട് അവിടെ നിന്നും പറന്നു ഉയർന്നു….
*********************************************