Alastor the avenger??? 3 [Captain Steve Rogers] 166

ഇതേ സമയം പുറത്തു ഗെയ്റ്റിന് സമീപം ആയി പത്തി വിരിച്ചു കൊണ്ടു തന്നെ ഒരു പാമ്പ് നിൽപ്പുണ്ടായിരുന്നു… അതിന്റെ കണ്ണിനു ചുവന്ന നിറം ആയിരുന്നു ആരോ നിയന്ത്രിക്കുന്നു എന്നവണ്ണം അതു പതിയെ ആ ഗെയ്റ്റിനുള്ളിലേക്കു പ്രവേശിക്കാൻ തുടങ്ങി പെട്ടെന്നു തന്നെ കിഴക്കു നിന്നു ഒരു പരുന്ത് പറന്നു വന്നു ആ പാമ്പിനെ കൊത്തി എടുത്തു കൊണ്ടു പറന്നകന്നു…. അതെ സമയം തന്നെ ഒരു പോലീസ് ജീപ്പ് ആ തറവാട്ടു മുറ്റത്ത് വന്നു നിന്നു…

തുടരുന്നു…..

പതിവില്ലാതെ മുറ്റത്തു പോലീസ് വണ്ടി വന്നു നിന്നത് കണ്ടപ്പോൾ അവിടെ ഉണ്ടായിരുന്ന ആളുകൾ ഒരു നിമിഷം പകച്ചു നിന്നു പോയി…. അതിൽ നിന്നും പോലീസ് വേഷത്തിൽ തന്നെ ACP അശ്വതി നരേന്ദ്രൻ ഇറങ്ങി. അശ്വതി ആ മുറ്റത്തു കാലെടുത്തു വച്ച നിമിഷം തന്നെ തൊട്ടടുത്ത അമ്പലത്തിൽ നിന്നും ഓങ്കാര നാദം ഉയർന്നു… അതോടൊപ്പം തന്നെ ചെറിയ ചാറ്റൽ മഴയോടൊപ്പം ഒരു ഇളം കാറ്റും അവിടെ ഉണ്ടായി….. ലക്ഷ്മി നിറഞ്ഞ പുഞ്ചിരിയോടെ തന്നെ അവിടെ ഉള്ളവർക്കു നേരെ തിരിഞ്ഞു കൊണ്ടു പറഞ്ഞു. ” ഇതാണ് അച്ചു. എന്റെയും നരേട്ടന്റെയും ഒരേ ഒരു മകൾ”. ആ സമയം തന്നെ മാധവൻ നമ്പ്യാർ തന്റെ കൊച്ചുമകളുടെ മുഖത്തേക്കു നോക്കി ഒരു നിമിഷം നിന്നു. അതേ സമയം തന്നെ അവളും തന്റെ മുത്തച്ഛന്റെ മുഖത്തേക്ക് ഒന്നു നോക്കി… നേരിൽ ആദ്യം ആയി ആണ് കാണുന്നതെങ്കിലും വളരെയേറെ ചിരപരിചിതനായ ഒരാളെ കണ്ടപോലെ ആണ് അശ്വതിക്കു തോന്നിയത്. ഇതേ സമയം മാധവൻ നമ്പ്യാരുടെ മനസ്സിൽ തെളിഞ്ഞു വന്നത് ചുറ്റും നിന്ന എല്ലാവരെയും നശിപ്പിക്കാൻ ശ്രമിക്കുന്ന ഒരു അസുരനെ തടയാൻ ശ്രമിക്കുന്ന ഒരു സ്ത്രീയുടെ ചിത്രമായിരുന്നു….. പെട്ടെന്നു തന്നെ സുഭദ്ര പറഞ്ഞു. മോളെ മോൾ ആദ്യമായി ഈ തറവാട്ടിൽ വന്നതല്ലേ… പുറത്തു തന്നെ നിൽക്കാതെ അകത്തേക്ക് കയറി വാ…. അശ്വതി ആ തറവാടിന്റെ അകത്തേക്കു കയറുന്ന സമയം തന്നെ അവളുടെ മനസ്സിലും ഒരു പോരാളിയുടെ ചിത്രം തെളിഞ്ഞു വന്നിരുന്നു….. പക്ഷേ അപ്പോൾ തന്നെ ആ രൂപം അവളുടെ മനസ്സിൽ നിന്നും മാഞ്ഞിരുന്നു….
******************************************