Alastor the avenger??? 2 [Captain Steve Rogers] 155

Acp ആയി ഇവിടെ ചാർജ് എടുത്തിട്ടു ആദ്യത്തെ കേസ് തന്നെ കൊലപാതകം ആണല്ലോ മാഡം നിരഞ്ജൻ ചോദിച്ചു. അതെ നിരഞ്ജൻ കൊല്ലപ്പെട്ടത് ഒരു പോലീസ് ഓഫീസർ കൂടെയാണ്. എന്തു വിലകൊടുത്തും ഇതിന്റെ പുറകിൽ ഉള്ളവരെ കൂടി കണ്ടെത്തണം. അതോടൊപ്പം തന്നെ കാണാതായ ആ ബിസിനസ്മാൻ വിജയ് ശങ്കറിന്റെ കേസും നമ്മൾ തന്നെ അന്വേഷിക്കണം. അയാളെ പറ്റിയുള്ള എല്ലാ വിവരവും അരമണിക്കൂറിനുള്ളിൽ തന്നെ എന്റെ ടേബിളിൽ ഉണ്ടായിരിക്കണം. യെസ് മാഡം.. നിരഞ്ജൻ മറുപടി പറഞ്ഞു. ഇതേ സമയം തന്നെ അശ്വതിയുടെ ഫോൺ റിങ് ചെയ്തു അതിൽ ലച്ചു എന്ന പേരു കണ്ടപ്പോൾ തന്നെ അശ്വതിയുടെ ചുണ്ടിൽ ഒരു പുഞ്ചിരി ഉണ്ടായി. അതെ സമയം തന്നെ നിരഞ്ജൻ അശ്വതിയുടെ ഓഫീസിൽ നിന്നും പുറത്തേക്കു പോയിരുന്നു. അതേ സമയം തന്റെ അമ്മ ആയി ഫോണിൽ സംസാരിക്കുകയിരുന്ന അശ്വതി എന്ന പെൺസിംഹം ഒരു കുസൃതി നിറഞ്ഞ സാധാരണ മകൾ ആയി മാറിയിരുന്നു…..
********************************************
ഇതേ സമയം കളരിക്കൽ തറവാട്ടിൽ തന്റെ മകളെയും കുടുംബത്തെയും സ്വീകരിക്കാൻ ഉള്ള തയാറെടുപ്പിൽ ആയിരുന്നു മാധവൻ നമ്പ്യാരും മക്കളായ ഭൂമിനാഥന്റെ ഭാര്യ സുഭദ്രയും ഇളയമകൻ രാമനാഥന്റെ ഭാര്യ ദേവകിയും ദേവകിയുടെ മകൾ ചൈതന്യയും. അല്ല വല്യമ്മേ ഈ വരുന്ന ലക്ഷ്മി ആന്റിയെ എന്താ ഇത്രേം വർഷം മുത്തച്ഛൻ ഇങ്ങോട്ടു കൊണ്ട് വരാതെ ഇരുന്നത്? ലക്ഷ്മി ആന്റിയെ കുറിച്ചു ചോദിക്കുമ്പോൾ മാത്രം എന്താ മുത്തച്ഛൻ അധികം ഒന്നും സംസാരിക്കാതെ ഇരിക്കുന്നത്?.. ചൈതന്യയുടെ സംശയം കേട്ടു വല്യമ്മ ആയ സുഭദ്ര ഒരു നിമിഷം കണ്ണുകൾ അടച്ചു….അതിനു ശേഷം എന്തോ പറയാൻ ആയി തുടങ്ങിയപ്പോഴത്തേക്കും ആ തറവാട്ടു മുറ്റത്തേക്ക് ഒരു ജീപ്പ് കോമ്പസ് വന്നു നിന്നു അതിൽ നിന്നും ഐശ്വര്യം നിറഞ്ഞ മുഖ ഭാവത്തോടു കൂടി ഒരു സ്ത്രീ ഇറങ്ങി വന്നു ….. അവളുടെ വരവ് അറിഞ്ഞെന്നപോലെ ഒരു കാറ്റു അതിലെ തഴുകി പോയി….. അതെ അവൾ തന്നെ…24 വർഷങ്ങൾക്കു ശേഷം കളരിക്കൽ തറവാടിന്റെ മണ്ണിൽ വീണ്ടും ലക്ഷ്മി എത്തിച്ചേർന്നു….. കൂടെ നരേന്ദ്രനും ഉണ്ടായിരുന്നു…… ലക്ഷ്മിയെ കണ്ട ഉടനെ തന്നെ 2 നാത്തൂന്മാരും ഓടി അവളുടെ അടുത്തു ചെന്നു….. അതോടൊപ്പം തന്നെ മാധവൻ നമ്പ്യാരും അവളുടെ അടുത്തേക്കു ചെല്ലുകയുണ്ടായി… തന്റെ അച്ഛനെ വർഷങ്ങൾക്കു ശേഷം കണ്ട ആ മകൾ അച്ഛന്റെ കാലിൽ വീണു കരഞ്ഞു. അപ്പോൾ തന്നെ അദ്ദേഹം അവളെ ചേർത്തു പിടിച്ചു നിന്നു….. ഇതേ സമയം തന്നെ തങ്ങളുടെ അനിയത്തി എത്തിയ വിവരം അറിഞ്ഞു കൊണ്ട് ഭൂമിനാഥനും രാമനാഥനും അവിടെ എത്തി. അവരും അനിയത്തിയെ കണ്ട ഉടനെ തന്നെ ചേർത്തു പിടിച്ചു….പിന്നീട് അവർ ആ തറവാടിനുള്ളിലേക്ക് കയറി. അപ്പോൾ ആ തറവാട്ടിലെ കാർന്നോരായ മാധവൻ നമ്പ്യാരുടെ മുഖത്തു നിഗൂഢമായ ഒരു പുഞ്ചിരി ഉണ്ടായി. അതേ സമയം തന്നെ 24 വർഷങ്ങൾക്കു മുൻപ് ലക്ഷ്മി ആ വീടു വിട്ടു ഇറങ്ങിയ സമയം അവളിൽ മിന്നി മറഞ്ഞ അവൾ പോലും അറിയാത്ത മറ്റൊരു ഭാവം ആയിരുന്നു അവളിൽ പ്രതിഫലിച്ചത്…..