❤അച്ഛൻ❤ [ആദിത്യൻ] 119

ദിവസങ്ങൾ കഴിഞ്ഞിട്ടും അയാൾ അവനോട് ഒന്നും സംസാരിക്കാതെ മൗനം പാലിച്ചു ആ മൗനവും കണ്ടില്ലെന്ന് നടിക്കലും  അവനെ ഒരുപാട് വേദനിപ്പിക്കുന്നുണ്ടായിരുന്നു

അയാൾ ഉമ്മറത്തു ചാരുകസേരയിൽ കണ്ണുമടച്ചു ഇരുന്നു എന്തൊക്കയോ ചിന്തിച്ചുകൊണ്ടിരിക്കുമ്പോൾ അവൻ അയാൾക് അരികിൽ നിലത്തിരുന്നു അവൻ വന്നതോന്നും അയാൾ അറിഞ്ഞ മട്ടില്ലായിരുന്നു അവൻ അയാളെ പതുക്കെ വിളിച്ചു

“അച്ഛാ ”

“ഹ്മ്മ് ”

അയാൾ കണ്ണ് ചിമ്മിതുറന്ന് അവനെ നോക്കി ചിരിച്ചു

“”അച്ഛാ ഞാൻ ”

അവൻ പറഞ്ഞു തുടങ്ങും മുൻപേ അവനെ തടഞ്ഞു അവന്റെ മുടിയിൽ തലോടി കൊണ്ട് അയാൾ സംസാരിക്കാൻ തുടങ്ങി

“”അച്ഛൻ മോനെ കാണാതെ ആവുമ്പോൾ അന്വേഷിക്കുന്നതും വിളിക്കുന്നതും ഒന്നും ശല്യപെടുത്താൻ കരുതി അല്ല.. സ്നേഹം കൊണ്ടാണ് അല്ലാതെ നീ പറഞ്ഞത് പോലെ ജീവിതം ഇല്ലാതെ ആക്കാൻ അല്ലടാ അതിപ്പോ നിനക്ക് മനസ്സിലാവില്ല നീ ഒരു അച്ഛൻ ആവുമ്പോൾ മാത്രം നിനക്ക് മനസ്സിലാവും “”

പറഞ്ഞുകഴിയുമ്പോഴേക്കും അയാളുടെ തൊണ്ടയിടറുന്നുണ്ടായിരുന്നു

അയാൾ പറയുന്നത് കേട്ട്  ഒരു തേങ്ങലോടെ അവൻ അയാളെ ഇറുകെ പുണർന്നു

“”സോറി അച്ഛാ “”

അയാളെ കെട്ടിപിടിച്ചുകൊണ്ട് അവൻ പറഞ്ഞു അപ്പോഴും അയാൾ അവന്റെ പുറത്തു പതിയെ തട്ടി അവനെ ആശ്വസിപ്പിച്ചുകൊണ്ടിരുന്നു