A Birthday Gift❤️ [Tom David] 187

അവളേ ഇതിനു മുൻപ് രണ്ടു പ്രാവശ്യമേ ഞാൻ കരഞ്ഞു കണ്ടിട്ടുള്ളു ഒന്ന് അന്ന് ഞാൻ തള്ളിയപ്പോളും രണ്ടാമത് അവളുടെ അമ്മയുടെ കാര്യം എന്നോട് പറഞ്ഞപ്പോഴും പിന്നെ ഇപ്പോൾ ആണ്. ഞാൻ അവളുടെ കയ്യിൽ പിടിച്ചു മുൻപിലേക്കു കൊണ്ട് വന്നു അവൾ തല കുനിച്ചു തന്നെ നിൽപ്പാണ് ‘ഡീ എന്തിനാ കരയുന്നെ’ ഞാൻ ചോദിച്ചു. ‘നിനക്ക് വിഷമം ആയില്ലെ ഞാൻ കാരണം അല്ലെ ആയതു’ അവൾ പറഞ്ഞു. ‘അതൊക്കെ ആയി പക്ഷെ കുഴപ്പമില്ല ‘ എന്ന് ഞാൻ പറഞ്ഞു . ‘ഇല്ലടാ ഞാൻ ആണ് തെറ്റുകാരി ഇത്രയും ഒന്നും ചെയ്യാൻ പാടില്ലായിരുന്നു’. ‘എടി അത് പോട്ടെ കുഴപ്പമില്ല,എന്നാലും എവിടെ നിനക്കു നിനക്കു ഈ ഐഡിയ കിട്ടിയത് ഇങ്ങനെ ചെയ്യാൻ ഉള്ളത് ‘ഞാൻ ചോദിച്ചു. ‘എല്ലാം വിവേക് പ്ലാൻ ചെയ്തതാണ് നീ അന്ന് ജോലി പോയി എന്ന് വിളിച്ചു പറഞ്ഞ അന്ന് ഞാൻ ശരണ്യയെ വിളിച്ചിരുന്നു അവൾ എന്നോട് പറഞ്ഞു ജോലി ഒന്നും പോയിട്ടില്ല ഇവിടെ വേറേ ജോലി കിട്ടിയതാണെന്ന് എന്നെ പറ്റിക്കാൻ വേണ്ടി പറഞ്ഞതാവും എന്ന് അന്ന് തന്നെ ഞാൻ അവനോടു പറഞ്ഞതാ നിന്നെ ഒന്ന് പറ്റിക്കണം എന്ന് പക്ഷെ ഇത് ഇത്രയും ആകും എന്ന് ഞാൻ വിചാരിച്ചില്ല’ അവൾ പറഞ്ഞു നിർത്തി. ‘അവനും ഉണ്ടോ ഇതിന്റെ ഇടയിൽ എന്നിട്ട് അവൻ എവിടെ’ഞാൻ ചോദിച്ചു.’ അവൻ ആ juice കടയിൽ ഉണ്ട് ‘ എന്നാ ഉത്തരം കിട്ടിയതോടെ നേരെ അവിടേക്കു നടന്നു അവിടെ എത്തിയപ്പോൾ ആകട്ടെ എന്റെ അച്ഛനും അമ്മയും ശരണ്യയും വിവേകും ശ്രവാനിയുടെ അച്ഛനും എല്ലാമുണ്ടായിരുന്നു. അപ്പൊ എല്ലാരും ചേർന്നാണ് എന്നെ പറ്റിച്ചത് എന്ന് എനിക്ക് മനസ്സിലായി ഞാൻ എല്ലാവർക്കും മുന്നിൽ ഒരു വളിച്ച ചിരി പാസ്സ് ആക്കി ശ്രാവണിയുടെ അച്ഛൻ എന്റെയടുത്തേക്കു വന്നു. ‘എന്താടോ പേടിച്ചുപോയോ ‘ എന്ന് ചോദിച്ചു. അപ്പൊ എനിക്ക് ഓർമ വന്നത് രാപ്പകൽ സിനിമയിൽ ഇക്കയോട് ബാലചന്ദ്ര മേനോൻ ചോദിക്കുന്ന ചോദ്യത്തിനു ഇക്ക പറഞ്ഞ ഉത്തരം ആണ് പേടിച്ചു പോയോ എന്നോ ഞാൻ അങ്ങട് ഇല്ലാണ്ടായി. ശ്രവാണിയുടെ അച്ഛൻ തുടർന്ന് ‘തന്റെ കാര്യം അവൾ എന്നോട് പറഞ്ഞു, ഇത്രയും കാലം അവളുടെ ഒരു ആഗ്രഹവും സാധിച്ചുകൊടുക്കാൻ എനിക്ക് സാധിച്ചിട്ടില്ല പക്ഷെ തന്റെ കാര്യത്തിൽ അത് വേണ്ട എന്നെനിക്കു തോന്നി തന്റെ അച്ഛനോടും അമ്മയോടും എല്ലാം ഞാൻ നേരത്തെ സംസാരിച്ചതായിരുന്നു ഇനി തന്റെ സൗകര്യവും കൂടി നോക്കിയാൽ മതി എന്താ പോരെ’ അദ്ദേഹം പറഞ്ഞു നിർത്തി. അമ്മയുടെയും അച്ഛന്റെയും മുഖത്തേക്ക് നോക്കി രണ്ടുപേരും നല്ല സന്തോഷത്തിൽ ആണ് ശരണ്യയുടെ മുഖത്തും അത് തന്നെ. തൊട്ടു അപ്പുറത്ത് എന്നെ പറ്റിച്ചതിൽ ഉള്ള സന്തോഷം അടക്കി വച്ചു ചിരിക്കുന്ന വിവേകിനെയാണ് ഞാൻ കണ്ടത് ‘ഇതൊന്നു കഴിയെട്ടെടാ തെണ്ടി നിനക്കിട്ടുള്ളത് ഞാൻ തരാം’ എന്ന് മനസ്സിൽ വിചാരിച്ചു. എന്റെ നോട്ടം കണ്ടു ചിരിയൊതുക്കി കൊണ്ട് വിവേക് പറഞ്ഞു എല്ലാരും വാ Cake മുരിക്കാം എന്ന് അങ്ങനെ Cake മുറിയ്ക്കലും എല്ലാം കഴിഞ്ഞു അവരെല്ലാം വീട്ടിലേക്കു പോയി ‘ഞാൻ ശ്രാവണിയേ വീട്ടിൽ എത്തിച്ചേക്കാം’ എന്ന്