പിറ്റേന്ന് രാവിലെ ലച്ചു കോളേജിൽ പോകാൻ ആയി റെഡി ആയി താഴേക്കു ചെല്ലുബോൾ അവിടെ  മാധവനും അരുണും കൂടി വർത്തമാനം പറഞ്ഞു ഇരിക്കുക ആയിരുന്നു..ലച്ചു : എന്താ അച്ഛനും മോനും കൂടി ഭയങ്കര ആലോചന..

എന്നും പറഞ്ഞു അവൾ മാധവനും അരുണിനും ഓരോ ഉമ്മ കൊടുത്തു..

അരുൺ : നിന്നെ എത്രയും വേഗം  കെട്ടിച്ചു വിടാൻ ആലോചിക്കുക ആയിരുന്നു.. അല്ലെ അച്ഛാ .??

അവൻ ചിരിച്ചുകൊണ്ട് അവളോട് പറഞ്ഞു..

ലച്ചു  മുഖത്തു ദേഷ്യം വരുത്തി,??

അങ്ങനെ ഒന്നും ഇപ്പോ ഞാൻ പോകില്ല..  എന്നെ ആരും കെട്ടിക്കാനും നോക്കണ്ട.. അല്ലെ അച്ഛാ..

അതും പറഞ്ഞു അവൾ മാധവന്റെ അടുത്തേക് ഇരുന്നു..

മാധവൻ : എന്റെ മോൾ പേടിക്കണ്ട ട്ടോ.. മോളെ  ഇപ്പോ എങ്ങോട്ടും വിടില്ല..

ലച്ചു അരുണിനെ നോക്കി കൊഞ്ഞണം കുത്തി..

അതുകണ്ടു രണ്ടുപേരും ചിരിച്ചു..

അപ്പോഴേക്കും സരസ്വതി അങ്ങോട്ടേക്ക് വന്നു..

സരസ്വതി :ആർക്കും പോണ്ടേ ഇന്ന് .. കാപ്പി ഉണ്ടാക്കി വച്ചേക്കുന്നു.. വന്നു കഴിക്കാൻ നോക് എല്ലാരും..

എല്ലാരും എണിറ്റു ബ്രേക്ക്ക്ഫസ്റ് കഴിക്കാനായി ഇരുന്നു.

ലച്ചു : ഓ ഇന്നും ഇഡലിയും സാമ്പാറും ആണോ??

സരസ്വതി : അതിനു ഇന്നലെ പുട്ട് അല്ലായിരുന്നോ

ലച്ചു : എനിക്ക് വേണ്ട ഇഡലി..

അരുൺ : ഒരെണ്ണം എങ്കിലും കഴിക്കു ലച്ചു..

അവൾ ഒരെണ്ണം അടുത്ത് കഴിക്കാൻ തുടങ്ങി..

സരസ്വതി : ലച്ചു രാവിലെ എണിറ്റു നിനക്ക് അടുക്കളയിലോട് വന്നാൽ എന്താ.. വേറെ ഒരു വീട്ടിൽ ചെന്നു കയറേണ്ട പെണ്ണാ ഓർമ വേണം..

ലച്ചു : അമ്മ ഒന്നു നിർത്തുമോ രാവിലെ ഒരു ട്രിപ്പ്‌ കഴിഞ്ഞേ ഉള്ളു..  ഇനി ഇപ്പോ അമ്മയുടെ വക തുടങ്ങിക്കോ..

സരസ്വതി : ഞാൻ ഒന്നും പറയുന്നില്ല അല്ലെങ്കിലും അച്ഛനും ചേട്ടനും കൂടി കൊഞ്ചിച്ചു വച്ചേക്കുവല്ലേ..

അതും പറഞ്ഞു സരസ്വതി അകത്തേക്കു പോയി..

മാധവൻ :മോൾ കാര്യമാക്കണ്ട..
അതും പറഞ്ഞു അയാൾ ലച്ചുവിനെ തലോടി..