“അളിയാ ഞാനറിഞ്ഞത് സത്യമാണോ”
“അതെ”
ഒരു വികാരവുമില്ലാതെ ഞങ്ങളുടെ റൂമിലേക്ക് ഓടി കിതച്ചു വന്നവനോട് ഞാൻ മറുപടി കൊടുത്തു. എന്നിട്ട് എന്റെ കൂടേ ഇരിക്കുന്ന ഒരുത്തനെ നോക്കി. പാവം എന്തൊക്കെയോ പ്രതീക്ഷയായിരുന്നു എല്ലാം പോയില്ലേ.
“ടാ കോപ്പന്മാരെ ഇങ്ങനെ വെറുതെ കുത്തിരിക്കാതെ അന്വേഷിച്ചു കണ്ടു പിടിക്കട”
അതും കൂടി കേട്ടത്തോടെ എന്റെ ടെമ്പർ തെറ്റി.
“എന്ത് കോപ്പ് അന്വേഷിക്കാൻ ഇവനെ തേച്ചു ഇവന്റെ കാശും അടിച്ചുകൊണ്ട് പോയവൾക്ക് ഭർത്താവും കൊച്ചുമുണ്ട്. അത് ഈ കോപ്പന് അറിയുകയും ചെയ്യാം. ഇനി അവിടെ പോയി ബഹളം വച്ചാൽ അവിടെ നിന്നും കിട്ടി ഇടി.”
ഞാൻ നല്ല ശബ്ദത്തിൽ കാര്യം വിവരിച്ചപ്പോൾ മറ്റവനും മനസ്സിലായി എന്ന് തോന്നി അവനും അപ്പുറത്തെ സോഫയിൽ ഇരുന്നു. എന്നിട്ട് തേപ്പ് കിട്ടിയവനെ നോക്കി അവന്റെ അവസ്ഥ കണ്ടു എന്നെയും നോക്കിയപ്പോൾ ഞങ്ങൾക്ക് പെട്ടെന്ന് ചിരി നിർത്താൻ പറ്റിയില്ല എന്നത് മറ്റൊരു സത്യം.
ആസ്ഥാനത്തുള്ള ഞങ്ങളുടെ പൊട്ടി ചിരി കണ്ടിട്ടും അവന് ഒന്നും പറയാൻ പറ്റിയില്ല. നിങ്ങൾക്ക് കൂടുതൽ മനസ്സിലാകാൻ ഒരു രണ്ടു മാസം മുൻപ് നടന്ന സംഭവങ്ങൾ ഞാൻ പറയാം.
അരുൺ, ജിതേഷ് പിന്നെ നിവിൻ എന്ന ഞാനും ചെന്നൈയിൽ ഒരു ഐ ട്ടി കമ്പനിയിൽ ജോലി ചെയ്യുകയാണ്. ഞാനും ജിതേഷും ഒരു ടീമിലിം അരുൺ അവിടെ എച്ച് അറിലും ആയിട്ടാണ് ജോലി. മൂന്ന് പേരും ഒരുമിച്ചു ഒരു റൂം എടുത്തായിരുന്നു താമസം. കൂട്ടത്തിൽ അരുൺ മാത്രമാണ് കമ്മിറ്റെഡ് അതുകൊണ്ട് ഞങ്ങൾക്ക് അവനോടൊരു അസൂയ ഇല്ലാതില്ല കാരണം നമ്മൾ ജന്മനാ സിംഗിൾ ആയിട്ട് ഇരിക്കുമ്പോൾ കൂട്ടുക്കാരൻ തെണ്ടി കാമുകിയോട് സംസാരിക്കുമ്പോൾ നമ്മുക്ക് അസൂയ തോന്നില്ലേ.
പക്ഷെ ഒരിക്കൽ പോലും ഞങ്ങൾ അവന്റെ കാമുകിയെ നേരിൽ കണ്ടിട്ടില്ല. ഞങ്ങൾ പിന്നെ അതിനെ കുറച്ചു അന്വേഷിക്കാറില്ല എന്നതാണ് മറ്റൊരു സത്യം. കാരണം രാവിലെ ജോലിക്ക് പോവുക വൈകുന്നേരം തിരിച്ചു വരാ എന്നുള്ള ജീവിത രീതിയിൽ ബാക്കിയുള്ളവർ എന്ത് ചെയ്യുന്നു എന്ന് പോലും നോക്കാൻ സമയം കിട്ടാറില്ല.
അങ്ങനെ ഒരു അവധി ദിവസം ഞങ്ങൾ രണ്ടും അതായത് ഞാനും ജിതേഷും സിനിമക്ക് പോകാൻ പ്ലാൻ ചെയ്യുകയായിരുന്നു. അരുണിനോട് ചോദിച്ചില്ല കരണം ഞങ്ങളോട് നേരത്തെ അവർ രണ്ടും കറങ്ങാൻ പോവുകയാണ് എന്ന് പറഞ്ഞിരുന്നു. പിന്നെ ഞങ്ങൾ രണ്ടും ജിതേഷിന്റെ ബൈക്കിൽ തിയേറ്ററിലേക്ക് കയറി. സിനിമ അലമ്പാണെങ്കിലും സമയം പോകുമല്ലോ എന്നതാണ് ഞങ്ങളുടെ ഉദ്ദേശം.
സിനിമ പകുതി ആയപ്പോൾ തന്നെ ശരിക്കും മടുത്തിരുന്നു പിന്നെ കാശ് കൊടുത്തു പോയത് കൊണ്ട് ഇന്റർവെലിനു എന്തെങ്കിലും സ്നാക്ക്സ് മേടിക്കാം എന്ന് വിചാരിച്ചു പുറത്ത് ഇറങ്ങിയപ്പോൾ പരിചയമുള്ള രണ്ടു പേര് ഐസ് ക്രീംമും പോപ്കോണും മേടിച്ചു തിരിച്ചു വരുന്നു.
“അളിയാ ഇത് എച്ച് ആറിൽ പുതിയതായി ജോയിൻ ചെയ്ത കൊച്ചല്ലേ അവളെന്താ ഇവന്റെ കൂടേ?”
എന്റെ മനസ്സിലുള്ള ചോദ്യം അതുപോലെ ജിത്തു ചോദിച്ചപ്പോൾ ഞാനും എന്താ സംഭവം എന്ന് അറിയാതെ നിന്ന് പോയി. പക്ഷെ ചിരിച്ചുകളിച്ചു കൊണ്ട് വന്ന അവർ ഒരിക്കലും പ്രതീക്ഷിക്കാത്ത ഞങ്ങളെ അവിടെ കണ്ടതും ഞെട്ടിയത് ഞാൻ നല്ല വ്യക്തമായി കണ്ടു.
“എന്താ ഇവിടെ രണ്ടും പരിപാടി.”
കാര്യങ്ങളുടെ കിടപ്പ് ഏകദേശം വ്യക്തമായി എങ്കിലും ഞാൻ അവരുടെ മുൻപിൽ നിന്ന് ആ പോപ്കോൺ കുറച്ചു എടുത്തു കഴിച്ചു കൊണ്ട് ചോദിച്ചു. എന്തായാലും പത്തു പൈസ ചിലവ് ചെയ്യാൻ മടിയുള്ളവനെയാണ് ഇങ്ങനെ മുൻപിൽ കിട്ടിയത്.
“അത് അളിയാ ഇത് അപർണ നമ്മുടെ കമ്പനിയിലെ പുതിയതായി ജോയിൻ ചെയ്തതാ.”
“അത് ഞങ്ങൾക്കും അറിയാം നി നിന്റെ കാമുകിയുടെ കാണാൻ പോകുന്നുവെന്ന് പറഞ്ഞു ഇവിടെ എന്താ എന്നാണ് അവൻ ചോദിച്ചത്? ”
അവന്റെ തപ്പി തടഞ്ഞുള്ള ഉത്തരം കേട്ടപോലെ തന്നെ ജിത്തു ചാടി വീണു അവന്റെ വായ അടച്ചു. പെട്ടെന്ന് അവൻ അവളുടെ കൈയിൽ സാധനങ്ങൾ കൊടുത്തിട്ട് ഞങ്ങളെ വലിച്ചു നീക്കി നിർത്തി.
“പൊന്നളിയന്മാരെ നിങ്ങൾക്ക് കാര്യമെല്ലാം മനസ്സിലായി എന്നറിയാം അപ്പോൾ അതുകൊണ്ട് ഞങ്ങളെ വെറുതെ വിട്.”
“എടാ കോപ്പേ നി അല്ലെ അവളെ അവിടെ ജോലിക്ക് കയറ്റിയത്. എന്റെ കൂട്ടുകാരന് വേണ്ടി പറഞ്ഞപ്പോൾ എന്തായിരുന്നു അവന്റെ ഡയലോഗ്. ഇത് എന്തായാലും ഞങ്ങൾ കമ്പിനിയിൽ പാട്ടാക്കും മോനെ.”
അവന്റെ ഡയലോഗ് പിടിക്കാതെ ജിത്തു പറഞ്ഞതും അരുൺ നിന്ന് വിയർത്തു.
“അളിയാ ഞാൻ എന്ത് വേണമെങ്കിലും ചെയ്യാം ആരും ഒന്നും അറിയരുത് പ്ലീസ്.”
അവൻ തൊഴുതു പറയുന്ന അവസ്ഥയായപ്പോൾ അതുവരെ മിണ്ടാതെ നിന്ന ഞാൻ ഇടപെട്ടു.
“ശരി ഇനി ഞങ്ങളായിട്ട് ഒരു പ്രശ്നം ഉണ്ടാക്കുന്നില്ല പകരം ഇന്ന് ഞങ്ങൾ ഫുൾ കറക്കമാണ് അതിന്റെ ഫുൾ ചെലവായിട്ട് ഒരു അയ്യായിരം എങ്ങോട്ട് എടുത്തേക്ക്.”
വേറെ വഴി ഇല്ലാത്തത് കൊണ്ട് അവൻ കാശും തന്നു പോയി. ഞങ്ങൾ അങ്ങനെ അന്നത്തെ ദിവസം ആ പിശുക്കന്റെ കാശ് കൊണ്ട് അടിച്ചുപൊളിച്ചു.
അവൻ പിന്നെ അന്ന് റൂമിൽ വന്നു അവന്റെ കഥ പറയാൻ തുടങ്ങി. ഇൻസ്റ്റാഗ്രാം വഴി പരിചയപെട്ടതും ആദ്യം സൗഹൃദവും പിന്നെ അത് പ്രണയമായി മാറിയ സ്ഥിരം ക്ലിഷേ കഥ കേട്ടു എനിക്ക് തന്നെ ഉറക്കം വന്നു പോയി. അല്ലാതെ ബാക്കിയുള്ളവരുടെ പ്രണയ കഥ കേട്ടു അസൂയ മൂത്തതല്ല എന്ന് എന്റെ മനസ്സാക്ഷി ചോദിച്ചച്ചപ്പോൾ ഞാൻ അത് മൈൻഡ് ചെയ്തില്ല. പക്ഷെ എന്തുകൊണ്ടാണ് അവൻ അവളെ ആർക്കും മുൻപിൽ കാമുകിയാണെന്ന് പറഞ്ഞു പരിചയപെടുത്താത്തത് എന്ന് അവനോട് ചോദിച്ചിട്ട് വ്യക്തമായ ഉത്തരം അവൻ പറഞ്ഞില്ല. അതുപോലെ കമ്പനിയിൽ വച്ചു കണ്ടാൽ പോലും അവളും മൈൻഡ് ചെയ്യാറില്ല. പിന്നെ ഇതൊന്നും നമ്മളെ ബാധിക്കാത്തത് കൊണ്ട് ഞങ്ങൾ രണ്ടും അത് വിടുകയും ചെയ്തു.
അങ്ങനെ ഇരിക്കെ അവൾ ലീവിന് സ്വന്തം നാട്ടിൽ പോയി എന്ന് അവൻ പറഞ്ഞിരുന്നു. അതും നമ്മുടെ കാര്യം അല്ലാത്തത് കൊണ്ട് ഞങ്ങൾ അതിനും വലിയ പ്രാധാന്യം കൊടുത്തില്ല. പക്ഷെ കുറച്ചു ദിവസം കഴിഞ്ഞപ്പോൾ അവൾ വന്നിട്ടുമില്ല അതുപോലെ അവന്റെ സ്വഭാവത്തിൽ ചെറിയ മാറ്റം കണ്ടതും ഞാൻ ചോദിക്കാൻ തുടങ്ങി.
“സത്യം പറയടാ എന്താ നിന്റെ പ്രശ്നം? എന്താ നി ഇങ്ങനെ വിഷമിച്ചു ഇരിക്കാനുള്ള കാരണം?”
കുറച്ചു നേരം ചോദ്യം ആവർത്തിച്ചപ്പോൾ അവൻ എന്നോട് പറഞ്ഞു. അതായത് അവൾക്ക് ചെറിയ ഫാമിലി പ്രോബ്ലം വന്നപ്പോൾ അവൾ അത് അവനോട് പറഞ്ഞു പോയതാണെന്നും ഇപ്പോൾ ഫോൺ എടുക്കുന്നില്ല എന്നും. അന്ന് ജിതേഷ് നാട്ടിൽ ആയിരുന്നത് കൊണ്ടാണ് അവൻ അത് എന്നോട് പറഞ്ഞത്. പിന്നെ ഞാനും എന്റെ ഐഡിയ വച്ചു അന്വേഷിക്കാം എന്ന് തീരുമാനിച്ചു പക്ഷെ അവൾ കമ്പനിയിൽ കൊടുത്തു അഡ്രസ്സിൽ ആൾ ഇല്ല എന്നാണ് എനിക്കും കിട്ടിയത് അത് അവനോട് ചോദിച്ചപ്പോൾ അവൻ വലിയ വില കൊടുത്തില്ല.
കുറച്ചു ദിവസങ്ങൾക്കു ശേഷം അതായത് ഇന്നലെ അവന്റെ ആ ഇരിപ്പ് കണ്ട് സഹിക്കാൻ വയ്യാതെ ഞാൻ ചൂടായി.
“എടാ കോപ്പേ അവൾ നിന്നെ ഇട്ടത് പോയതാണെങ്കിലോ അല്ലെങ്കിൽ അവളെ പറ്റിയുള്ള ഡീറ്റെയിൽസ് എനിക്ക് താ ഞാൻ അന്വേഷിക്കട്ടെ അല്ലെങ്കിൽ എന്റെ ഫ്രണ്ട് പോലീസിൽ ഉണ്ട് അവൻ വഴിയും അന്വേഷിക്കാം.”
രണ്ടു ചാട്ടം ചാടിയപ്പോഴാണ് അവൻ സത്യം മുഴുവൻ പറഞ്ഞത്. അവൾക്ക് ഒരു കെട്ടിയോനും കൊച്ചും ഉണ്ടെന്നും അവൾക്ക് വേണ്ടി ഇവൻ ഒരുപാട് മേടിച്ചു കൊടുത്തിട്ടുണ്ട് എന്നും വെറുതെ ഇരിക്കുവാണ് എന്നും പറഞ്ഞപ്പോൾ ഇവൻ തന്നെ അവൾക്ക് റിസ്ക് എടുത്തു ജോലി റെഡിയാക്കി കൊടുത്തു എന്നും കേട്ടപ്പോൾ ഞാൻ അവിടെ ഇരുന്നു പോയി.
അവൻ പണ്ടേ ഞങ്ങളോട് പറഞ്ഞിട്ടുണ്ട് അവന്റെ ആത്മാർത്ഥ പ്രേമം ഒന്നുമല്ല പിന്നെ അവൾ പണക്കാരിയാണ് ജീവിതം സെറ്റിലാക്കാം പിന്നെ ഞങ്ങൾക്ക് വേണമെങ്കിൽ കൂട്ടിക്കാരെന്ന രീതിയിൽ സഹായം ഒക്കെ ചെയ്യാമെന്ന് പുച്ഛത്തിൽ പറയുമായിരുന്നു. അതൊക്കെ ഓർത്തിട്ടാണ് ഞങ്ങളിപ്പോൾ ചിരിച്ചത്.
“നീർത്തട പട്ടികളെ നിങ്ങളുടെ ചിരി”
അവൻ നിസ്സഹായത്തോടെ പറഞ്ഞപ്പോൾ ഞങ്ങൾ ചിരി പിടിച്ചു നിർത്തി. പിന്നെ കുറച്ചു നേരം നിശബ്ദമായിരുന്നു.
“അല്ല അളിയാ നിന്റെ എത്ര പോയി?”
ജിത്തുവാണ് ആ നിശബ്ദത ബെധിച്ചു ചോദ്യം ചോദിച്ചത്. അതിന്റെ ഉത്തരം അവൻ പറയില്ലാത്തത് കൊണ്ട് ഞാൻ ഇടയിൽ കയറി.
“എങ്ങനെ പോയാലും നല്ലൊരു എമൗണ്ട് പോയിട്ടുണ്ട് അളിയാ അതുപോലെ അല്ലെ അവളുടെ പിന്നാലെ ഉള്ള ഒലിപ്പ്.”
“അല്ലടാ ശരിക്കും അവൾ എവിടെ പോയതാ?”
ജിത്തു അവന്റെയുള്ളിൽ ഉള്ള സംശയം ചോദിച്ചതും ഞാൻ തന്നെ അതിന് മറുപടി കൊടുത്തു.
“അവളെ കാണാതായി പിന്നെ ഒരു കോൺടാക്ട് പോലും ഇല്ലാതെ ആയപ്പോൾ അളിയന് കാര്യം കത്തി. അങ്ങനെ അളിയൻ എല്ലാ ഡീറ്റൈൽസും പൊക്കി അവൾ ഇപ്പോൾ നാട് കടന്നു യു കെ യിലെത്തി. അവിടെ പോകാനുള്ള പൈസ ഇവനെ വച്ചു അവൾ കുറെ അഡ്ജസ്റ്റ് ചെയ്തു. പിന്നെ ഇവന്റെ കയ്യിലിരുപ്പ് കാരണം കേസ് കൊടുക്കാൻ പറ്റില്ല ആദ്യം ഇവൻ ജയിലിൽ പോകും.”
അങ്ങനെ കാര്യങ്ങൾ പറഞ്ഞു ഞങ്ങൾ ഞങ്ങളുടെ കാര്യങ്ങൾ ചെയ്തു രാത്രി കഴിക്കാനുള്ളത് ഉണ്ടാക്കി ഓരോ ബിയർ എടുത്തു ബാൽക്കണിയിൽ ഇരുന്നപ്പോൾ ജിതേഷ് ചോദിച്ചു.
“അല്ല അളിയാ അപ്പോൾ അവളെ പറ്റി കമ്പനി തിരക്കിയില്ലേ?”
“അതിന് അവൾ നേരെ ഹെഡ് ഓഫീസിലേക്ക് സ്പോട് റെസിഗനേഷൻ ഇട്ടല്ലേ പോയത്. അതാണ് ഈ മണ്ടന് അത് അറിയാതെ പോയത്.”
“ആഹ് നടക്കാനുള്ളത് നടന്നു ഇനി അത് ആലോചിചിട്ട് കാര്യമില്ല.”
ഞാൻ അത് അവസാനിക്കാൻ നോക്കിയപ്പോൾ ജിത്തുവിന്റെ സംശയം തീർന്നില്ല. ഇവന്റെയൊക്കെ സംശയം തീർക്കാൻ നിന്നാൽ ശരിക്കും എനിക്ക് തന്നെ വട്ട് പിടിക്കും.
“അപ്പോൾ പുതിയ ആൾ വന്ന?”
“വന്നു അവളുടെ പേര് ശരണ്യ.”
ജിത്തുവിന്റെ ചോദ്യത്തിന് ഇന്നത്തെ ദിവസം അതുവരെ മിണ്ടാതെ ഇരുന്നവൻ ഉത്തരം പറഞ്ഞപ്പോൾ അവനെ ഞങ്ങൾ കണ്ണ് മിഴിച്ചു നോക്കി.
“Once a കോഴി always he is a കോഴി” എന്ന സത്യം അതോടെ മനസ്സിലാക്കി.
✨
❤️
♥️♥️♥️♥️
Adipoli ayitund??
Super
❣️