ഇന്നാണാ കല്യാണം

Author : നൗഫു

“മോനേ കുടിക്കാൻ… കുറച്ചു വെള്ളം തരുമോ?

”

വീട്ടിൽ ആരുമില്ലാത്ത നേരം കാളിംഗ് ബെൽ തുടരെ തുടരെ അടിക്കുന്നത് കേട്ടു ആരാണീ മരണം എന്ന് മനസിൽ കരുതി….

ദേഷ്യത്തോടെ വാതിൽ തുറന്നപ്പോൾ കേട്ട വാക്കുകൾ അതായിരുന്നു..

“മോനേ കുടിക്കാൻ ഇച്ചിരി വെള്ളം തരുമോ ”

അല്ലെങ്കിലേ വീട്ടിൽ ആളില്ലാത്ത സമയത്താണ് ഇങ്ങനെയുള്ള ഓരോരോ മാരണങ്ങൾ കയറി വരിക…

വീട്ടിൽ ആളില്ലാത്ത നേരമുള്ള എന്റെ ചില കുസൃതികൾ ചിഹ്നം പിന്നമാവും…. [സത്യായിട്ടും നിങ്ങൾ ഉദേശിച്ചത്‌ അല്ലെ.. ഞാനൊരു നല്ല കുട്ടിയാണ് എന്ന് എനിക്കെ അഭിപ്രായമില്ല…]

“മെലിഞ്ഞു ഉണങ്ങിയ ശരീരവും അതിനെക്കാൾ മെലിഞ്ഞ മുഖവും കയ്യുമുള്ള ഒരു സാധു മനുഷ്യൻ എന്നെ ദയനീയ മായി നോക്കി കൊണ്ട് ചോദിച്ചു..”

ഉള്ളിൽ വന്ന ദേഷ്യം മുഴുവൻ അയാളെ കണ്ടപ്പോൾ തന്നെ എങ്ങോ മറഞ്ഞിരുന്നു…!