ഉണ്ണിമോൾ ഒരു ചെല്ലക്കുട്ടി — ഉണ്ണിക്കുട്ടനും – [Santhosh Nair] 904

എല്ലാ കഥകൾ-സ്വന്തങ്ങൾക്കും നന്ദി, നമസ്കാരം. സുഖമാണല്ലോ അല്ലെ?

എന്റെ പഴയ ബ്ലോഗിൽ പണ്ട് പ്രസിദ്ധീകരിച്ച ഉണ്ണിമോൾ കഥകളുടെ പുനരാവിഷ്കാരമാണിത്.

വായിച്ചിട്ടു അഭിപ്രായങ്ങൾ അറിയിച്ചേക്കണേ.

കുട്ടികൾ എപ്പോഴും എല്ലാവര്ക്കും പ്രിയപ്പെട്ടവർ ആണല്ലോ, വീട്ടിൽ / നാട്ടിൽ ഒക്കെ നടന്ന ചില രസകരങ്ങളായ സംഭവങ്ങളാണ് ഇതിനു ഉത്പ്രേരകമായത് (ഇതിലെ കേന്ദ്ര കഥാപാത്രമായ ഉണ്ണിമോൾ ഇപ്പോൾ പ്ലസ് ടു വിനു പഠിയ്ക്കുന്നു, ഉണ്ണിക്കുട്ടൻ ബി എസ്‌സി ചെയ്യുന്നു.) —- Time and tide wait for none

തുടർന്നു വായിയ്ക്കുക —

1 . ഉണ്ണിമോൾ കലക്കുന്നു…..

അമ്പലത്തിൽ പോകുമ്പോൾ ആനയുടെ മുമ്പിൽ കുട്ടിപ്പെണ്ണുങ്ങളും പയ്യൻസും കൂടി നില്ക്കുന്നത് കണ്ടപ്പോൾ ഉണ്ണിമോൾക്കും പോയിക്കാണണം എന്ന് ആശ. മുൻപിൽ കൊണ്ട് നിർത്തി.

കുഞ്ഞൂസ് എല്ലാവരും പത്തു രൂപ പാപ്പാന് കൊടുത്തപ്പോൾ ആന ചെറുക്കൻ തലയിൽ തുമ്പിക്കൈ വെച്ച് അനുഗ്രഹിച്ചു.

അത് കണ്ടു ഉണ്ണിമോൾ അവളുടെ അച്ഛനെയും അമ്മയെയും നോക്കി, അപ്പോൾ അച്ഛൻ ചോദിച്ചു മോൾക്ക്‌ ആനയുടെ അനുഗ്രഹം വേണോ? ഇന്നാ പത്തു രൂപ, പാപ്പാന് കൊടുക്ക്‌…

ഉണ്ണിമോൾ പറഞ്ഞു “എനിക്ക് ഇതൊന്നും വേണ്ട വീട്ടില് അപ്പുപ്പൻ നന്നായി അനുഗ്രഹിച്ചു ഉമ്മയും തരും, പത്തു രൂപ കയ്യിലും തരും പിന്നെ ഞാൻ എന്തിനാ പത്തു രൂപ ആനക്കാരൻ മാമന്കൊടുത്തു ആ ആനമാമന്റെ അനുഗ്രഹം വാങ്ങുന്നെ? ”

X —————————————- X