പ്രണയമഴ…!!?* 297

*പ്രണയമഴ…!!?

✍️മഞ്ഞ് പെണ്ണ്…

കാമത്തിന്റെ കെട്ടടങ്ങിയപ്പോൾ അയാൾ തിരിഞ്ഞ് കിടന്ന് ഉറക്കത്തെ കൂട്ട് പിടിച്ചു… കൈത്തണ്ടയിൽ അയാൾ സിഗരറ്റ് അമർത്തി മുറിവേൽപ്പിച്ചിടത്ത് അവൾ വേദനയോടെ നോക്കി… നിറഞ്ഞ മിഴിയാലേ തന്റെ പാതിയെ ഒന്ന് നോക്കി… ശരീരം ആകെ കള്ളിന്റെയും കഞ്ചാവിന്റെയും വാസന…

നഗ്നമായ ശരീരം പുതപ്പ് കൊണ്ട് വരിഞ്ഞ് ചുറ്റി അവൾ ബാത്റൂമിലേക്ക് നടന്നു… അയാളുടെ പരാക്രമത്തിൽ മേനി മുഴുവനും നുറുങ്ങി പോയിരുന്നു… വേച്ച് വേച്ചവൾ നടന്നു… ശരീരത്തിൽ വെള്ളം വീണതും ചെറിയൊരു ആശ്വാസം…!!കണ്ണുകൾ അടച്ച് ഏറെ നേരം ഷവറിന് ചുവട്ടിൽ നിന്നു…

പിന്നെ വേഗത്തിൽ കുളിച്ച് ഒരു സാരി ഉടുത്തു… മുറിയിൽ ആകെ പരന്ന് കിടക്കുന്ന മദ്യക്കുപ്പിയും ഗ്ലാസും സിഗരറ്റ് കുറ്റിയും എല്ലാം പൊറുക്കി മുറി ആകെ വൃത്തി ആക്കി ഇട്ടു… എല്ലാം കഴിഞ്ഞ് ബെഡിലേക്ക് അവൾ ചാരി കിടന്നു… നേരം വെളുക്കാൻ ആയിരിക്കുന്നു… അയാളെ ഒന്ന് നോക്കി കൊണ്ടവൾ കണ്ണുകൾ ഒന്ന് വെറുതെ അടച്ചു… കരയണം എന്ന് ഉള്ളാലെ ആഗ്രഹിക്കുന്നുണ്ടെകിലും കണ്ണീർ വറ്റിവരണ്ട മിഴിയിണകൾ അതിന് ഒട്ടും വഴങ്ങിയില്ല… ചങ്ക് ഒന്നിടറി…