നിന്നോടായ് ചൊല്ലിയത്

Author : ചെമ്പരത്തി

നിശീഥിനിയുടെ നനുത്ത യാമങ്ങളിൽ,

നേർത്ത ആലസ്യത്തിൽ എന്റെ നെഞ്ചിൻ

ചൂടേറ്റുറങ്ങുവാൻ തുടങ്ങുന്ന പ്രിയതമയോട് ഞാൻ പറഞ്ഞു……

പുണ്ണ്യമാണ്‌ നീ…….. എന്റെയും നമ്മുടെ  മക്കളുടെയും…..

ഒരായിരം വർണങ്ങൾക്കിടയിൽ നിന്നും

ഞാൻ തിരഞ്ഞെടുത്ത,എന്റെ ജീവിതത്തിലെ  മായാത്ത വർണമാണ് നീ….

മറ്റൊരു നിശയിൽ, ഈ ദേഹി   ദേഹം വിട്ടകന്നു

നിന്റെ ആത്മാവിൽ ലയിക്കുമ്പോൾ

ആ അവസാന ശ്വാസം വരെയും എന്നോടൊപ്പം നീയുണ്ടാകണം……. എന്റെ പ്രാണന്റെ പാതിയായ്, എന്റെ സന്തോഷങ്ങളുടെ പങ്കുകാരിയായി……

പ്രിയേ, നിന്നെ എന്റെ സങ്കടങ്ങളിലും, കണ്ണുനീരിലും  പങ്കുകാരിയാക്കാൻ ഞാൻ ഇഷ്ടപ്പെടുന്നില്ല

എന്തെന്നാൽ അതിൽ പോലും നിന്റെ മുഖത്തൊരു നിഴൽ വീഴാൻ ഞാൻ ആഗ്രഹിക്കുന്നില്ല…..

പ്രണയമാണ് നിന്നോടെനിക്ക്…. ഹൃദയത്തിന്റെ താളുകളിൽ രക്തം കൊണ്ടെഴുതിയ പ്രണയം…. വർഷങ്ങൾക്ക് മുന്നേ എന്നിൽ കുടിയേറിയ, എന്റെ പ്രാണനിൽ അലിഞ്ഞു ചേർന്ന പ്രണയം…..